JUJKUNATA YACHACHIY
10 YACHACHIKUY
Sonqomanta yachachiy
Bibliapin nin: “Manan Diosmanta allin willakuykunallatachu willayta munarqaykiku, aswanpas vidaykutaraqmi qankunarayku qoyta munarqayku”, nispa (1 Tes. 2:8).
Jesuspa imachus ruwasqan
1. VIDEOTA qhaway otaq leey Juan 3:1, 2 textota. Jinaspa qatimuq tapuykunapi yuyaymanay:
-
¿Imaraykun Nicodemo tutallapi Jesusman asuykunman karqan? (Qhaway Juan 12:42, 43).
-
¿Imaynatan Jesús rikuchirqan sonqomantapuni jujkunata yanapay munasqanta?
¿Imatan yachasunman Jesuspa imayna yachachisqanmanta?
2. Runamasinchistaqa munakunchismi, chaymi sonqomanta kallpachakunchis Jesuspa discipulonkuna kanankupaq yanapananchispaq.
Jesuspa ruwasqanta jina ruway
3. Maypi yachachinaykita ima horas yachachinaykita munasqanpi yachachiy. ¿Maypin ima horastan estudiayta munan? ¿Llank’ananpichu, wasinpichu, icha maypichu estudiayta munan? Kallpachakuy ima horasta rinaykipaqchá nisunki chay horastapuni rinaykipaq.
4. Kallpachakuy ima p’unchaykunapichus estudianaykichispaq rimanakurqankichis chayta junt’anaykipaq. Mana riyta atispaqa kaykunatan ruwawaq:
5. Kusisqalla yachachinaykipaq Diospa yanapayninta mañakuy. Yachachisqayki runa maynillanpi estudiashan otaq mana yachasqanman jinachu kausashan chayqa, astawanraq Diospa yanapayninta mañakuy sonqomanta yachachisqayki runata yanapanaykipaq (Filip. 2:13). Chaymantapas yachachisqayki runaq allinkuna ruwasqanpi piensanaykipaq mañakuy.
QHAWALLAYTAQ
Prov. 3:27; Hech. 20:35; 2 Cor. 12:15 textokunata.
