¿Yuyashankichu kay watapi lloqsimuq Qhawaq qelqapi yachachikuykunata? Chayta yachanaykipaq kaypi kaq tapuykunapi piensariy.

¿Imaynatan qhawarina warmikunata? ¿Ima ejemplotan Jehová Dios qowanchis?

Jehová Diosqa llapatapas igualtan qhawarin, manan qharitachu warmimanta aswan allinpaq qhawarin. Chaymantapas munaytan paykunataqa qhawarin, confianmi paykunapiqa (w24.01, 15, 16 paginakunapi).

¿Imaninantan Efesios 5:7 textopi nishan: “Amapuni paykunaq ima ruwaqmasinpas kankichischu” nispa nisqanwan?

Apóstol Pabloqa chayta nispaqa nisharqan Diosta mana kasukuq runakunawan ama juñukunamantan, chhaynapin Diospa kamachikuyninkuna kasukuytaqa mana sasapaqchu qhawarisun. Chaypaqqa allintan cuidakuna redes sociales nisqamantapas (w24.03, 22, 23 paginakunapi).

¿Ima yanqa cuentokunatan mana kasunanchischu?

Mayninqa yaqapaschá mayqen amigopas mana allinta qhawaykuspa ima yanqa willakuytapas apachimuwasunman, correo electrónico nisqantapaschá pipas yanqa willakuykunata apachimuwasunman, Diosmanta t’aqakuq apóstata runakunapas yachayta munaq tumpallapaschá ima falso yachachikuytapas willawasunman (w24.04, 12 paginapi).

¿Imatan yachakun imatataqmi mana yachakunchu imaynatas Jehová Dios juzganqa rey Salomonta, Sodoma Gomorra llaqtakunapi, Noepa tiemponpi wañuq runakunatapas chaymanta?

Manan yachakunchu wiñaypaqchus ch’usaqman tukuchirqan icha manachus chayta, ichaqa allinta yachakun imaynas Diosqa llapanta allinta yachan chayta, imaynas may jatun khuyapayakuq chaytapas (w24.05, 3, 4 paginakunapi).

¿Imaraykun allinpuni Bibliapi Jehová Diosmanta “jatun qaqa” nisqan? (Deut. 32:4).

Chaymi rikuchin imaynas payqa allinpuni pakakunapaq chayta. Imaynas paypiqa confiasunman chayta. Imaynas payqa mana kuyuriq chaytapas, payqa manan jayk’aqpas cambianchu, llapa ima munayninpas manan cambianchu (w24.06, 26-28 paginakunapi).

¿Iman yanapawasunman juj iñiq t’aqaman yachakunaykipaq?

Jehová Diospin confiana, payqa ñaupa tiempo kamachinkunata jinan yanapawasun. Manan ñaupaq iñiq t’aqawan igualachinachu, tukuy atisqanchistan ruwananchis mosoq iñiq t’aqaman yachakunanchispaq, kallpachakunan chaypi amigokunata tarinapaqpas (w24.07, 26-28 paginakunapi).

¿Imatan yachasunman Mateo 25 capitulopi Jesuspa willasqan kinsantin rijch’anachiykunamanta?

Ovejakunamanta cabrakunamantawan willasqanmi rikuchin imaynas Diospaq junt’aq sonqo kananchis chayta, chunka doncella sipaskunamanta willasqantaq rikuchin imaynas makilla kashananchis chayta, bolsa qolqekunamanta willasqantaq rikuchin imaynas tukuy sonqowan llank’aqkuna kananchis chayta (w24.09, 20-24 paginakunapi).

¿Mayna jatunmi karqan Salomonpa ruwachisqan temploq punkun?

Wakin ñaupa qelqakunapin 2 Crónicas 3:4 textopi nin: “Pachaj iskay chunka codo”, nispa. Chhayna kanman chayqa 53 metro sayaychá kanman karqan chay punkuqa. Juj qelqakunan ichaqa nin: “Iskay chunka codon karqan” nispa, chhayna karqan chayqa 9 metroscha kanman karqan. Chay nisqanmi tupashan perqakunaq anchon jayk’a metrochus karqan chaywan (w24.10, 31 paginapi).

¿Imaninantan nishan “yanapakuq qharikunaqa juj esposallayoqmi kananku” nispa nisqanwan? (1 Tim. 3:12).

Mayqen yanapakuq qharipas casarasqa kashan chayqa juj esposallayoqmi kanan, manataqmi piwanpas pantananchu. Chaymantapas manan juj warmikunataqa asipayananchu ni pujllapayananchu (w24.11, 19 paginapi).

¿Imaraykun nisunman “Juan 6:53 textoqa manan Señorpa cenan imayna aparikunanmantachu rimashan” nispa?

Juan 6:53 textopi willasqantaqa Galilea ladopin Jesusqa rimarqan, chayqa 32 watapin karqan, chay kutipiqa askha judío runakunatan Jesusqa rimapayasharqan. Señorpa Cenan nisqatan ichaqa ruwarqan juj wata qhepamanña, chayqa Jerusalén llaqtapin karqan, janaq pachapaq ajllasqa kaqkunawantaqmi chay kutiqa rimarqanpas (w24.12, 10, 11 paginakunapi).