¿IMAYNATAN CHEQNINAKUYTA CHINKACHISUNMAN?
4 | Diospa yanapayninta mañakuy
Bibliapin nin:
“Santo espiritun ruruchin: munakuyta, kusikuyta, thaj kausayta, pacienciakuyta, sumaq sonqo kayta, allin sonqo kayta, iñiyta, llamp’u sonqo kayta, cuerpo kamachiq kayta ima”, nispa (GÁLATAS 5:22, 23).
¿Imatan chaywan nishan?
Diospa yanapayninwanqa manañan jujkunata cheqnikusunchu. Diosqa santo espiritunwanmi yanapawasunman sumaq sonqoyoq kananchispaq. Noqallanchisqa manan atisunmanchu, chaymi Diospa yanapayninta mañakunanchis. Chayta ruwasunchis chayqa apóstol Pablo jinan nisun: “Tukuy imapaqmi kallpa qowaqniyqa kallpata qowan”, nispa (Filipenses 4:13). Chaymantapas mana iskayaspan nisun: “Señor Diosmi yanapaykuwanqa”, nispa (Salmos 121:2).
Kayta ruway:
“Ñaupaqqa millay runan karani. […] Kunanmi ichaqa Diospa yanapayninwan llamp’u sonqo kapuni” (WALDO)
Jehová Diosta tukuy sonqoykiwan niy: “Santo espirituykita qoykuway allin sonqoyoq kanaypaq”, nispa (Lucas 11:13). Jinan espiritunwan yanapasunki munakuq, llamp’u sonqo, pacienciakuq kanaykipaq, cuerpoykita kamachinaykipaqpas. Chaymantapas Bibliapin leewaq allin sonqoyoq runakunamanta, kallpachakuwaqtaq paykuna jina kanaykipaq. Chaymantapas allin runakunawanmi amigontin kanayki, jinan paykunapas yanapasunkiku allin kaqta ruwanaykipaq (Hebreos 10:24).
Astawan yachanaykipaq
¡RIJCH’ARIY!
¿Ima ninmi Biblia maqanakuymanta?
¿Ima ninmi Dios maqakuq runakunamanta? ¿Cambiankumanchu, icha chhaynallapunichu kanqakupas?
