25 YACHACHIKUY
¿Imapaqmi Dios kamawarqanchis?
Bibliaq nisqan jina, “runaqa pisi tiempollan kausan, llakikuyninkunapas mana tukurikuqmi” (Job 14:1). ¿Chhayna kausananchispaqchu Dios kamawasunman karqan? Manachus chayqa, ¿imayna kausananchistan pay munanman? ¿Jayk’aqllapas kusisqa kausasunmanchu? ¿Imaninmanmi Biblia chaykunamanta? Chaytan kaypi yachasun.
1. ¿Imayna kausananchistan Dios munan?
Jehová Diosqa kusisqa kausananchistan munan. Chaymi Adanta Evatawan kamaspaqa Edén nisqa munay huertaman churarqan chaypi tiyanankupaq. Chaypin “Diosqa paykunaman bendicionninta churaykuspa nirqan: Askha wawakunayoq kaychis, askhaman tukuychis, pachantinman junt’aykuychis, chaypi munayniyoq kaychis”, nispa (Génesis 1:28). Jehová Diosqa munarqan runakuna kay pachata munay huertaman jina tukuchinankutan, animalkunatapas sumaqta uywanankutan. Chaymantapas payqa munarqan llapa runapas wiñaypaq qhalilla kausanankutan.
Chay imachus munasqan manaña junt’akurqanchu chaypas, a jamuq tiempopiqa junt’akunqapunin (Isaías 46:10, 11). Diosqa maytan munashan payta kasukuqkuna mana imamanta llakikuspa wiñaypaq kausanankuta (leey Apocalipsis 21:3, 4).
2. ¿Imatan ruwananchis kunanmantapacha kusisqa kausananchispaq?
Jehová Diosqa paymanta yachay munaqta, payta adoray munaqtan kamawasqanchis (leey Mateo 5:3-6). Chaymi payqa munan paywan amigontin kananchista, “ñanninkunapi purinanchista, payllata munakunanchista”, tukuy sonqo payta servinanchista ima (Deuteronomio 10:12; Salmos 25:14). Chaykunata ruwasunchis chayqa, sasachakuykunapiña tarikuspapas kusisqan kasunchis. Jehová Diosta servispallan cheqaq kusisqaqa kausasunchis.
ASTAWAN YACHASUNCHIS
Jehová Diosqa may munakuyninpin noqanchispi piensaspa kay pachataqa kamasqa. Ichaqa ¿imapaqmi noqanchista kamawasunman karqan? Chaymantan kunan astawan yachasun.
3. Jehová Diosqa kusisqa kausananchistan munan
VIDEOTA qhawaychis, jinaspa jamuq tapuyman jina parlariychis:
-
¿Imaraykun kay pachata Dios kamarqan?
Leeychis Eclesiastés 3:11 textota, jinaspa jamuq tapuyman jina parlariychis:
-
¿Imatan kay textota leespa Jehová Diosmanta yachasunman?
4. Diospa imachus munasqanqa junt’akunqapunin
Leeychis Salmos 37:11, 29; Isaías 55:11 textokunata, jinaspa jamuq tapuyman jina parlariychis:
-
¿Cambiapurqanchu Dios runakunapaq imachus munasqanta, icha junt’anqapunichu chayta?
Imaynan runaqa thanta wasita allichayta atinman, chhaynatan Diospas kay pachata sumaqta allichapunqa chaypi kasukuq runakuna tiyananpaq.
5. Jehová Diosta servispallan cheqaq kusisqaqa kausasun
Kusisqa kananchispaqqa yachananchismi imatachus Dios noqanchispaq munan chayta. VIDEOTA qhawaychis, jinaspa jamuq tapuyman jina parlariychis:
-
¿Imaynatan Terumi yacharqan runakunapaq Diospa imachus munasqanta? ¿Imaynatan chay yachasqan payta yanaparqan?
Leeychis Eclesiastés 12:13 textota, jinaspa jamuq tapuyman jina parlariychis:
-
Rikusqanchis jina, Jehová Diosqa imaymanatan noqanchisrayku ruwarqan, ¿imaynatan agradecekusunman tukuy chaykuna ruwasqanmanta?
WAKIN RUNAKUNAN NINKU: “¿Khaynata sufrinanchispaqchu Dios kamawarqanchis? Manamá chayqa allinchu”, nispa.
-
¿Imaniwaqmi chhayna niqkunata?
IMATAN YACHAMURQANCHIS
Jehová Diosqa kay pachapi wiñaypaq kusisqa kausananchistan munan. Kunanpas atisunmanmi kusisqa kausaytaqa, chaypaqmi ichaqa tukuy sonqowan Jehová Diosta servinanchis.
Yuyarisun
-
¿Imayna kausanankuta munaspan Jehová Dios Adantapas Evatapas kamarqan?
-
¿Cambiapurqanchu Diospa chay munasqan, icha junt’akunqapunichu?
-
¿Imatan ruwanayki kusisqa kausanaykipaq?
ASTAWAN YACHANAYKIPAQ
Edén huertaqa cheqaqpunin karqan, chaymantan kay qelqapi yachanki.
Kay pachaqa wiñay-wiñaypaqmi kashallanqa, chaymantan kaypi yachanki.
Bibliaqa allintan willashan imapaqchus runakuna kausanchis chayta. Chaymantan kaypi yachanki.
Juj runan tukuy imaymanayoq karqan, ichaqa manan kusisqachu kausarqan. Paymantan kaypi yachanki.
a Qatimuq yachachikuypin yachasunchis imaraykus mana junt’akurqanchu chayta.
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
