PHISQA T’AQA
Diospa gobiernonmi yanapaqninkunata yachachin: Rey Jesucriston qatikuqninkunata preparan
HUK asambleapin huk iñiqmasinchis discurso qoqta qhawaspa umallanpi kayta nirqan: “Kay waynaqa iñiq t’aqaymantan, rikurqanin imaynatachus iñiq t’aqapi ñawpaq kaq discursonkunata qosqanta, kunantaq kay asambleapi discursotaña qoshan”, nispa. Chay iñiqmasinchisqa anchatan admirakurqan Diospa llaqtan imaynatachus preparawasqanchismanta. Discursota qoq iñiqmasinchisqa allintan iñiyninpi ñawparirqan precursorkunapaq escuelaman risqan qhepaman. Esposanwan kuskataq Diospa gobiernonmanta willaqkunapaq escuelaman rirqanku. Diospa llaqtanqa allin preparasqan kashan Diosmanta yachachinanpaq.
Bibliaqa willarqanmi Diospa llaqtanta kikin Jehová Dios yachachinanta (Is. 54:13). Chay profeciaqa kay tiemponchispin hunt’akushan. Diosqa manan qelqanchiskunallawanchu yachachiwanchis, aswanpas huñunakuykunawan asambleakunawan iman. Hinaspapas escuelakunan yanapawanchis aswan allinta Diosta servinanchispaq. ¿Imaynatan chaykuna sut’ita rikuchin Diospa gobiernon kamachishasqanta? Chaymantan kay t’aqapi yachasun.
KAY T'AQAPIN KAYKUNA KASHAN
16 CAPÍTULO
Diosta yupaychanapaq huñunakuykuna
¿Imatan ruwananchis huñunakuykuna allinninchispaq kananpaq?
17 CAPÍTULO
Diosta serviqkunapaq escuelakuna
¿Imaynatan allin yachachiq kanapaq escuelakuna Diospa gobiernonmanta willaqkunata prepararqan?