10 YACHACHIKUY
Jehová Diospa testigonkunawan juñukuy
¿Jayk’aqllapas invitarqasunkikuchu Jehová Diospa testigonkunaq juñunakuyninman rinaykipaq? Yaqachá, ichaqa manchakushankipaschá chayman riyta. Tapukushankipaschá: “¿Imaraykun Jehová Diospa testigonkuna juñunakunku? ¿Imatan ruwanku chay juñunakuykunapi? ¿Rinaypunichu chayman?”, nispa. Kay yachachikuypin willakushan imaynatas chay juñunakuykuna yanapasunkiman Diospa amigon kanaykipaq, allin runa kanaykipaqpas chayta.
1. ¿Imaraykun juñunakuyniykuman jamunayki?
Bibliapin nishan: “Askha runakuna ukhupin Jehová Diosta jatunchasaq”, nispa (Salmos 26:12). Chaypi nisqan jina, Diosta jatunchanapaqmi Dios serviqkunaqa juñunakunanchis. Chaymi Jehová Diospa testigonkunaqa sapa semana kusisqa juñukuyku Diosta alabanaykupaq, payman takinaykupaq, paymanta mañakunaykupaqwan. Chaymantapas sapa watanmi jatun juñunakuyniyku kan.
2. ¿Imamantan juñunakuyniykupi yachanki?
Juñunakuyniykupiqa Bibliatan estudiayku, chhaynapin allinta entiendeyku Diospa palabranta (leey Nehemías 8:8). Juñunakuyniykupin astawan yachanki imaynas Jehová Dios, may tukuyta pay munakusunki chayta. Astawan paymanta yachanki chayqa, astawanmi payta munakunki. Payqa kusisqa kausanaykipaqmi yanapasunki (Isaías 48:17, 18).
3. ¿Imaynatan yanapasunkikuman juñunakuyniykupi reqsisqayki runakuna?
Bibliapin nishan: “Jujkuna-jujkunawan allintapuni reqsinakusun, chhaynapin kallpachanakusunchis astawan munanakunanchispaq ancha allin ruwaykunatapas ruwananchispaqwan. Amapuni juñunakuyninchiskunatapas saqesunchu”, nispa (Hebreos 10:24, 25). Juñunakuyniykupiqa sumaq sonqo runakunatan reqsinki, paykunapas qan jinan Diosmanta astawan yachayta munanku. Paykunaqa Diospa yanapayninwanmi imaymana sasachakuykunata atiparqanku. Juñunakuyniykupi tukuy ima yachachikusqanpas Bibliaq nisqanman jinan kashan (leey Romanos 1:11, 12). Chaykunaraykun allinpuni kanqa juñunakuyniykuman jamunki chayqa.
ASTAWAN YACHASUNCHIS
¿Imaynatan Jehová Diospa testigonkuna juñunakuyninkuta aparinku? ¿Imapin yanapawasunman chaykunaman riy? Chaykunamantan kunan yachasunchis.
4. ¿Imaynan Jehová Diospa testigonkunaq juñunakuynin?
Apostolkunaq tiemponpi cristianokunaqa juñukuqkupunin Jehová Diosta adoranankupaq (Romanos 16:3-5). Leeychis Colosenses 3:16 textota, jinaspa jamuq tapuyman jina parlariychis:
-
¿Imaynatan ñaupa tiempopi cristianokuna Jehová Diosta adoraqku?
Kunanpas Jehová Diospa testigonkunaqa sapa semanan juñunakunayku wasipi juñunakuyku. ¿Imaynan chay juñunakuykuna? VIDEOTA qhawaychis. Chaymantataq juñunakuypi kashanku chay dibujota qhawaychis, jinaspa qatimuq tapuykunaman jina parlariychis:
-
Colosenses 3:16 nisqan jina, ¿imatan ñaupa tiempopi cristianokuna juñunakuyninkupi ruwaqku? ¿Imaynatan testigokuna juñunakuyninkuta ruwanku?
-
¿Iman astawan gustarqasunki chay videomanta dibujomantapas?
Leeychis 2 Corintios 9:7 textota, jinaspa qatimuq tapuyman jina parlariychis:
-
¿Imanaqtinmi mana pimantapas qolqeta mañaykuchu?
Yachachiqniykita tapuy imakunamantas kay semana juñunakuypi yachanqaku chayta.
-
¿Mayqen yachachikuymantan astawan yachayta munawaq?
¿Yacharqankichu?
Internetpi jw.org nisqa paginaman jaykuspan yachanki maypichus ima p’unchaykunachus juñunakuyniyku aparikun chayta.
-
Juñunakuyniykupiqa yachachiqkunan ñaupaqmanta rimamunku, wakin iñiqmasiykun qhawarichiwanku imayna yachachiyta, kallantaqmi videokunapas qhawanapaq. Juñunakuyniykuqa llapanmi qallarin juj takiwan mañakuywan ima, chay jinatan tukullantaq.
-
Wakin ratupiqa juñunakuypi llapa kaqkunapas rimarinkun munaspaqa, paykunaqa tapuykunatan kutichinku otaq imatapas willakunku.
-
Juñunakuyniykuqa llapa runapaqmi: qharikunapaq, warmikunapaq, kuraqkunapaq, wawakunapaqwan.
-
Juñunakuyniykupiqa manan pimantapas qolqeta mañaykuchu. Gratisllan chaykunamanqa jaykunki.
5. Sasaña kaqtinpas rinanchismi
Jesuspa familianqa sapa watanmi Jerusalenpi Diospa wasinman riqku Diosta adoranankupaq. Chayman chayanankupaqqa kinsa p’unchayta jinan orqon-orqonta purinanku karqan. Leeychis Lucas 2:39-42 textota, jinaspa qatimuq tapuykunaman jina parlariychis:
-
¿Facilchu kanman karqan Jerusalén llaqtakama viajay?
-
¿Iman sasachasunkiman juñunakuykunaman rinaykipaq?
-
¿Yanapasunkimanchu juñunakuyniykuman riy? ¿Imanaqtin chhaynata ninki?
Bibliaq nisqan jina, Jehová Diosta adoranapaq juñukuyqa ancha allinpunin. Leeychis Hebreos 10:24, 25 textota, jinaspa qatimuq tapuyman jina parlariychis:
-
¿Imanaqtinmi mana faltakuspa juñunakuykunaman rinanchis?
WAKIN RUNAKUNAN NINKU: “Manan piwanpas juñunakunachu Diosta adoranapaqqa. Sapankapas wasillanpin Diostaqa adoranan”, nispa.
-
¿Chhaynachu kanman? ¿Imaninmi Jehová Dios Bibliapi?
IMATAN YACHAMURQANCHIS
Juñunakuykunapiqa astawanmi Jehová Diosta reqsinki, chhaynapitaq paypa amigon kapunki, jinaspapas jujkunawan kuskan Diosta adoranki.
Yuyarisun
-
¿Imanaqtinmi Jehová Dios munan juñunakunanchista?
-
¿Imamantan juñunakuyniykupi yachachikun?
-
¿Imapin yanapasunkiman chay juñunakuykuna?
ASTAWAN YACHANAYKIPAQ
¿Manchakushankichu juñunakuykunaman riyta? Juj runapas maytan manchakuq, ichaqa kunanqa manañan mayqen juñunakuymanpas faltakunchu. Kay videopin chaymanta yachanki.
Juj waynan tukuy imata ruwarqan juñunakuykunaman ama faltakunanpaq. Kaypin chaymanta yachanki.
¿Imaninkun jujkuna juñunakuykunamanta? Chaymantan kaypi yachanki.
“¿Imanaqtinmi juñunakuykunaman rinayki?” (jw.org paginapi leey)
Kaypin yachanki pandillapi puriq runamanta. Payqa Jehová Diospa testigonkunaq juñunakuyninman risqanmantapachan cambiapurqan.
“Mayta rispapas armayta aparikuspan riq kani” (Qhawaq, 2014 watapi 1 setiembre)
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
