Rikuranchischá runakunaq cheqninakusqantaqa. Sapa kutillanmi noticiakunapi uyarinchis askha runakuna waj llaqtayoqkunata, warmikunata, qharikunata, juj colorniyoqtapas cheqnikusqankuta. Chaymi askha nacionkunapi leykunata churanku runamasinkuta ama cheqnikunankupaq.

Jujkunata cheqnikuqtaqa yaqaspachá paytapas jujkuna cheqnikuranku, chhaynapin cheqninakuyqa tukuy ladopi mast’arikun.

Yaqapaschá qanmanta mana allinta rimaranku, burlakuranku, otaq amenazarasunkikupas. Jujkunata cheqnikuymi ichaqa aswan millaraq. Runamasinta cheqnikuqqa cheqnikusqan runatan maqanman, wañuchinman, violanman otaq juj millakunatapas ruwanman.

Kay qelqapin willashan imatas ruwasunman jujkunata amaña cheqnikunapaq, kay tapuykunamantapas rimashanmi:

• ¿Imaraykun sinchi cheqninakuy kan?

• ¿Imaynatan cheqninakuyta chinkachisunman?

• ¿Jayk’aqllapas chinkanqachu cheqninakuy?