“Llapa chaykunaraykun noqaqa Yayaman qonqorikuni, payraykun llapa familiakunaqa kan janaq pachapi kaqkunapas kay pachapi kaqkunapas” (Efesios 3:14, 15)

¿Imatan ruwananchis familianchiswan kusisqa kausanapaq?

• Génesis 1:26-28

  Familiataqa Jehová Diosmi qallarichiran.

• Efesios 5:1, 2

  Familianchispi sumaq kausay kananpaqqa, Jehová Diosta Jesustawanmi qatikunanchis.

“Qosakuna, sapankaykichis esposaykichista [...] munakuychis; jinallataq qankunapas, esposakuna, qosaykichista anchata respetaychis” (Efesios 5:33)

¿Imaynatan casarasqakuna kausananku?

• Efesios 5:22-29

  Qosan familianta umallinan, munakunantaqmi esposanta. Esposataq qosanta apoyanan decidisqanpi.

• Colosenses 3:19; 1 Pedro 3:4

  Munanakuspan sumaqta kausananku.

• 1 Pedro 3:1, 2, 7

  Qosawan esposawanqa respetanakunankun.

• 1 Timoteo 5:8; Tito 2:4, 5

  Qosaqa familiatan uywanan. Esposataq wasipi llapa ruwanankunawan junt’anan.

“Ama wawaykichista colerachiychischu, aswanpas sumaqta uywaychis Jehová Diospa nisqanman jina wanachispa, yachachispa ima” (Efesios 6:4)

¿Imaynatan tayta-mamakuna uywananku wawankuta?

• Deuteronomio 6:4-9; Proverbios 22:6

  Wawayoq kanki chayqa tiempotan t’aqanayki wawaykikunaman Jehová Diosmanta yachachinaykipaq, wawa kasqankumantapachan yanapanayki Diospa amigon kanankupaq.

• 1 Pedro 5:8

  Yachachinaykin violadorkunamanta cuidakunankupaq juj peligrokunamantapas.

• Jeremías 30:11; Hebreos 12:9-11

  Wanachiy wawaykikunata, ichaqa ama phiñasqa kashaspaqa nitaq maqaspachu.

“Wawakuna, [...] tayta-mamaykichista kasukuychis” (Efesios 6:1)

¿Imaraykun tayta-mamaykita kasukunayki?

• Proverbios 23:22-25; Colosenses 3:20

  Kasukuqtiykiqa Diospas tayta-mamaykipas anchatan kusikunqaku.

• 1 Corintios 15:33

  Jehová Diosta munakuq amigokunata maskhay. Chhaynapin mana sasachu kanqa allin kaqta ruwanaykipaq.