•  Juñunakuyta qallarinapaq 2

•  Bibliapi qori jina yachachikuykuna 3-5

  •  Juj hermano yachachimunqa 3

  •  Maskhasun ancha allin yachachikuykunata 4

  •  Bibliata leenapaq 5

•   Allin yachachiq kasun 6-14

  •  Rimayta qallariy 7

  •  Kutiy 8

  •  Yachachiy 9

  •  Imapichus creesqaykita willay 10

  •  Juj hermano yachachimunqa 11

  •  Imayna ruwakunan 12

  •  Maykunapi ruwakunan 13

  •  Videokuna qelqakuna 14

•  Diospaq jina kausasun 15-16

  •  Bibliata estudianapaq juñunakuy 16

•  Juñunakuyta tukunapaq 17

•  Kallpachanapaq yuyaychanapaqwan 18

•  Jayk’a tiempopi ruwakunan 19

•  Watukuq umalliq watukamuqtin 20

•  Jatun juñunakuykuna kaqtin 21

•  Jesuspa wañusqan p’unchayta yuyarina kaqtin 22

•  Diospaq kausasunchis juñunakuyta qhawariq umalliq 23

•  Diospaq kausasunchis juñunakuyta apariq umalliq 24

•  Yachachiqkunata yanapaq 25

•  Juch’uy salakunapi yachachikuykuna 26

•  Videokuna 27

1. Kay qelqaqa Diospaq kausasunchis juñunakuy imayna aparikunanmantan willashan. Chaypi participaqkunaqa qhawanallankutaqmi Diospaq kausasunchis juñunakuypi yachanapaq qelqaq nisqanta, chaypin willashan imaynatas demostracionkuna ruwakunan chayta. Diosmanta llapa willaqkunan chay juñunakuypaq asignasqa kayta atinkuman. Diosmanta yachachisqanchis runakunapas juñunakuykunaman jamushanku chayqa, atinkumanmi paykunapas chay asignacionkuna chaskiyta, chaypaqmi ichaqa Bibliaq nisqanta allinpaq qhawarinanku, Bibliapi yachasqankuman jinataqmi kausanankupas. Sichus pipas manaraq Diosmanta willaq lloqsishaspa chaypi matriculakuyta munan chayqa Diospaq kausasunchis juñunakuyta qhawariq umalliqwanmi rimanan, paymi willanqa atinmanchus manaraqchus chaypi participayta. Chayta qhawariqtinkuqa Bibliamanta yachachiqninpas paykunawan kuskan kashanan. Matriculakuyta munaqkuna imakunatachus junt’ananku chay willakuykunaqa kaqllan Diosmanta willaq lloqsiyta munaqkunapaq willakuykunawan (od-S cap. 8 párr. 8).

2. Juj minutollapin ruwakunan. Takita takikusqan, mañakuyta ruwakusqan qhepamanmi Diospaq kausasunchis juñunakuyta apariqqa chaypi kaqkuna yachayta munanankupaq jina willanqa imamantas chay juñunakuypi rimakunqa chayta.

 3. Juj hermano yachachimunqa (10 minutopi). Diospaq kausasunchis qelqapin kashan chay yachachikuypa titulon, chaymantapas kashanmi iskay otaq kinsa importante yachachikuykuna. Chaytaqa juj umalliqmi otaq juj allin yachachiq siervo ministerialmi ruwanqa. Bibliamanta mosoq librota leeyta qallarinapaqqa chaymanta willaq videotan qhawachimunqa. Videopi willakusqan tupashan yachachisqanwan chayqa rimanmanmi chay videomanta, ichaqa astawanqa rimanan Diospaq kausasunchis qelqapi imakunamantachus rimashan chaytan. Tiempo kashanraq chayqa qhawachinmanmi chaypi kaq dibujokunata fotokunatapas, chaymantapas leenmanmi chaypi rijuriq wakin textokunatapas.

 4. Maskhasun ancha allin yachachikuykunata (10 minutopi). Kay partetaqa tapuykunawan kutichiykunawan imallan ruwakunqa, manan chay parte apariq hermanoqa qallarinanpaqpas ni tukunanpaqpas imatapas rimanqachu. Chaytaqa juj umalliqmi otaq juj allin yachachiq siervo ministerialmi ruwanqa. Iskaynin tapuykunatan ruwanqa, chaymantapas qhawarinanmi kanqa llapantachus chaypi kaq versiculokunata leechinqa icha manachus chayta. Tapuykunaman kutichiqkunaqa kuskan minutollapin kutichinanku kanqa otaq menospipas.

 5. Bibliata leenapaq (4 minutopi). Juj hermanon tupasqanman jina Bibliata leenqa, ichaqa manan qallarinanpaqpas ni tukunanpaqpas imatapas rimanqachu. Juñunakuyta apariqmi Biblia leeqta yanapanqa, ganaswan, iman kaqllata, ch’uyata rimananpaq, rimasqanman jinalla rimananpaq, kunkanta cambiaspa leenanpaq, sama-samarispa leenanpaq ima. Mayninpi Biblia leenapaq aswan jatun kaqtinqa Diospaq kausasunchis juñunakuyta qhawariq umalliqmi qhawarinqa mayqen hermanos leenman chayta, maykamallas leenman chaytapas.

6. Chunka pisqayoq minutopin ruwakunan. Kaypiqa llapankun participayta atinqaku, chhaynapin allin preparasqa kasun Diosmanta willananchispaq. Yachallasuntaqmi runakunawan facil-llata rimayta, Diosmanta willayta, yachachiyta ima. Umalliqkunapas atinkumanmi asignasqa kayta. Participaqkunaqa Yachachiq kasun chaymantapas Munakuq kay nisqa folletokunaq nisqanman jinan ruwananku. Imapichus llank’ananku chayqa Diospaq kausasunchis nisqa qelqapin willakushan. Wakin semanakunapiqa uyariqkunaq yanapayninwanmi ruwakunqa, chaytaqa juj umalliqmi otaq allin yachachiq siervo ministerialmi ruwanqa (qhaway  15 parrafota, chaypin willashan imaynatas uyariqkunaq yanapayninwan ruwakun chayta).

 7. Rimayta qallariy. Kay partetaqa ruwanmanmi juj hermanopas otaq juj hermanapas. Sichus juj hermano ruwanqa chayqa qharimasinwanmi otaq familiarninwanmi ruwanqa, kaqllataq hermanapas warmimasinwan otaq familiarninwanpas ruwanqa. Chaytaqa tiyaykuspapas otaq sayaspallapas ruwankumanmi. (Chay rimasqanku imayna ruwakunanmanta maykunapi ruwakunanmanta astawan yachanaykipaqqa  12,  13 parrafokunata qhaway).

 8. Kutiy. Kay partetaqa ruwanmanmi juj hermanopas otaq juj hermanapas. Sichus juj hermano ruwanqa chayqa qharimasinwanmi ruwanqa, kaqllataq hermanapas warmimasinwan ruwanqa (km-S 5/97 pág. 2). Chaytaqa tiyaykuspapas otaq sayaspallapas ruwankumanmi. Jujmanta kutiqqa sut’itan rikuchinan imaraykuchus kutishan chayta. (Chay rimasqanku imayna ruwakunanmanta maykunapi ruwakunanmanta astawan yachanaykipaqqa  12,  13 parrafokunata qhaway).

 9. Yachachiy. Kay partetaqa ruwanmanmi juj hermanopas otaq juj hermanapas. Sichus juj hermano ruwanqa chayqa qharimasinwanmi ruwanqa, kaqllataq hermanapas warmimasinwan ruwanqa (km-S 5/97 pág. 2). Chaytaqa tiyaykuspapas otaq sayaspallapas ruwankumanmi. Kay partetaqa yachachisqan runata yachachishanmanñapas jinatan ruwakunan. Manan qallarinanpaqpas ni tukunanpaqpas imatapas rimananchu, chaytaqa ruwanqa chaypi llank’anan tupallaqtinmi. Manan llapa parrafokunatachu leenan.

 10. Imapichus creesqaykita willay. Discurso jina ruwana kaqtinqa juj hermanon chaytaqa ruwanqa. Actuacionchus kanqa chayqa juj hermanopas otaq juj hermanapas ruwanmanmi. Sichus juj hermano ruwanqa chayqa qharimasinwanmi otaq familiarninwanmi ruwanqa, kaqllataq hermanapas warmimasinwan otaq familiarninwanpas ruwanqa. Participaqqa sut’itan sumaqllata chaypi kaq tapuyta kutichinan, ima qelqamantachus ruwanan chayman jinan ruwanan. Participaqqa willanmanmi otaq manapas ima qelqamantachus chay kutichiyninta orqoshan chayta.

 11. Juj hermano yachachimunqa. Kay partetaqa juj hermanon ruwanqa, chaytaqa juj discursota jinan ruwanqa. Munakuq kay nisqa folletomanta Astawan yachanapaq A nisqamanta ruwanan kaqtinqa, participaqqa willananmi imaynatachus chaypi kaq textokuna Diosmanta willaypi yanapawasunman chayta. Chaypaqqa chay textokunatan sut’inchanan imaninantachus nishan chayta, chaymantapas sut’itan rikuchinan jayk’aqchus chay textokunawan piensachispa Diosmanta willanman chayta. Sichus chay folletoq jujnin yachachikuyninmanta rimanan kaqtinqa, participaqqa sut’itan rikuchinan imaynatachus chay folletoq yachachikuynin Diosmanta willaypi yanapawasunman chayta. Chaypaqqa yaqapaschá chay yachachikuypi ñaupaq kaq puntopi kaq ejemplomanta otaq chaypi rijuriq textokunamanta rimanman.

   12. Imayna ruwakunan. Kay parrafopi chaymantapas qatiqnin parrafopi willakuykunaqa “Rimayta qallariy” “Kutiy” nisqa partekunapaqmi. Kay parteta ruwaqkunaqa fácil entiendeyllatan Bibliamanta juj yachachikuyta uyariqninman willanqa, chay willakuyqa uyariqninpaq jinan kanan, chhaynapi juj p’unchay rimashanallankupaq. Chaymantapas allintan qhawarinan imamantas rimanqa chayta, chay ajllasqan tema allinchus chay partepi tiyaq runakunapaq icha manachus chaytapas. Sichus yachachinapaq ajllasqa qelqakunamanta juj videota qhawachiyta munan otaq juj qelqata saqeyta munan chayqa sapankamantañan kanqa. Chay demostraciontaqa manan umanpichu grabanan aswanpas rimasqanman jinallan sonqomanta rimanan, chhaynapin uyariqninqa reparanqa paymanta llakikusqanta.

   13. Maykunapi ruwakunan. Kay parteta ruwaqqa uranpi kinsa puntokunaman jinan ruwanan:

1.  (1) Wasin-wasinta. Chaytaqa ruwakun wasin-wasinta runakunata maskhaspan (chayqa kanman uya-uyapura, telefononta, cartanta ima), chaymantapas chay runakunawan jujmanta rimaspa.

2.  (2) Maypiña kaspapas. Chaytaqa ruwakun imataña ruwaspapas maypiña kaspapas Diosmanta willaspa otaq juj textota leespa. Chaykunan kanman llank’anapi kashaspa, escuelapi kashaspa, carropi viajashaspa, juj ruwaykunata ruwaspa ima.

3.  (3) Runakunaq kasqanpi. Chaytaqa ruwakun carritowan lloqsispa otaq mercadokunapi, callekunapi, parquekunapi, paraderokunapi Diosmanta willaspan.

 14. Videokuna qelqakuna. Demostracionta ruwaqqa atinmanmi ima videowanpas otaq ima qelqawanpas yanapachikuyta. Ichaqa sichus juj videota qhawachinqa chayqa chay videomantan rimananku, chay videotan ichaqa mana qhawachinqachu.

15. Kay parteqa takiwanmi qallarinqa. Chaymantataq juj otaq iskay yachachikuykuna kanqa, chaykunan uyariqkunata yanapanqa Bibliaq yachachisqanman jina kausanankupaq. Chaytaqa 15 minutopin ruwakunqa. Chay partetaqa juj umalliqmi otaq allin yachachiq siervo ministerialmi ruwanqa. “Imakunatan ruwananchis kashan” nisqa partetaqa juj umalliqmi ruwanqa. Uyariqkunaq yanapayninwan ruwanapaq kaqtintaq chay parteta apariqqa atinmanmi juj tapuykunatawan ruwayta. Tapuykunata manaraq ruwashaspan imamantachus rimanqa chayta pisillapi willanan, ichaqa tiempotan aypachikunan chay yachachikuyta allinta t’aqwirinanpaq tapuykunatapas allinta ruwananpaq. Sichus juj hermanota otaq juj hermanata tapukunqa chayqa, ñaupaqman rispan kutichinan, manan tiyanallanmantachu.

  16. Bibliata estudianapaq juñunakuy (30 minutopi). Kay partetaqa juj allin yachachiq umalliqmi ruwanqa (iñiq t’aqapi pisilla umalliqkuna kaqtinqa juj allin yachachiq siervo ministerialmi ruwallanmantaq). Llapa umalliqkunan qhawarinqaku paykunamanta mayqenninkus chay parteta aparinqa chayta. Kay parteta apariq hermanokunaqa tiempollanpin tukunanku, importante textokunatan allinta sut’inchananku, chaypi kaqkunata vidankupi yanapananpaq jinan yachachinanku. Chaypaqmi yanapachikunkuman uyariqkunaq yanapayninwan juñunakuykunata apariymanta rimaq yachachikuykunawan (w23.04 pág. 24, recuadro). Qelqanchispi yachachikuyta allintaña entienderuqtinkuqa manan 30 minutos kanantaraqchu suyanan, chayllapin tukupunan. Atikuqtinqa sapa semananmi turnanakuspa yachachinkuman leenkumanpas. Sichus juñunakuyta apariq hermano ninqa pisi tiempollapi ruwananpaq chayqa, chay parteta apariqñan qhawarinqa imaynatachus ruwanqa chayta. Yaqapaschá tapuykunallataña ruwanman.

17. Kinsa minutopi. Juñunakuyta apariq hermanon pisillapi yuyarichinqa ima allin yachachikuykunatas yachachikurqan chayta. Chaymantapas pisillapin willanqa jamuq semana juñunakuypi imakunamantas yachachikunqa chayta. Tiempo kashanraq chayqa willanmanmi qatimuq semanapaq pikunas asignacionta chaskirqanku chaytapas. Chaymantapas sichus cartakuna otaq willakuykunapas kashan chayqa, chaytapas leenanmi. Ichaqa manan willakamunqachu iñiq t’aqapi imakuna ruwakunanmanta, ima horas Diosmanta willaq lloqsinamanta, pikunaman limpieza tupasqanmanta jujkunamantapas, aswanpas chaykunataqa tablero de anuncios nisqamanmi churakunqa. Ichaqa sichus tiempo mana aypaq jinachu kashan cartakunata leenapaq otaq willakuykunata willanapaqpas chayqa, “Diospaq jina kausasun” nisqa parteta apariqtan juñunakuyta apariqqa ninqa aswan pisi tiempollapi chay parteta ruwananpaq (qhaway  16,  19 parrafokunata). Juñunakuyqa tukunqa takiwan mañakuypiwanmi.

18. Juñunakuyta apariqmi escuelapi participaqkunata ima yachachikuypichus otaq ima leccionpichus llank’asharqan chayman jina sapankata juj minutollapi yuyaychanqa kallpachanqa ima. Qallariypiqa manan ninqachu mayqen yachachikuyman jinas ruwanqaku chaytaqa. Tukuqtinñan chaytaqa sumaqta kallpachaykusqan qhepaman willanqa mayqen yachachikuypis llank’asharqan chayta, imakunatas allinta ruwarqan, imakunatas aswan allinta ruwanman, imaynatas chayta ruwanman chaytapas. Juñunakuyta apariqqa willallanmantaqmi demostracionta ruwaq ima allinkunatawanchus ruwarqan chayta, imaynatas chaykuna uyariqkunata yanapanman chaytapas. Chaymantapas juñunakuy tukuqtin otaq waj ratupipas Munakuq kay otaq Yachachiq kasun otaq Escuelapi yachay nisqa qelqakunawanmi yanapanman mayqen yachachikuychus tupasqanman jina ( 19,  24,  25 parrafokunapin willashan imakunatas ruwananku Diospaq kausasunchis juñunakuyta apariqpas, yachachiqkunata yanapaq umalliqpas chayta).

19. Llapankun tiempollanpi tukunanku (juñunakuyta apariqpas tiempollanpin tukunan). Manan pipas tupasqan tiempomanta mastaqa ruwananchu. Diospaq kausasunchis qelqapin willashan escuelapi participaqkuna jayk’a tiempopichus ruwananku chayta, ichaqa sichus manaraq tiemponpi demostracionninkuta tukurunkuña chayqa manan tiemponta junt’anankukamaqa ñaupaqpi kanankuchu. Pipas tiemponta pasarunqa chayqa, Diospaq kausasunchis juñunakuyta apariq umalliqmi otaq yachachiqkunata yanapaq umalliqmi sapallankupi sumaqllata consejanqa (qhaway  24,  25 parrafokunata). Juñunakuyqa 1 hora 45 minutopin tukunan, chayqa kanan takikunantin mañakuynintin iman.

20. Watukuq umalliq watukamuqtinqa Diospaq kausasunchis nisqa qelqaq nisqanman jinan juñunakuyqa ruwakunqa, ichaqa “Bibliata estudianapaq juñunakuypa” rantinpiqa watukuq umalliqmi 30 minutopi yachachinqa. Manaraq watukuq umalliq yachachimushaqtinmi juñunakuyta apariqqa pisillapi willanqa imakunatas juñunakuypi yachachikurqan, imakunatas jamuq semanapi yachachikunqa chaytapas. Sichus willakuykuna otaq cartakunapas kashan chayqa chaytapas leekunanmi, chaymantataq watukuq umalliqta presentanqa. Yachachisqan qhepamantaq watukuq umalliqqa paypa ajllasqan takiwan juñunakuyta tukuchinqa. Payqa ninmanmi juj hermano mañakuywan tukunanpaq. Chay semanapiqa manan kanqachu juch’uy salakunapi yachachikuykunaqa. Juj rimaypi grupokunaqa ruwallankumanmi wakin juñukuykunataqa. Watukuq umalliq yachachimuqtinmi ichaqa iñiq t’aqawan kuska uyarinanku.

21. Chay semanapiqa manan iñiq t’aqapiqa juñunakuy aparikunqachu. Aswanpas iñiq t’aqatan yuyarichina chay semana juñunakuypi estudianapaq programata wasillankupi familiankuwan otaq sapallankupas estudianankupaq.

22. Jesuspa wañusqanta yuyarinapaq juñukuy chaupi semanapi aparikunqa chayqa, manan Diospaq kausasunchis juñunakuyqa chay semanapi aparikunqachu.

23. Chay umalliqqa llapa umalliqkunaq ajllasqanmi kanan. Paymi allinta qhawarinan chay juñunakuy allinta aparikunanpaq, kaypi yachachikuykunaman jina aparikunanpaqpas. Yachachiqkunata yanapaq umalliqwanmi sapa kutilla rimananku. Diospaq kausasunchis qelqa chayaramuqtin jinan hermanokunata hermanakunata ajllaspa iskaynin killapaq asignacionninkunata qonanña. Paymi ajllanan demostracionkuna ruwaqkunata, wakin partekuna ruwaqkunata, juñunakuyta apariqtapas, chay hermanokunaqa umalliqkunaq aprobasqanmi kananku (qhaway  3-16,  24 parrafokunata). Chay hermanokunata ajllaspaqa allin yuyaywanmi ajllanan, chaypaqqa allintan qhawarinan edadninta, faciltachus chay temamanta rimanqa chaykunata. Demostracionkunata ruwaqkunamanqa kinsa semana ñaupaqtaraqmi asignacionninkutaqa qonanña. Chay asignaciontaqa qonan Asignaciones para la reunión Vida y Ministerio Cristianos nisqa hojachapin (S-89). Chaymantapas tablero de anuncios nisqamanmi churanan llapa juñunakuypaq programata. Umalliqkunan ajllankuman juj umalliqta otaq juj siervo ministerialtapas payta yanapananpaq, ichaqa umalliqkunallan yachachiqkunataqa ajllayta atinqaku.

24. Sapa semananmi juñunakuytaqa juj umalliq aparinqa (iñiq t’aqapi pisilla umalliqkuna kan chayqa, allin preparasqa allin yachachiq siervo ministerialpas yanapakunmanmi chay ruwaypi). Juñunakuyta apariqmi rimanqa qallarichinanpaq tukuchinanpaqpas. Paymi llapa ñaupaqman lloqsiqkunata presentanqa, sichus pisilla iñiq t’aqapi umalliqkuna kan chayqa, paymi wakin partekunata ruwanman, astawanqa videollata qhawachina partekunata. Ñaupaqman lloqsiqkunata rimapayaspaqa pisillatan rimanan. Llapa umalliqkunan qhawarinqaku mayqenninkus paykunamanta chayta ruwanankupaq allin preparasqa kashanku chayta, jinaspa turno-turnopi tupachinakunqaku. Ichaqa yaqapaschá Diospaq kausasunchis juñunakuyta qhawariq umalliq aswan askha kutita juñunakuyta apariqqa kanqa. Sichus juj umalliq “Bibliata estudianapaq juñunakuyta” pusarin chayqa, paypas atillanmantaqmi llapa juñunakuyta apariyta. Ichaqa juñunakuyta apariqkunaqa yachanankun kallpachayta, munakuywan yuyaychayta ima. Ichaqa necesitakullaqtinmi yuyaychanan. Chaymantapas tiempollanpin juñunakuyta tukuchinan (qhaway  17,  19 parrafokunata). Campo kaqtinqa juj ladochapin juj microfonota churakunman, chhaynapi imamantas yachachinqa chayta rimashanankama jujkaq microfonopi asignacionniyoq iñiqmasi alistakushananpaq. Chaymantapas churakunmanmi juj mesata sillatawan juñunakuyta apariq chaypi tiyaspa Biblia leeqta, “Allin yachachiq kasun” nisqa partepipas participaqkunata uyarinanpaq. Chayta ruwayqa allinpunin kanman tiempota ama usuchinapaq.

25. Yachachiqkunata yanapaqqa allin yachachiq umalliqmi kanan. Sichus umalliqmasinkuna, siervo ministerialkuna, discurso qoqkuna, Diospaq kausasunchis juñunakuyta apariqkuna, Qhawaq revistata estudianapaq juñunakuyta apariqkuna, “Bibliata estudianapaq juñunakuyta” apariqkuna, leeypi yanapakuqkunapas kallpachakunankuraq kashan chayqa, paymi rimapayanqa mejoranankupaq (qhaway  19 parrafota). Askha allin yachachiq umalliqkuna juj iñiq t’aqapi kaqtinqa, sapa watanmi cambiakunman, jujñataqmi kanman yachachiqkunata yanapaq. Ichaqa manan sapa kutichu yachachimuqkunataqa rimapayanan.

26. Diosmanta willaqkuna askha kaqtinqa kanmanmi juch’uy salakunapi yachachikuykuna. Ichaqa sapankapaqmi kanqa allin yachachiq umalliq, mana kaqtinqa allin yachachiq siervo ministerialpas kanmanmi. Llapa umalliqkunan qhawarinqaku pikunas chayta ruwankuman chayta, turno-turnopichus ruwankuman manachus chaytapas. Chay juñunakuyta apariqqa  18 parrafoq nisqanman jinan ruwanan. Chay p’unchaypaq asignacionta chaskiqkunaqa “Maskhasun ancha allin yachachikuykunata” nisqa parte aparikushaqtinmi juch’uy salakunaman rinqaku. “Allin yachachiq kasun” nisqa parte tukuqtintaq kutipunqaku.

27. Kay juñunakuypiqa askha videokunatan churakunqa, chaykunaqa kashan JW Library® nisqapin.

© 2023 Watch Tower Bible and Tract Society of Pennsylvania

S-38-QU 11/23