Haaretz.com nisqan willan Israel nacionpi mana allin naceqkunaqa manañan autoridadkunata “nacenankupaq dejasqankumanta” quejankumanchu sichus “manaraq naceshaqtinku imachus onqoyninku kasqan yachanapaq hina karqan chayqa”. Tayta-mamakunan ichaqa quejayta atinkuman “onqosqa wawankuta uywanankupaq, tukuy kawsasqan tiempopi imachus necesitakusqanpipas” autoridadkuna yanapananpaq.

Australia nacionpiqa 10 warmi-qhari tiyaqkunamantan 8 tiyanku manaraq casarakuspa.

Grecia nacionmanta Ministerio de Salud nisqan willan 2011 watapi phisqantin killa qallariykunapi runakunaq wañuchikusqankumanta. 2010 watapi wañuchikuqkunamantaqa 2011 watapin karqan yaqa iskay kuti hinaraq. Chaymi tupan chay killakunapi qolqeq pisiyasqanwan.

Estados Unidos runakunan yaqa kuskanta hina mikhuyninkuta usuchinku, chaytan willan Consejo para la Defensa de Recursos Naturales nisqa. Yachanapaq, ima mikhuy llank’asqankutapas pachak wachumantan qanchis wachuta saqepunku, restaurantekunapipas pachak plato mikhuna mañakusqankumantan chunka qanchisniyoq platota saqepunku, wasinkuman mikhuykuna apasqankumantapas pachak kilo rantisqankumantan iskay chunka phisqayoq kilota winch’upunku.

Madagascarpin pachantinmanta aswan huch’uy camaleonta tarirqonku. Suyt’unmanmi yaqa kinsa centímetro hinalla, wakinqa sillu sayayllan kanku. Kay animalchaqa yaqapaschá chinkapushanña tiyasqan mana allinpi tarikusqanrayku.