Jesusmi willarqan allin sonqoyoq runakuna cheqaq yachachikuyta chaskikunanku kasqanta (Juan 10:​4, 27). Chayraykun Bibliapi kaq cheqaq yachachikuykunataqa llapan runakunaman willananchis. “¿Yacharqankichu…?” otaq “¿jayk’aqllapas uyarirqankichu…?” nispan rimayta qallarisunman. Jinaspan Bibliaq nisqanta willasunman, chaymantataq chaymanta willaq textota leepusunman. Bibliamanta cheqaq yachachikuyta runakunaman willayqa sonqonkupi mujuta tarpuy jinan. ¡Diosqa wiñachinmanmi chay tarpusqanchis mujutaqa! (1 Cor. 3:​6, 7).

•  Jamuq tiempomanta

•  Familiamanta

•  Diosmanta

•  Mañakuymanta

•  Jesusmanta

•  Diospa gobiernonmanta

•  Ñak’ariymanta

•  Wañuymanta

•  Religionmanta

 JAMUQ TIEMPOMANTA

1. 1. Kay tiempopi imakunachus pasasqanmi runakunapas imaynachus kasqankun reparachiwanchis tukuy imapas pisi tiempollamanta allin kapunanta (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Kay pachaqa manan jayk’aqpas chinkachisqachu kanqa (Sal. 104:5; Ecl. 1:4).

3. 3. Kay jallp’a pachaqa mosoqyachisqan kapunqa (Isa. 35:​1, 2; Apo. 11:18).

4. 4. Jamuq tiempopiqa manan pipas onqonqañachu (Isa. 33:24; 35:​5, 6).

5. 5. Wiñaypaqmi kay jallp’apiqa tiyawaq (Sal. 37:29; Mat. 5:5).

 FAMILIAMANTA

1. 6. Qosaqa pay kikinta jinapunin esposanta munakunan (Efes. 5:33; Col. 3:19).

2. 7. Esposaqa qosantan anchata respetanan (Efes. 5:33; Col. 3:18).

3. 8. Qosapas esposapas manan jujwanqa engañanakunankuchu (Mal. 2:16; Mat. 19:​4-6, 9; Heb. 13:4).

4. 9. Tayta-mamankuta respetaq, kasukuq wawakunaqa allillanmi kanqaku (Prov. 1:​8, 9; Efes. 6:​1-3).

 DIOSMANTA

1. 10. Diosqa sutiyoqmi (Sal. 83:18; Jer. 10:10).

2. 11. Diosqa sumaq willakuykunatan willawanchis (2 Tim. 3:​16, 17; 2 Ped. 1:​20, 21).

3. 12. Diosqa chaninmi, manan pimanpas sayapakunchu (Deut. 10:17; Hech. 10:​34, 35).

4. 13. Diosqa yanapaytan munawanchis (Sal. 46:1; 145:​18, 19).

  MAÑAKUYMANTA

1. 14. Diosqa paymanta mañakunanchistan munan (Sal. 62:8; 65:2; 1 Ped. 5:7).

2. 15. Bibliapin yachasunman imaynatas Diosmanta mañakusunman chayta (Mat. 6:​7-13; Luc. 11:​1-4).

3. 16. Diosmantaqa sapa kutillanmi mañakunanchis (Mat. 7:​7, 8; 1 Tes. 5:17).

 JESUSMANTA

1. 17. Jesusqa allin yachachiqmi karqan, chay yachachisqanqa allinninchispaqmi (Mat. 6:​14, 15, 34; 7:12).

2. 18. Jesusqa willarqanñan kay tiempopi imakunachus pasashan chayta (Mat. 24:​3, 7, 8, 14; Luc. 21:​10, 11).

3. 19. Jesusqa Diospa Churinmi (Mat. 16:16; Juan 3:16; 1 Juan 4:15).

4. 20. Jesusqa manan Dioschu (Juan 14:28; 1 Cor. 11:3).

 DIOSPA GOBIERNONMANTA

1. 21. Diospa gobiernonqa kanpunin, janaq pachapin kashan (Dan. 2:44; 7:​13, 14; Mat. 6:​9, 10; Apo. 11:15).

2. 22. Diospa gobiernonmi llapa gobiernokunaq rantinpi kamachikunqa (Sal. 2:​7-9; Dan. 2:44).

3. 23. Diospa gobiernollanmi llapa sasachakuykunataqa allichanqa (Sal. 37:​10, 11; 46:9; Isa. 65:​21-23).

 ÑAK’ARIYMANTA

1. 24. Ñak’ariykunapi tarikusqanchismantaqa manan Dioschu juchayoq (Deut. 32:4; Sant. 1:13).

2. 25. Satanasmi kay pachataqa kamachishan (Luc. 4:​5, 6; 1 Juan 5:19).

3. 26. Diosqa rikumushanmi imaynapi tarikusqaykita, yanapaytataqmi munashasunkipas (Sal. 34:​17-19; Isa. 41:​10, 13).

4. 27. Diosqa pisi tiempollamantan ñak’ariyta chinkachipunqa (Isa. 65:17; Apo. 21:​3, 4).

 WAÑUYMANTA

1. 28. Wañusqakunaqa manan imatapas yachankuñachu, manataqmi ñak’arinkupaschu (Ecl. 9:5; Juan 11:​11-14).

2. 29. Wañusqakunaqa manan yanapawasunmanchu, nitaqmi ima mana allintapas ruwawasunmanchu (Sal. 146:4; Ecl. 9:​6, 10).

3. 30. Wañuqninchiskunaqa kausarimpunqakun (Job 14:​13-15; Juan 5:​28, 29; Hech. 24:15).

4. 31. “Manan wañuypas kanqañachu” (Apo. 21:​3, 4; Isa. 25:8).

 RELIGIONMANTA

1. 32. Diosqa manan llapa religionkunatachu chaskin (Jer. 7:11; Mat. 7:​13, 14, 21-23).

2. 33. Diosqa cheqnikunmi iskay uya kayta (Isa. 29:13; Miq. 3:11; Mar. 7:​6-8).

3. 34. Cheqaq religionpi kaqkunataqa munakuq kasqankupin reqsisun (Miq. 4:3; Juan 13:​34, 35).