Wiñaypaq kausananchispaqmi kamasqa kanchis
¿PIN mana munanmanchu wiñaypaq kusisqa kausayta? Llapanchismi munasunman mana onqospa kusisqa wiñaypaq kausaytaqa. Tiemponchisqa aypanmanmi munakusqanchis runakunawan kananchispaq, mundontinta viajananchispaq, imaymana ruwayta yachananchispaq, ima ruway gustasqanchistapas astawanraq yachananchispaq ima.
¿Allinchu chaykuna munapayay? Allinmi. Biblian nin: “Runamanqa qoykuranmi wiñay-wiñay kaqkunapi yuyariy atiyta”, nispa (Eclesiastés 3:11). Nillantaqmi: “Diosqa munakuymi”, nispa (1 Juan 4:8). Chhayna Dios kashaspa, ¿yanqapaqchu kamawasunman karan wiñay kausay munaqta?
Manan pipas wañuytaqa munanchu. Bibliapas ninmi wañuyqa “enemigonchis” nispa (1 Corintios 15:26). Wakintaqa ratollan wañuyqa ayparun wakintataq unaymanta, ichaqa lliupas wañunchispunin. Wakin runakunaqa manan wañuypiqa piensayta munankuchu, manchakunkun. ¿Atisunmanchu jayk’aqllapas chay enemigota atipayta?
¿IMARAYKUN SUYAKUYNIYOQ KASUNMAN?
¿Yacharankichu Diosqa runata mana wañuqpaq kamasqanta? Bibliapi Génesis libropin nishan Diosqa runakunata wiñaypaq kay pachapi tiyanankupaq kamasqanmanta. Jehová * Diosqa kay pachata kamashaspaqa tukuy imaymanayoqtan kamaran, manan imallapas faltaranchu. Chaymantan Adanta kamaran, jinaspataq paraisoman churaykuran, chay huertaq sutinmi karan Edén. Diosqa chaykuna kamasqan pasaytan ‘rikuran llapa ruwasqankuna ancha allin kasqanta’ (Génesis 1:26, 31).
Deuteronomio 32:4). Esposanmi karan Eva, paypas mana juchayoq mana onqonanpaq kamasqan karan. Jehová Diosmi niran: “Askhata miraychis, kay pachamanpas junt’aykuychis, chaypi munayniyoq kaychis, kamachiychistaq challwakunata, phalaq animalkunata, kay pachapi puriq, suchuq llapa animalkunatapas”, nispa (Génesis 1:28).
Adanqa Diosman rijch’akuq mana juchayoq kamasqan karan (Diospa munaynin junt’akunanpaqqa, Evaqa askha wawakunayoqmi kanan karan, wawankunapas kaqllataq wawakunayoq kananku karan, kay pachaman junt’anankukama (Isaías 45:18). “Kay pachamanpas junt’aykuychis” nispa Diospa kamachisqan, ¿allinchu kanman karan Adanwan Evawan wawankunallata otaq nietonkunallatawan rikunankupaq?
Adanqa llapa animalkunatan kamachinan karan, jinaspa sutita churanan karan chaytaqa unaypichá tukuran (Génesis 2:19). Llapa animalkunatapas cuidananpaqqa allintan reqsinan karan, chaytaqa aswan unaypiraqchá tukuran.
Adantawan Evatawanmi Dios niran: “Kay pachamanpas junt’aykuychis”, “kamachiychistaq [...] llapa animalkunatapas”, nisqa. Chaywanmi nisharan unay tiempota kausanankupaq.
DIOSQA RUNAKUNATAQA KAMARAN WIÑAYPAQ KAY PACHAPI PARAISOPI KAUSANANKUPAQMI
ASKHA WATAKUNATAN KAUSARANKU
Adán (930 watayoq)
Matusalén (969 watayoq)
Noé (950 watayoq)
Kunantaq (70-80 watallayoq)
Bibliapin willashan manaraq millp’uq para jamushaqtinqa, unayta runakuna kausasqankuta. Génesis 5:5 textopin nin: “Adanmi kausaran isqon pachaj kinsa chunka watakama, jinaspan wañukapuran”, nispa. Chaymantapas willallantaqmi soqta runakuna novecientos más watakunata kausasqankumanta, paykunan karanku: Set, Enós, Quenán, Jared, Matusalén, Noé ima, millp’uq para qallarishaqtinqa Noeqa seiscientos watayoqmi kasharan (Génesis 5:6-27; 7:6; 9:29). ¿Imaraykutaq paykunari unayta kausaranku?
Chay runakunaqa naceranku Adanwan Evawan juchallikusqankumanta manaraq unaytaraqchu pasashaqtinmi. Chayraykupaschá paykunaqa unayta kausaranku. Ichaqa, ¿imaynapin tupanman mana juchayoq kaywan, unayta kausaywan? ¿Jayk’aqllapas mana wañuq kasunchu? Chay tapuykunata kutichinapaqqa, ñaupaqta yachasunchis imaraykun machuyanchis wañunchispas chaymanta.
^ párr. 6 Biblian willan Diospa sutin Jehová kasqanta.