4 YACHACHIKUY
¿Imapin tarikurqanku Satanasta uyarisqankumanta?
Diosta mana kasukusqankumantan Adanpas Evapas wañupurqanku (Génesis 3:6, 23).
Satanasta kasuspan Evaqa chay sach’aq rurunta mijurqan, chaymantataq Adanman qorqan jinan paypas mijullarqantaq.
Chayta ruwaspaqa manan allintachu ruwasharqanku, jatun juchatan ruwasharqanku, chaymi Diosqa Adantapas Evatapas Edén huertamanta qarqopurqan.
Paykunapas wawankupas sasa kausaypin tarikurqanku, tiempoq pasasqanman jinataq machuyapuspa payayapuspa wañupurqanku. Paykunaqa manan janaq pachamanchu nitaq maymanpaschu rirqanku, aswanpas jallp’amanmi tukupurqanku.
Wañupuqkunaqa jallp’amanmi tukupunku, manañan ima ruwaytapas atinkuñachu (Génesis 3:19).
Llapanchispas Adanmanta Evamantan jamunchis, chaymi noqanchispas wañullanchistaq. Wañusqakunaqa manañan ima ruwaytapas atinkuñachu (Eclesiastés 9:5, 10).
Diosqa manan munarqanchu runakuna wañunankutaqa. Chaymi payqa pisi tiempollamanta wañusqakunata kausarichimpunqa. Diosta kasukuspaqa wiñaypaqmi kausanqaku.
Astawan yachanaykipaq
BIBLIAMANTA YACHACHIKUYKUNA
¿Imaynapin wañusqakuna tarikunku?
Biblian prometen juj tiempopi askha wañusqa runakuna kausarimpunankuta, imaynan Lázaro kausarimpuran jinata.
BIBLIAMANTA YACHACHIKUYKUNA
¿Imaraykun Dios jinallata qhawan ñak’ariykunata?
Biblian juj sumaq suyakuyta qowanchis.
BIBLIAQ WILLASQAN
Paraisomanta qarqochikunku
Adanwan Evawan huchachasqa kaqtinku, ¿ima suyakuytan Dios prometerqan?
