Jesusqa carpinteron karqan, milagrokunatan ruwarqan, onqosqakunatan qhaliyachirqan, juj allin ruwaykunatapas ruwarqanmi. Ichaqa astawanqa allin willakuykunata yachachispa willaspa iman purirqan (Mateo 4:23). Chaymi runakunaqa “Yachachiq” niqku. Qatikuqninkunapas pay jinan allin willakuykunata predicananchis. Chaymi kay t’aqapi yachasunchis paypa imayna predicasqanmanta, chhaynapi chayman jina ruwananchispaq.