May munaypunin kay tiempokunapi kausayqa, kay tiempokunapin Jehová Diosqa Bibliapi imachus nisqanta aswan allinta entiendechishawanchis (Dan. 12:4). Chhaynaña chaypas wakinqa manapaschá allintaraqchu yachanchis Bibliapi ima yachachikuykunas astawan sut’inchakamurqan chayta. ¿Maypin tarisunman imakunachus sut’inchakurqan chaymanta yachachikuykunata?

• Índice de las publicaciones Watch Tower nisqapin kashan “Aclaración de creencias” nisqa. Chaypin ima watapichus imapas sut’inchakurqan chayman jina juj lista kashan. Chaypaq Watchtower Library nisqapi otaq BIBLIOTECA EN LÍNEA Watchtower^™ nisqapi churay “aclaración de creencias” nisqata, ichaqa comillachakunantinta churanki.

• Guía de estudio para los testigos de Jehová nisqapipas kashanmi chay listaqa, ichaqa pisillan kashan. Chaypaq jaykuy “Los testigos de Jehová” nisqaman, chaymantataq “Opiniones y creencias” nisqaman, chaymantataq “Aclaración de nuestras creencias” nisqaman.

¿Biblia estudiasqaykipi chayllaraq lloqsimuq sut’inchakusqanta astawan estudiawaq chayri? Chaypi allinta t’aqwiriy imaynatas kunan entiendekushan chayta, imaraykus chayta cambiakun chaytapas, ima textokunas chaywan tupan chaytapas.