¿Jehová Diosta servisqaykitachu mayninpi yuyarinki? Ninkipaschá: “Chay huñunakuypi kay discurso kallpachawarqan”, “chay asambleataqa manan qonqanichu”, “chay kutipi predicashaqtiyku kaykuna pasawarqanku”, “chay iñiqmasiwanqa sumaqtan parlaq kayku”, nispa. Chaykunan rikuchin Jehová Diosta mana qonqasqaykita, paypas manan qonqasunkichu, yuyashallanmi tukuy sonqoykiwan servisqaykita, chaymi yanapayta munashasunki llaqtanman kutimpunaykipaq.

Jehová Dios kikinpunin nin: “Ñoqa kikiymi ovejaykunata maskhaspa michikapusaq. Imaynan michiqqa ch’eqechisqa kasqanmanta huñuykuspa ovejankunata cuidan, chay hinatan ñoqapas cuidasaq. [...] hinantinman ch’eqeykurqanku, chaymantan qatikampusaq”, nispa (Ezequiel 34:11, 12).