3 YACHACHIKUY
¿Imaynan qallariypi kausay karqan?
Diosqa imaymanatan Adanmanpas Evamanpas qorqan (Génesis 1:28).
Jehová Diosmi Eva sutiyoq warmita kamaspa Adanman qorqan esposan kananpaq (Génesis 2:21, 22).
Diosqa ch’uya yuyayniyoqtan ch’uya cuerpoyoqtan Adantapas Evatapas kamarqan.
Paykunaqa Edén huertapin tiyarqanku, chaypiqa karqanmi frutayoq sach’akuna, animalkuna juj mayu ima. ¡Ancha munaychá chay huertaqa karqan!
Jehová Diosqa sapa kutillanmi paykunawan rimaq, imaymanatataq yachachiqpas. Diostachus kasukunkuman karqan chayqa wiñaypaqmi chay paraisopi tiyankuman karqan.
Diosmi kamachirqan huertapi juj sach’aq rurunta ama mijunankupaq (Génesis 2:16, 17).
Jujnin angelmi Dios contra jatarirqan. Chay millay angeltan nikun Saqra, Satanás nispa.
Jehová Diosmi Adantapas Evatapas kamachirqan huertapi juj sach’aq rurunta ama mijunankupaq. Chay sach’amanta mijuspaqa wañupunankun karqan.
Satanasqa manan munarqanchu Diosta kasukunankuta. Chaymi mach’aqwayta rimachispa Evata engañarqan. Satanaspa nisqanman jinaqa sach’aq rurunta mijuspaqa manas wañunankuchu kasqa, aswanpas Dios jinas kananku kasqa. Chayta nispaqa llullakusharqanmi (Génesis 3:1-5).
Astawan yachanaykipaq
BIBLIAMANTA YACHACHIKUYKUNA
¿Imapaqmi Dios kay pachata kamaran?
Kay pachapiqa munaymi tukuy imapas kashan, intipas mana nishu karupichu ni nishu cercapichu kashan, manataqmi nishu apuraychu muyunpas. ¿Imaraykun Dios chhayna munayta kay pachata kamaran?
BIBLIAQ WILLASQAN
Diosmi paraisota qowarqanchis
¿Ima ninmi Biblia runakuna kamasqa kasqankumanta? ¿Ima kamachikuykunatan Dios qorqan Adanman Evamanwan?
