¿IMAYNATAN CHEQNINAKUYTA CHINKACHISUNMAN?
2 | Ama vengakuychu
Bibliapin nin:
“Ama pimanpas mana allinmantaqa mana allinllawantaq kutichiychischu [...]. Ama qankuna kikiykichisqa vengakuychischu [...]. Simin qelqapipas ninmi: Noqamanmi tupawan vengakuyqa, noqañan kutichipusaq ninmi Jehová Diosqa”, nispa (ROMANOS 12:17-19).
¿Imatan chaywan nishan?
Pipas mana allinta ruwawaqtinchisqa phiñakunchismi, Diosmi ichaqa niwanchis ama vengakunanchispaq. Payqa pisi tiempollamantan tukuy mana allin ruwayta chinkachipunqa, chaymi munan pacienciawan aguantananchista (Salmos 37:7, 10).
Kayta ruway:
Jujkunamanta vengakuspaqa astawanmi jujkunawan cheqninakusun. Chay jinaqa, pipas mana allinta ruwarasunki chayqa ama vengakuychu, aswanpas sumaqllata rimapayay. Mayninpiqa chay ruwawasqanchista qonqapuymi aswan allinqa kanman (Proverbios 19:11). Mayninpin ichaqa allin kanman autoridadkunaman chayta willay. Yaqapaschá denunciata churasunman policiakuna otaq juezkuna encargakunankupaq.
Vengakuspaqa kikillanchistaqmi dañota ruwakusun
Ichaqa, ¿imatan ruwawaq ima sasachaytapas sumaqllata allichanaykipaq tukuy atisqaykitaña ruwashaqtiykipas mana allichakuyta atikuqtin? Chhaynapi tarikuspapas manan vengakunaykichu, vengakuspaqa aswan llakipin tarikuwaq. Diosqa tiempollanpin chayta allichanqa, chaymi Diospi confianayki. Salmos 37:3-5 textopin nin: “Payman jap’ipaykukuy, paytaqmi yanapaykusunki”, nispa.
Astawan yachanaykipaq
BIBLIAQ YANAPAYNIWAN CAMBIANKU
Manan discriminación kananta munaranichu
Discriminación contra jatariqkunawanmi Rafikaqa juñukuyta qallariran. Ichaqa Bibliallapin tariran cheqaq thaj kaytaqa, Diospa gobiernollanmi chaytaqa apamunqa.
BIBLIAQ YANAPAYNIWAN CAMBIANKU
¿Munakuy cheqnikuyta atipanmanchu?
Cheqnikuyta sonqomanta wijch’upuyqa sasan kanman. Kaypin yachanki judío runawan Palestina runawan cheqnikuyta atipasqankuta.
