ASTAWAN YACHANAPAQ B
¿Imaynapin reparasunman rimashasqanchis runawan manaña rimananchischu kasqanta?
Sichus pipas imamantapas yachaytapuni munaspa tapuwasunman otaq ima yachachisqanchismantapas sut’inchananchista munanman chayqa, rimallasunmanmi paykunawanqa. Noqanchisqa llapa “wiñay kausayman apaq ñanninta [ . . . ] puriy munaqkunawanmi” rimananchis (Hech. 13:48).
Ichaqa, ¿imatan ruwasunman phiñasqa kashaqtin, discutiyta munaqtin, otaq manapas uyariyta munawaqtinchis? Chhayna kaqtinqa chayllapin rimayta tukupunanchis (Prov. 17:14). Chaymantataq sumaqllata ripunanchis. Qhepamanqa yaqapaschá chay runaqa noqanchiswan rimayta munanman (1 Ped. 2:12).