16. Jehová Diosta adoray
1. AMA RUWAYCHU PANTASQA RELIGIONPA RUWAYNINKUNATA
“Chayrayku lloqsipuychis paykuna ukhumanta, arí, t’aqakuychis paykunamanta, amaña llamiykuychisñachu imachus qhelli kaqta” (2 Corintios 6:17)
¿Imaraykun mana adorananchischu santokunata wañusqakunatapas?
-
Jehová Diosqa manan munanchu santokunawan adorananchista.
-
Wañusqakunawan rimaqqa supaykunawanmi rimashan.
2. DIOSQA MANAN LLAPA FIESTAKUNATACHU ALLINPAQ QHAWARIN
“Allinta reparaychis ima ruwaykunachus Señorpa sonqonpaq jina chayta” (Efesios 5:10)
¿Imaynatan yachawaq juj fiestapi participanaykichus icha manachus chayta?
Ezequiel 44:23; 2 Corintios 6:14, 15
Averiguay maymanta paqarimusqanta, pantasqa religionmantapaschá paqarimun.
-
Wakinqa yaqapaschá wakin fiestata allinpaq qhawarinku, Diosmi ichaqa mana allinpaqchu qhawarinman.
-
Ama participaychu runata, organizacionkunata, banderata otaq llaqtata jatunchanapaq fiestakunapi.
-
Manaraq imatapas ruwashaspa allinta piensay. Concienciaykiqa manan ima ruwasqaykimantapas juchachanasuykichu.
3. SUMAQLLATAN YACHASQAYKIMANTA WILLANAYKI
“Rimayniykichisqa sumaqpuni kachun, kachiwan kachichasqa jina, chhaynapin yachankichis imaynatachus pitapas rimapayayta” (Colosenses 4:6)
¿Imaynatan willawaq imapichus creesqaykimanta?
-
Jujkunaq decidisqanta respetay.
-
Yachasqaykimanta willaspaqa sumaqllata rimay, amataq discutiychu.
-
Yachasqaykita llamp’u simiwan respetowan ima defiendey.
-
Juñunakuykunaqa kallpachasunkin yanapasunkitaqmi creesqaykimanta imayna explicayta.