“Gobiernoyki jamuchun. Munayniyki kay pachapi ruwakuchun imaynan janaq pachapipas ruwakun jinata” (Mateo 6:9-13)

¿Iman Diospa gobiernon?

• Apocalipsis 11:15

  Diospa gobiernonqa janaq pachamantan kamachimunqa.

• 1 Timoteo 6:15

  Jesusmi Diospa gobiernonpi reyqa.

• Apocalipsis 14:1, 4

  144.000 runakunan Jesuswan kuska janaq pachamanta kamachimunqaku.

• Hebreos 4:15; 5:8

  Jesuspas 144.000 runakunapas allintan yachanku imayna sientekusqanchista ima problemakunapi tarikusqanchistapas.

“Chanin-kayman jinan sarunchasqakunata chaninchanqa” (Isaías 11:4)

¿Imaraykun Jesús allin rey kanqa?

• 1 Timoteo 6:16

  Kamachikuq runakunaqa wañunkun, Jesusmi ichaqa mana jayk’aqpas wañunqachu. Llapa ruwasqanpas wiñaypaqmi kanqa.

• Isaías 11:2-4

  Kamachikuqkunaq mana ruway atisqankutan Jesusqa ruwanqa. Jinaspapas payqa ancha atiyniyoq, khuyapayakuq allin kaqta ruwaqmi kanqa.

“Janaq pacha Diosqa mana jayk’aq thunikuq suyuta [otaq gobiernota] sayarichinqa” (Daniel 2:44)

¿Imatan ruwaranña Diospa gobiernon? ¿Imatan jamuq tiempopi ruwanqa?

• Apocalipsis 12:7-12

  1914 watapin Jesusqa rey kananpaq nombrasqa karan. Chay qhepamanmi Satanasta kay allpaman wijch’umuran chayraykun sinchita sufrishanchis.

• Eclesiastés 8:9; Apocalipsis 16:16

  Armagedón guerrapin Diospa gobiernonqa llapa gobiernokunata chinkachipunqa.

• Salmo 37:10

  Diosmi mana kasukuqkunata wañuchipunqa.

• Apocalipsis 22:1-3

  Diospa gobiernon kamachimuqtinqa manan pipas onqonqachu, wiñaypaqtaq kausasun Diospa sutintapas respetasun.