“Qallariymantapachan willani qhepaman imaynachus tukukunanta, qhepaman imachus kanantan ñaupaqmantaña willani” (Isaías 46:10)

¿Imakunan pasanan karan tukukuy tiempopi?

• Daniel 7:13, 14

  1914 watapin janaq pachapi Jesús kamachiyta qallariran.

• Mateo 24:3-14

  Jesusmi willaranña sasa tiempokuna chayamunanta.

• Apocalipsis 12:7-9, 12

  Jesusqa kamachiyta qallarispan Satanasta kay allpaman wijch’uyamuran. Satanasqa yachanmi tiempon pisillaña kasqanta chaymi phiñasqa kashan. Chay qhepamanmi Diosqa manaña permitenqachu mana allinkuna ruwananta.

‘¿Ima señalmi kanqa [...] kay tiempo tukukapunanpaqña kashaqtin?’ (Mateo 24:3)

¿Bibliaq willasqanmanta mayqen profeciallatapas junt’akuqta rikurankichu?

• Mateo 24:7; Lucas 21:11

  Kay tiempopiqa astawanmi guerrakuna, yarqaykuna, terremotokuna, onqoykunapas kashan. Manan jayk’aqpas chhaynaqa karanchu.

• 2 Timoteo 3:1-5

  Apóstol Pablon willaranña tukukuy p’unchaykunapi runakuna imayna kananmanta.

• Daniel 12:4

  Diosmi llaqtanta yanapashan Bibliata aswan allinta entiendenankupaq.

• Mateo 24:14

  Diospa gobiernonmanta allin willakuykunaqa mundontinpin willakushan.

‘Jehová Diospa p’unchayninqa imaynan suwapas tutalla jamun chhaynata chayamunqa’ (1 Tesalonicenses 5:2)

Kay pachaq tukukuynin cercapiñataq kashan chayqa, ¿imatan ruwanayki?

• Juan 17:3

  Bibliatan allinta estudianayki.

• Hebreos 10:24, 25

  Jehová Diospa testigonkunaq juñunakuyninmanmi rinayki astawan yachanaykipaq.

• Santiago 4:8

  Diospa amigon kanaykipaqmi cambiokunata ruwanayki.

• Lucas 21:34-36

  Jehová Diostan adoranayki. Chaymi aswan importante vidaykipi kanan.