RIMAYTA QALLARIY
5 YACHACHIKUY
Sumaqta rimay
Bibliapin nin: “Rimayniykichisqa sumaqpuni kachun”, nispa (Col. 4:6).
Pabloq imachus ruwasqan
1. VIDEOTA qhaway otaq leey Hechos 17:22, 23 textota. Jinaspa qatimuq tapuykunapi yuyaymanay:
-
¿Imaynan Pablo kasharqan Atenas llaqtata idolokunawan junt’aykusqata rikuspa? (Qhaway Hechos 17:16).
-
¿Imaynatan apóstol Pablo Atenas llaqtayoq runakunata rimapayarqan?
¿Imatan yachasunman Pabloq imayna yachachisqanmanta?
2. Allinta yuyaykusun ima ninanchista, imayna ninanchista, ima ratupi ninanchistapas chayqa, yaqapaschá runakunaqa uyarikuyta munanqaku.
Pabloq ruwasqanta jina ruway
3. Allinta yuyaykuy imachus ninaykipi. Mana religionniyoq runawan tupaspaqa yaqapaschá Bibliamanta otaq Jesusmantapas rimananchispaqqa jujniraymanta rimananchis kanqa.
4. Ima nisqanmantapas ama kaq ratuqa “manan chhaynachu” niychu. Dejallay uyariqniykiq rimananta. Ima nisqanpas mana Bibliaq nisqanman jinachu kashan chaypas, ama “manan chhaynachu” niychu (Sant. 1:19). Aswanpas makilla uyariy, chhaynapin reparanki imakunapis creen, imaraykus chaykunapi creen chaytapas (Prov. 20:5).
5. Allinta imatapas niqtinqa “kusa”, “razonwanmi nishanki” niy. Yaqapaschá uyariqniyki runaqa piensashanman imachus nisqan cheqaq kananpaq. Ñaupaqta reparay imamantachus rimayta munasqanta, jinaspa pisi-pisimanta willay imatachus Biblia chaymanta nin chayta.
QHAWALLAYTAQ
Prov. 25:15; 2 Tim. 2:23-26; 1 Ped. 3:15 textokunata.
