Ichaqa askha runakunan ninku: “Pichá chhaynataqa kausakunmanpas, qonqayllan ima llakipipas tarikunchis”, nispa. Kay coronavirus onqoy kasqanwanmi askha runakuna wajchayapushanku, familiankupas wañupuranmi. Chaykunata rikuspan runakunaqa llakikunku qhepaman aswan llakipiraq tarikunankumanta.

Chaymi runakunaqa imaymanata ruwashanku qhepaman allinta kausayta munaspanku. Wakin runakunan ninku: “Suerteyoqchus kanki chayqa allintan kausanki”, nispa. Jujkunataq ninku: “Qolqeyoq allin profesionniyoq kanki chayqa allinmi kanki”, nispa. Jujkunapas ninkun: “Sichus allin runa kanki chayqa, allillanmi maypipas kanki”, nispa.

¿Cheqaqtapunichu chaykuna yanapawasunman allin kausayniyoq kananchispaq? Chayta yachanaykipaqqa kay tapuykunapin piensanayki:

• ¿Imamantan kanman qhepaman allinta kausanaykipaq?

• ¿Allin profesionniyoq qolqeyoq kaspachu allin kasunman?

• ¿Allin runa kaspachu qhepaman allin kasunman?

• ¿Imatan ruwanayki jamuq tiempopi allinta kausanaykipaq?

Kay revistapin chay tapuykunamanta yachasun.