34 YACHACHIKUY
¿Imaynatan rikuchisunman Jehová Dios munakusqanchista?
Biblia estudiayta qallarisqaykimantapachaqa yaqapaschá munay amigoykita jinaña Jehová Diosta qhawarishanki. ¿Munawaqchu astawan payta munakuyta? Chhayna kaqtinqa astawanmi paypas qanta munakusunki, sumaqtataqmi uywasunkipas. Ichaqa, ¿imaynatan payman rikuchiwaq munakusqaykita? Chaytan kunan yachasunchis.
1. ¿Imaynatan Jehová Diosman rikuchisunman payta munakusqanchista?
Diosta munakusqanchistaqa rikuchisunchis kamachikuyninkunata kasukuspan (leey 1 Juan 5:3). Ichaqa, manan Jehová Diosqa munanmanchu pipas mana munashaspa kamachisqankuna ruwanantaqa. Aswanmi payqa munan payta munakuspa noqallanchismanta “tukuy sonqo kasukunanchista” (Romanos 6:17). Kay libropi kinsa t’aqapi tawa t’aqapi iman yachasunchis imaynas Jehová Dios munakusqanchista rikuchinanchispaqqa kamachikuyninkunata kasukunanchis, cheqnikusqan ruwaykunatataq cheqnikunanchis chaykunamanta.
2. ¿Imaraykun mayninpi sasa kanman Jehová Dios munakusqanchista rikuchiy?
Bibliaq nisqan jina “chanin runaq ñak’ariyninqa askhapunin” (Salmos 34:19). Juchasapa kayninchispin mayninqa mana facilchu allin kaqta ruway. Mayninqa qolqe imapaschá pisiwasunman, runamasinchis imapaschá ima mana allinpipas tarichiwasunman, ima llakipi imapaschá tarikusunman. Chhaynakunapi tarikuqtinchisqa sasan mayninqa kanman Jehová Diosta kasukuy. Ichaqa, chhaynaña kaqtinpas kasukuspaqa, Jehová Dios munakusqanchistan rikuchishanchis, pay sonqollapuni kasqanchistan rikuchishanchis. Chayta rikuspaqa paypas may sumaqtan qhawariwasunchis, manataqmi jayk’aqpas saqewasunchu (leey Salmos 4:3).
ASTAWAN YACHASUNCHIS
¿Imaraykun Jehová Dios munan kasukuq kananchista? ¿Iman yanapawasunman tukuy sonqo payta servinanchispaq? Chaykunamanta astawan yachasun.
3. Llapanchismi Dios munakusqanchista rikuchinanchis
Bibliapin willashan imaynas Satanasqa Job sutiyoq runaq contranpi mana allinta rimarqan chayta. Ichaqa manan Jobpa contrallanpichu Satanasqa rimasharqan, llapa Diosta serviq runakunaq contranpi iman payqa rimasharqan. Leeychis Job 1:1; 1:6-2:10 textota, chaymantataq jamuq tapuykunaman jina parlariychis:
-
Satanaspa nisqanman jinaqa, ¿imaraykullas Jobqa Jehová Diosta kasukusqa? (Qhawaychis Job 1:9-11 textota).
-
¿Imatan piensan Satanás runakunamanta? ¿Imaninmi qanmantapas? (Qhawaychis Job 2:4 textota).
Leeychis Job 27:5b textota, chaymantataq qatimuq tapuyman jina parlariychis:
-
¿Imaynatan Job rikuchirqan sonqomantapuni Jehová Diosta munakusqanta?
Jobqa ñak’ariypiña tarikuspapas manapunin Jehová Diostaqa saqerqanchu.
Noqanchispas ima sasachakuypiña tarikuspapas manapunin Jehová Diostaqa saqenanchischu.
4. Jehová Diospa sonqonta kusichiy
Leeychis Proverbios 27:11 textota, jinaspa jamuq tapuykunaman jina parlariychis:
-
¿Imata ruwaspan Jehová Diospa sonqonta kusichiwaq? ¿Imaraykun allinpuni chay ruway?
5. Kallpachakuy Jehová Diosta tukuy sonqo kasukunaykipaq
Jehová Diosta munakusqanchismi yanapawasun jujkunaman paymanta willananchispaq. Pay sonqollapuni kaytaq yanapawasun sasaña kaqtinpas willashanallanchispaq. VIDEOTA qhawaychis, jinaspa jamuq tapuykunaman jina parlariychis:
-
¿Sasachu qanpaq Jehová Diosmanta jujkunaman willay?
-
Videopi qhawasqanchisman jina, ¿imaynatan Grayson manchakuyninta atiparqan?
Jehová Diosta tukuy sonqo servinanchispaqqa paypa munakusqantan munakunanchis, cheqnikusqantataq cheqnikunanchis. Leeychis Salmos 97:10 textota, jinaspa jamuq tapuykunaman jina parlariychis:
-
Kaykama yachasqaykiman jina, ¿imakunatan Jehová Dios munakun? ¿Imakunatataqmi cheqnikun?
-
¿Imaynatan yachasunman Jehová Diospa munakusqan munakuyta, cheqnikusqan cheqnikuytapas?
6. Jehová Diosta kasukuyqa allinninchispaqmi
Jehová Diosta kasukuyqa allinninchispaqpunin. Leeychis Isaías 48:17, 18 textota, jinaspa jamuq tapuykunaman jina parlariychis:
-
Qhawarisqaykiman jina, ¿yachanmanchu Jehová Dios imachus noqanchispaq allin chayta? ¿Imaraykutaq chhaynata piensanki?
-
¿Yanapashasunkichu Bibliata estudiasqayki, Jehová Diostapas reqsisqayki? ¿Imakunapin yanapashasunki?
WAKIN RUNAKUNAN NINKU: “Diosmanqa manan imapas qokunchu imachus ruwasqayqa”, nispa.
-
¿Mayqen textokunawanmi entiendechiwaq Jehová Diosqa allin kaqta ruwaqtinchis kusikusqanta, mana allin kaqta ruwaqtinchistaq llakikusqanta?
IMATAN YACHAMURQANCHIS
Jehová Diosta munakusqaykita rikuchinaykipaqqa paytan kasukunayki, sasaña kaqtinpas payllatapunin tukuy sonqo kasukunayki.
Yuyarisun
-
¿Imatan yachawaq Jobpa imachus ruwasqanmanta?
-
¿Imaynatan Jehová Dios munakusqaykita rikuchiwaq?
-
¿Iman yanapasunkiman Jehová Diosta tukuy sonqowan kasukunaykipaq?
ASTAWAN YACHANAYKIPAQ
¿Imaynatan Jehová Diostapas llaqtantapas tukuy sonqo munakusunman? Chaymantan kay videopi yachanki.
Kay qelqapin astawan yachanki imanispas Satanás Jobta tumparqan chayta.
Wawakunapas atinkumanmi Jehová Diospa sonqon kusichiyta, chaymantan kay videopi yachanki.
Jujkunaña mana allinman apayta munanman chaypas wayna-sipaskunapas Jehová Diostaqa kasukunkumanmi. Chaymantan kay videopi yachanki.
Ama jujkunawan tanqachikuychu mana allinkunata ruwanaykipaq (4:00)
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
