Jehová Diosmi Satanaspa mana allin ruwasqankunata chinkachipunqa. Jesustan reyta churarqan kay pachata kamachimunanpaq. Chaypin kay jallp’aqa sumaq paraíso kapunqa (Daniel 7:13, 14; Lucas 23:43).

Yachasun Jehová Diospa promesankunamanta.

• ASKHAN MIJUYKUNA KANQA: “Jallp’an mijuyta wiñachimunqa, Diosninchismi bendeciwasun. Kay pachapiqa mana tukurikuqmi mijuy kanqa, orqo patakunapin [...] wiñanqa” (Salmos 67:6; 72:16).

• MANAN GUERRAKUNA KANQAÑACHU: “Jehová Diospa ruwasqankunata rikuychis, payqa admiranapaq ruwaykunatan kay pachapi ruwarqan. Paymi kay pachapi guerrata tukuchiqqa” (Salmos 46:8, 9).

• MILLAY RUNAKUNAQA CHINKAPUNQAN: “Millay runakunaqa chinkachisqan kanqaku [...]; maypichus kasharqanku  chaytan qhawarinki, ichaqa manañan chaypiñachu kapunqaku” (Salmos 37:9, 10).

• MANAN KANQAÑACHU ONQOYPAS NANAYPAS NI WAÑUYPAS: “Chay tiempopin ñausakunaq ñawinqa qhawarinqa, roqt’ukunaq ninrinpas kicharikunqa, wist’upas taruka jinan p’itanqa, upapas kusikuymantan qaparinqa” (Isaías 35:5, 6).

  “Dios kikinmi paykunawan kashanqa, paymi ñawinkumanta tukuy weqeta pichanqa, manan wañuypas kanqañachu, manañataqmi llakikuypas, waqaypas, ni nanaypas kanqañachu” (Apocalipsis 21:3, 4).

Satanaspas supayninkunapas llullakunkun, Jehová Diosmi ichaqa mana llullachu. Promesankunataqa junt’anqapunin (Lucas 1:36, 37). Jehová Diosqa munakusunkin, payqa paraisopi tiyanaykitan munan. Bibliamanta astawan yachayta munanki chayqa Jehová Diospa testigonkunata wajay. Bibliapi nisqanta kasukunki chayqa llulla yachachikuykunamantan kacharichisqa kanki. Jamuq tiempopitaq juchamanta wañuymantawan kacharichisqa kanki. Jesusmi nirqan: “Reqsinkichis cheqaq kaqta, chay cheqaq kaqtaq kacharichisunkichis”, nispa (Juan 8:32).