“¡Qhawariy! ¡Unu! ¿Atiymanñachu bautizasqa kayta, icha imatawanraqchu ruwanay?” (Hechos 8:36)

¿Imaraykun bautizakuna? ¿Imaynatan chayta ruwana?

Bautizakuspan rikuchinchis ñaupa kausayninchista saqepusqanchista chaymantapachan Diospa munayninta ruwanallapaqña kausanchis.

• Mateo 28:19, 20

  Jehová Diosta servinanchispaqmi bautizakunanchis.

• Salmo 40:8

  Bautizakuspan jujkunaman rikuchinchis Diosta serviy munasqanchista.

• Mateo 3:16

  Pipas bautizakuspaqa Jesús jinan llapa cuerponta unuman chinkaykachinan.

“Diosta munakuyqa kamachikuyninkunata kasukuymi; kamachikuyninkunaqa manataqmi sasa junt’aychu” (1 Juan 5:3)

¿Imaraykun mana manchakunanchischu Diosman prometekuyta?

• Salmo 103:14; Isaías 41:10

  Diosman prometekunapaqqa manan perfectoraqchu kananchis. Paymi yanapawasunchis imatapas allinta ruwananchispaq.

• Colosenses 1:10

  Imapipas pantarunaykimanta manchakushanki chayqa, Diosta munakusqaykin manchakuyniykita atipanaykipaq yanapasunki.

“Diosníy, munayniykitapunin ruwayta munani, yachachikuy simiykitan sonqoy ukhupi jap’ini” (Salmo 40:8)

¿Imakunatan junt’ananchis bautizakunanchispaq?

• Juan 17:3

  BIBLIATAN ESTUDIANANCHIS

  Jehová Diosta Jesucristotawanmi reqsinanchis. Paykunata reqsisun chayqa astawanmi munakusun.

• Hebreos 11:6

  IÑINANCHISMI

  Tukuy sonqowanmi confiananchis Diospa promesankunapi, juchamanta wañuymantawan salvawananchispaq Jesuspa sacrificakusqanpipas.

• Hechos 3:19

  PESAPAKUNANCHISMI

  Ñaupaqpi mana allinkunata ruwasqanchismanta khuyayta llakikunanchis.

  KAUSAYNINCHISTAN CAMBIANANCHIS

  Mana allin ruwaykunata saqespan, allin kaqkunata ruwananchis.

• 1 Pedro 4:2

  DIOSTA SERVINANCHISPAQMI PROMETEKUNANCHIS

  Chaytaqa ruwanchis Diosmanta mañakuspan. Chay mañakuypin prometenchis payllata adorananchispaq, paypa munayninta ruwananchispaqpas.