06 YACHACHIKUY
¿Imaynatan kausay paqarimurqan?
Bibliapin nin: “[Diosmantan] kausayqa paqarimun”, nispa (Salmos 36:9). ¿Creenkichu chaypi? Askha runakunan piensanku kausayqa yanqallamanta rijurimunanpaq. Chhayna kanman chayqa, yanqapaqchá kausayninchisqa kanman. Ichaqa sichus Jehová Dios kamawarqanchis chayqa, manan yanqapaqchu kausayninchisqa. a Chayraykun kunan yachasunchis imaninmi Biblia kausay imayna qallarisqanmanta chayta.
1. ¿Imaynapin rijurirqan janaq pachapas kay pachapas?
Biblian nin: “Qallariypin Diosqa cielota kay pachatawan kamarqan”, nispa (Génesis 1:1). Allin yachaq runakunaq nisqanman jinaqa, tukuy ima rikusqanchispas qallariyniyoqmi. Chhaynataq chayqa, tukuy imapas kamasqan karqan. Ichaqa, ¿imaynatan Dios tukuy imatapas paqarichinman karqan? Payqa “kallpanwanmi”, santo espiritunwanmi kamarqan intita, ch’askakunata, cielopi tukuy ima kaqtapas (Génesis 1:2).
2. ¿Imapaqmi Dios kay jallp’ata kamarqan?
Jehová Diosqa kay jallp’a pachataqa “manan yanqa kananpaqchu kamarqan” (Isaías 45:18). Aswanmi payqa kay jallp’anchistaqa kamarqan runakuna chaypi wiñaypaq kausananchispaq, kusisqa chaypi tiyananchispaq (leey Isaías 40:28; 42:5). Allin yachaysapa runakunaq nisqanman jinaqa, manas imapas kay jallp’anchis jinaqa kanchu. Kay jallp’a pachallapis runakunaqa kausayta atisunman.
3. ¿Imapin jujniray kanchis animalkunamanta?
Kay jallp’ata kamasqan qhepamanmi Jehová Diosqa plantakunata animalkunatawan kamarqan. Chaymantataq “Diosqa runata kamarqan imaynachus pay kasqanman jina” (leey Génesis 1:27). Diospa imayna kasqanman jinataq kamasqa karqanchis chayqa, llapanchispas atisunmanmi pay jina munakuq kayta, allin kaqkuna ruwaytapas. Chaymantapas atisunmanmi imaymana ruwaykuna yachayta, imaymana munay kaqkunata qhawaspa kusikuyta, musicata uyarispa kusikuytapas. Jinaspapas runakunallan Dios adoraytaqa atisunman, manan animalkunaqa chay ruwaytaqa atinkumanchu.
ASTAWAN YACHASUNCHIS
Diospunin tukuy imatapas kamarqan, chaymanta Bibliaq willasqanqa cheqaqpunin. Chaykunamantan kaypi yachasunchis. Yachallasuntaqmi runaq allin ruwasqankuna imatas Diosmanta yachachiwasunman chaytapas.
4. Llapa kausaqkunapas Diospa ruwasqanmi
Runakunaqa animalkunata estudiaspan imaymana maquinakunata ruwarqanku, chaymantataq alabasqa karqanku, ichaqa ¿pin aswan alabasqa kanan? VIDEOTA qhawaychis, jinaspa jamuq tapuyman jina parlariychis:
-
¿Ima animalkunatan runakuna allinta estudiarqanku wakin maquinakunata ruwanankupaq?
Lliu wasipas runaq ruwasqanmi, ichaqa ¿pin kay pachapi tukuy imatapas ruwarqan? Leeychis Hebreos 3:4 textota, jinaspa jamuq tapuykunaman jina parlariychis:
-
¿Diospa kamasqankunamanta iman astawan admirachisunki?
-
¿Imakunan rikuchin tukuy imapas Diospa kamasqan kasqanta? ¿Creenkichu chaypi?
¿Yacharqankichu?
Kaykunamanta astawan yachanaykipaqmi jw.org nisqa paginapi juj qelqakunata videokunatapas tarinki. Jaykuy: “¿Kikillanmantachu paqarimurqan?”, “Imaynapi kausay paqarisqanmanta rimanku” nisqakunaman.
“Lliu wasipas runaq ruwasqanmi, tukuy iman ichaqa Diospa ruwasqan”.
5. Diospa kamasqanmanta Bibliaq willasqanqa cheqaqmi
Génesis juj capitulopin willashan kay pachapi imaynata kausay qallarisqanmanta. ¿Cheqaqchu kanman chay willakuy icha cuentollachu? VIDEOTA qhawaychis, jinaspa qatiqninpi tapuykunaman jina parlariychis:
-
Bibliaq nisqan jina, soqta p’unchayllapin Diosqa kay jallp’ata kamarqan, ¿jayk’a tiempon kanman karqan sapanka p’unchay?
-
¿Creenkichu Diospa kamasqanmanta Bibliaq willasqanpi? ¿Imarayku?
Leeychis Génesis 1:1 textota, jinaspa jamuq tapuyman jina parlariychis:
-
Allin yachaq runakunaqa yaqa llapankun yachanku tukuy imapas qallariyniyoq kasqanta. ¿Chay yachasqanku tupanchu Bibliaq nisqanwan?
Wakinqa ninkun: “Diosqa kuruchakunallatan qallariypiqa kamarqan, chay kuruchakunamantan pisi-pisimanta tukuy kausaqkunaqa paqarimurqan”, nispa. ¿Cheqaqchu chay kanman? Leeychis Génesis 1:21, 25, 27 textokunata, jinaspa qatiqninpi tapuykunaman jina parlariychis:
-
¿Kuruchakunallatachu Dios qallariypi kamarqan, jinaspa dejarqan chay kuruchakuna kikillanmanta challwakunaman, pampapi puriq animalkunaman, runaman ima tukupunanta? ¿Icha t’aqanman jinachu tukuy kausaqkunata kamarqan?
6. Runakunaqa jujniraymi kanchis animalkunamantaqa
Runatapas animalkunatapas Diosmi kamarqan, ichaqa jujniraymi kanchis animalkunamantaqa. Leeychis Génesis 1:26 textota, jinaspa jamuq tapuyman jina parlariychis:
-
Runakunallan Dios jina kanchis, munakuq kasqanchispi khuyapayakuq kasqanchispipas. Chhaynataq runakuna kanchis chayqa, ¿imaynan Jehová Dios kanman?
WAKIN RUNAKUNAN NINKU: “Tukuy imapas kamasqan karqan nispa Bibliaq nisqanqa yanqa cuentollan”, nispa.
-
¿Chhaynachu kanman? ¿Imaraykun chhaynata ninki?
IMATAN YACHAMURQANCHIS
Jehová Diosmi tukuy imata kamarqan.
Yuyarisun
-
¿Imaynatan tukuy imapas paqarimurqan, imaninmi Biblia?
-
¿Kuruchakunamantachu Dios tukuy kausaqkunata paqarichirqan, icha t’aqanman jinachu lliutapas kamarqan?
-
¿Imapin runakuna jujniray kanchis animalkunamanta?
ASTAWAN YACHANAYKIPAQ
Animalkunapi plantakunapipas sut’itan rikukun Diospuni chaykunata kamasqanta.
“¿Imatan yachachiwanchis muyuriqninchispi kaqkuna?” (¡Rijch’ariy!, 2006 watapi setiembre killa)
Kay videopin juj tayta wawanman yachachishan imaynatas Dios llapa imatapas kamarqan chayta.
¿Evolución nisqawanchu Dios tukuy imatapas ruwanman karqan? ¿Chaytachu Biblia yachachin? Chayta yachanaykipaq kayta leey.
“¿Evolución nisqawanchu Dios tukuy kausaqta kamarqan?” (jw.org paginapi leey)
¿Kikillanmantachu imapas paqarimunman karqan, icha Dioschu lliutapas kamarqan? Chaymantan kay qelqapi rimashan.
El origen de la vida. Cinco cuestiones dignas de análisis (folleto)
a 25 yachachikuypin willashan imatas Dios munan runakunapaq chaymanta.
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
