Jehová Diostaqa askha hermanonchiskunawan kuskan juñunakuykunapi asambleakunapi ima yupaychanchis. Ichaqa sapallanchispipas otaq familianchiswanpas yupaychasunmanmi paytaqa, chaypaqmi kaypi wakin yanapaykuna kashan:

• Yaqapaschá juñunakuypi imamantachus yachakunqa chayta estudiawaqchis. Chaymantapas takikunatan practicawaqchis, juñunakuypi comentanaykichispaq iman preparakuwaqchis.

• Chaymantapas yaqapaschá Bibliapi willakuykunata leewaqchis. Chay leesqaykichispi imachus pasasqantataq dibujawaqchis, munaspaqa qelqawaqchis iman.

• Chaymantapas yaqapaschá ñaupa tiempopi Dios sonqo runakuna imaynatachus mañakurqanku chayta estudiawaqchis, jinaspa piensawaqchis imaynatachus paykunaq ejemplon yanapasunkichisman aswan allinta mañakunaykichispaq chaypi.

• Yaqapaschá jw.org paginapi videokunata qhawawaqchis. Chay qhepamantaq rimawaqchis imas chay videomanta gustarqasunkichis chayta, otaq chayta qelqawaqchis.

• Chaymantapas yaqapaschá Diosmanta willanaykichispaq preparakuwaqchis. Chaymantataq imamantachus willayta munankichis chayta practicawaqchis.

• Chaymantapas yaqapaschá Diospa kamasqankunata qhawaspa chaypi piensawaqchis. Yaqapaschá rimawaqchis imatas paymanta yachachisunkichis chayta, imakunapis yanapasunkichisman chaytapas. a