Bibliata leespaqa manan leeyllachu leenanchis, allintan chayta entiendenanchis; chaypaqqa astawanmi t’aqwirinanchis. Ichaqa manan umanchisman yachayta junt’achinallapaqchu chaytaqa ruwananchis, aswanpas allintan reparananchis imayna Diospunis Jehová Diosninchis chayta, chaytachus ruwasun chayqa astawanmi payta munakusun. Chaypaqqa yaqapaschá tapukusunman: “¿Imatan kay texto willashan Jehová Diosmanta?”, nispa.

Bibliata leespaqa allintan qhawarinanchis Diospa munakuq kasqanmantachus, yachayninmantachus, chanin kasqanmantachus icha atiyninmantachus chaypi willashan chayta. Ichaqa Jehová Diosqa manan munakuq, yachayniyoq, chanin, atiyniyoq imallachu. ¿Maypin paymanta astawan yachasunman?

Índice de las publicaciones Watch Tower nisqapin paymanta astawan willashan. Chayman jaykuspa, “Jehová” nisqaman jaykuy, chaymantataq “Cualidades por nombre” nisqaman. Chaypin imaynachus Jehová Dios chaymanta juj lista kashan, pisqa chunka masmi kashan. Chay listapi mayqenwanmi leesqayki tupan chayta allinta qhawariy (ichaqa Guía de estudio para los testigos de Jehová nisqallaman jaykuyta atinki chayqa, chaypi jaykuy “Jehová” nisqaman, chaypitaq maskhay “Cualidades de Jehová” nisqata).