“Noqata kasuwaychis, noqan Diosniykichis kasaq, qankunataq llaqtay kankichis” (Jeremías 7:23)

¿Atisunmanchu Diospa amigon kayta?

• Génesis 22:18; Santiago 2:23

  Abrahanqa Jehová Diostan kasukuran paypitaqmi iñiranpas, chaymi Diospa amigon karan.

• 2 Crónicas 16:9

  Jehová Diosqa yanapanmi kasukuqkunata.

• Salmo 25:14; 32:8

  Jehová Diosqa allin yuyayta yachaytawanmi qon amigonkunaman.

• Salmo 55:22

  Jehová Diosqa cuidanmi amigonkunata.

“Chaykunaña kaqtinpas Jobqa manapunin juchallikuranchu, manallataqmi Diostapas juchacharanchu” (Job 1:22)

¿Imatan Satanás Jobmanta niran? ¿Imaynatan Job kutichiran?

• Job 1:10, 11

  Satanasmi niran: “Jobqa egoistan, manan Jehová Diostapas munakunchu”, nispa.

• Job 1:12-19; 2:7

  Jehová Diosqa permitiranmi Satanás Jobpa lliu kaqninkunata qechunanpaq. Jinaspapas millay onqoywanmi cuerponta tukuchiran.

• Job 27:5

  Jobqa manan yacharanchu imarayku chhayna sufrisqanta, chaywanpas payqa junt’aq sonqonpunin Diospaq karan.

“Tukuy imantapas runaqa qoyta atinmi, kausayninta qespichinanraykuqa [otaq salvananraykuqa]” (Job 2:4)

¿Imakunatan Satanás ruwan Diosmanta t’aqawananchispaq?

• 2 Corintios 11:14

  Satanasqa engañaytan munawanchis Diosta mana kasukunapaq.

• Proverbios 24:10

  “Noqaqa manan allin runachu kani, manataqmi Dios serviyta atiymanchu” nispa piensananchistan munan.

• 1 Pedro 5:8

  Satanasqa pruebakunatan churawanchis.

• Proverbios 27:11

  Jehová Diosta kasukuy, junt’aq sonqotaq kay, chayta ruwaspan rikuchinki Satanás llulla kasqanta.

“Diosta munakuyqa kamachikuyninkunata kasukuymi; kamachikuyninkunaqa manataqmi sasa junt’aychu” (1 Juan 5:3)

¿Imatan ruwanayki Jehová Diospa amigon kanaykipaq?

• Deuteronomio 6:5

  Diostan munakunayki, chaymi yanapasunki payta kasukunaykipaq.

• Isaías 48:17, 18

  Jehová Diostan kasukunayki, chay ruwayqa allinniykipaqmi kanqa.

• Deuteronomio 30:11-14

  Diospin confianayki, payqa atinallaykitan mañasunki.

• Filipenses 4:13

  Allin kaqtan ruwanayki, chaymi Diosqa kallpata qosunki.