Kay tiempopin astawanraq kallpachanakunanchis
“Jujkuna-jujkunawan allintapuni reqsinakusun [...] astawanraq kallpachanakushasun; Diospa p’unchayninpas cercapiñataq kashan chayqa astawanyá chaykunata ruwashasun” (HEB. 10:24, 25)
1. ¿Imaraykun apóstol Pablo Jerusalenpi cristianokunata kamachiran jujkuna-jujkunawan astawanraq kallpachanakunankupaq?
APÓSTOL Pablon Jerusalenpi cristianokunaman juj cartata apachiran, chaypin niran: “Jujkuna-jujkunawan allintapuni reqsinakusun, chhaynapin kallpachanakusunchis astawan munanakunanchispaq [...]. Amapuni juñunakuyninchiskunatapas saqesunchu imaynan wakinkuna saqeshanku jinataqa, aswanpas astawanraq kallpachanakushasun; Diospa p’unchayninpas cercapiñataq kashan chayqa astawanyá chaykunata ruwashasun”, nispa (Heb. 10:24, 25). Pabloq chay carta apachisqanmanta pisqa wata qhepamanqa imaymanakunañan pasasharan Jerusalén llaqtapi. Chaywanqa allintachá cristianokunaqa repararanku Diospa p’unchaynin cercapiña kashasqanta. Alistakurankuchá Jesuspa siminta kasukunankupaqpas (Hech. 2:19, 20; Luc. 21:20-22). Chay p’unchayqa 70 watapin chayamuran. Chay watapin Roma soldadokuna lliuta Jerusalén llaqtata thunipuranku.
2. ¿Imaraykun astawanraq kallpachanakunanchis?
2 Kay tiempopipas Diospa p’unchayninqa cercapiñan kashan. Chay p’unchayqa “jatunmi sinchi manchanataqmi” (Joel 2:11). Sofonías 1:14 textopi nisqan jina “Diospa jatun p’unchayninqa qayllaykamushanñan, sispaykamushanñan, usqhamushanñan”. Chaymi kunan tiempoqa astawanraq kasukunanchis Pabloq nisqanta. Arí, ‘jujkuna-jujkunawanmi allintapuni reqsinakunanchis, kallpachanakunanchis ima’ (Heb. 10:24). Chaypaqqa allintan qhawarikunanchis imaynas hermanonchiskuna kashan chayta, chayman jinataqmi yanaparinanchis.
¿PIKUNAN KALLPACHANATA NECESITASHANKU?
3. ¿Ima niranmi apóstol Pablo kallpachasqa kaymanta? (21 paginapi dibujota qhaway.)
3 Proverbios 12:25 textopin nishan: “Llakipakuyqa runatan ñit’iykun, sumaq simin ichaqa kusichin”, nispa. ¿Imatan chaymanta yachasunman? Llapanchispas necesitanchispunin kallpacharisqa kayta. Jujkunata kallpachaqkunapas necesitankupunin kallpachasqa kayta. Pablon Roma llaqtapi cristianokunata niran: “Maytapunin qankunawanqa tupayta munashani qankunata kallpachanaypaq [...]. Arí, noqaqa munayman noqanchispura kallpachanakunanchistan, chhaynapi iñiyniykichis noqata kallpachawananpaq, noqaq iñiyniytaq qankunata kallpachanasuykichispaq”, nispa (Rom. 1:11, 12). Chaypi rikusqanchis jina hasta Pablopas munaranmi jujkunaq kallpacharinanta (leey Romanos 15:30-32).
4, 5. ¿Pikunatan kallpachananchis? ¿Imarayku?
4 Kay tiempopiqa askha hermanokunan imaymanata ruwashanku tukuy tiemponkuwan Diosta servinankupaq. Paykunamanta wakinmi kashan precursorkuna, misionerokuna, sucursalpi llank’aqkuna, juj simikunaman t’ijrana wasikunapi llank’aqkuna, watukuq umalliqkuna, paykunaq esposanku ima. Paykunatan noqanchisqa agradecekunanchis kallpacharinanchis ima. Agradecekunallanchistaqmi ñaupaqpi tukuy tiemponkuwan Diosta serviq hermanokunatapas. Paykunaqa ima sasachakuypas kasqanraykupaschá manaña tukuy tiempowanchu Diosta servishanku.
5 ¿Pikunatawanmi kallpachananchis? “Señorpi iñiqllawanmi kanan” nisqa kamachikuyta kasukuq soltero hermanokunata soltera hermanakunatawanmi (1 Cor. 7:39). Casarasqa hermanakunapas kallpachasqan kananku; qosankun rikuchinanku mayta munakusqankuta mayta valorasqankutawan (Prov. 31:28, 31). Qatikachasqa o jark’asqa kashaspa onqosqa kashaspa Diospaq junt’aq sonqo hermanokunatapas kallpachananchismi (2 Tes. 1:3-5). Diospas Jesuspas chhayna junt’aq sonqo hermanokunawanmi kashanku (leey 2 Tesalonicenses 2:16, 17).
UMALLIQKUNAQA ALLINTAN JUJKUNATA KALLPACHANKU
6. ¿Imapaqmi churasqa kanku Isaías 32:1, 2 textopi nisqan kamachikuqkuna?
6 (Leey Isaías 32:1, 2). Kay sasa tiempokunapiqa imaymana llakikuykunan kashan. Chaymi Jesusqa umalliq t’aqawan waj ovejakunamanta ‘kamachikuqkunawan ima’ discipulonkunata kallpachashan. Chay kamachikuqkunaqa umalliqkunan kanku. Ichaqa manan ‘iñiyninchispi kamachikuqkunachu’ kanku, aswanmi ‘kusisqa kananchispaq llank’aqmasinchiskuna’ kanku. Arí, paykunaqa Diospaq junt’aq sonqo kaypi yanapaqninchiskunan kanku (2 Cor. 1:24).
7, 8. ¿Imaynatawanmi umalliqkuna hermanokunata kallpachankuman?
7 Umalliqkunaqa apóstol Pabloq ejemplontan qatikunanku. Paymi Tesalónica llaqtapi cristianokunata niran: “Qankunataqa anchatapunin noqaykuqa munakuykiku, chaymi mana Diosmanta allin willakuykunallatachu willayta munaraykiku, aswanpas vidaykutaraqmi qankunarayku qoyta munarayku”, nispa (1 Tes. 2:8).
8 Pabloq nisqan jina manan simillawanchu hermanokunataqa kallpachana. Éfeso llaqtapi umalliqkunatan niran: “Tukuy kallpawan llank’aspa necesitaqkunata yanapaychis [...] yuyashanallaykichistaqmi Señor Jesuspa nisqantapas, paymi niran: ‘Qoypin aswan kusikuyqa kan, manan chaskiypichu’”, nispa (Hech. 20:35). Pabloqa nillarantaqmi: “Noqaqa ancha kusisqan tukuy imaytapas qankunarayku gastasaq, tukuy kallpaytawanraqmi tukusaqpas”, nispa (2 Cor. 12:15). Pay jinan umalliqkunapas mana simillankuwanchu hermanokunataqa kallpachananku aswanmi paykunapaq imaymanata ruwapunanku. Chhaynapin rikuchinqaku paykunata cheqaqta munakusqankuta (1 Cor. 14:3).
9. ¿Iman umalliqkunata yanapanqa hermanokunata munakuywan yanapanankupaq?
9 Mayninpiqa yaqapaschá umalliqkunaqa hermanokunaman consejota qonanku kanqa; correginanku imapaschá kanqa. Ichaqa chay hermanokuna kallpachasqa kanankupaqqa Bibliaq nisqanman jinan chayta ruwananku. Chaymantapas Jesuspa ejemplontan qatikunanku. Paymi janaq pachaman ripusqan qhepaman Éfeso, Pérgamo, Tiatira llaqtakunapi congregacionkunata corregiran. Ichaqa manaraq corregishaspan Jesusqa felicitaran paykunata (Apo. 2:1-5, 12, 13, 18, 19). Chaymantapas Laodicea llaqtapi congregaciontan niran: “Noqaqa pitachus munakuni chaytan anyani, chaytan wanachinipas. Chayrayku juchaykikunamanta pesapakuspa tukuy sonqoykiwan Diosta serviy”, nispa (Apo. 3:19). Umalliqkunaqa Jesús jinapunin pitapas yanapananku.
MANAN UMALLIQKUNALLACHU KALLPACHANANKU JUJKUNATAQA
Tayta-mamakuna, ¿yachachishankichischu wawaykichista jujkuna kallpachayta? (10 parrafota qhaway)
10. ¿Imaynatan jujkunata kallpachasunman?
10 Manan umalliqkunallachu jujkunataqa kallpachananku. Apóstol Pabloq nisqan jina llapanchismi jujkunata kallpachanapaq jina rimananchis, ‘chhaynapin imapas rimasqanchisqa uyariqninchiskunaq allinninpaq kanqa’ (Efes. 4:29). Allintan qhawarikunanchis pikunas yanapanata necesitashanku chayta. Pablon Jerusalenpi cristianokunata niran: “Liwi-liwi makikunata pisipaq moqokunatawan kallpachaychis; purinaykichis ñantapas rectoyachiychis, chhaynapi wist’u moqoqa ama phawarunanpaq, aswanpas qhaliyananpaq”, nispa (Heb. 12:12, 13). Chhaynaqa llapanchismi jujkunataqa kallpachananchis, wayna-sipaskunapas chaytan ruwananku.
11. ¿Imaynatan juj hermananchista yanaparanku llakisqa kashaqtin?
11 Hermananchis Martamanta yachasun. * Paytas llakisqa kashaqtin juj kuraq hermana yanapasqa. Paymi nin: “Noqaqa Diosmantan kallpata mañakusharani, chayllamanmi juj kuraq hermanawan tupayku. Chaypin payqa sumaqta kallpachawan. Noqa jinas paypas tarikusqa. Chaytapunin noqaqa munasharani. Paywan rimaspayqa manan sapayñachu tarikurani”, nispa. Chay kuraq hermanaqa manapaschá yacharanpaschu hermananchis Martata yanapanantaqa.
12, 13. ¿Imata ruwaspan Filipenses 2:1-4 textoq nisqanta junt’asunman?
12 Apóstol Pablon Filipos llaqtapi cristianokunata niran: “Qankunaqa Cristowan jujllachasqataq kashankichis, kallpachanakushankichistaq, munakuywantaq consolanakushankichis, sumaqtataq qhawarinakushankichis, tukuy sonqowantaq munanakushankichis, khuyapayanakushankichistaq kanpas chayqa, anchatayá kusichiwaychis juj yuyaylla kaspaykichis, jujkuna-jujkunawan munanakuspaykichis, tukuy imapi juj sonqolla kaspaykichis, kaqllata piensaspaykichis ima. Ama imatapas ruwaychischu cheqnipakuspaqa, imapas kawaqchis jinaraq piensakuspapas; aswanpas k’umuykuywan jujkunata qankunamanta aswan allinpaq qhawariychis”, nispa (Filip. 2:1-4).
13 Chaypi apóstol Pabloq nisqan jina llapanchismi iñiqmasinchiskunata kallpachananchis sumaq sonqowan munakuywan ima. Chaypaqmi ichaqa tukuy yuyaywan qhawarinanchis imaynas kashanku chayta.
¿IMAYNATAN JUJKUNATA KALLPACHASUNMAN?
14. ¿Iman jujkunata kallpachanman?
14 May kusikunapaqmi yanapasqanchis runakunaq junt’aq sonqo kasqankuta yachayqa. 3 Juan 4). Precursorkunapas chhayna kusisqan kashanku. Yanapasqan runakuna tukuy sonqowan Diosta servisqankuta yachaspan paykunaqa astawanraq kusikunku. Chaymi mayqen precursorpas pisipashan chayqa, ñaupaqpi imakunachus ruwasqankuta yuyarichinanchis.
Apóstol Juanpas kusisqan kasharan chaywan, chaymi niran: “Noqaqa wawaykuna cheqaq kaqpi allinta purishasqankuta yachaspaymi imamantapas astawanqa kusikuni”, nispa (15. ¿Imaynatan tukuy tiemponkuwan Diosta serviqkunata kallpachasunman?
15 Wakin watukuq umalliqkunataqa visitasqanku congregacionpi hermanokunaq qosqan notachakunas kallpachasqa. Chaypis chay hermanokunaqa willakunku may kusisqa kasqankuta, agradecekusqankuta ima. Umalliqkunapas, misionerokunapas, precursorkunapas, Betelpi llank’aqkunapas chay watukuq umallikuna jinan nillankutaq.
¿IMAKUNATAN RUWASUNMAN JUJKUNATA KALLPACHANAPAQ?
16. ¿Imaynatan jujkunata yanapallasunmantaq?
16 Yaqapaschá wakinqa mana faciltachu piwanpas rimanchis. Chhaynaña kaqtinpas atisunmanmi jujkuna yanapaytaqa. Chaypaqqa yaqapaschá kusisqa uyantin pitapas qhawarisunman o napaykusunman, manachus imatapas niwasun chayqa, ima llakipipaschá tarikushan uyarinata imapaschá munashan. Wakinqa uyarisqa kaspan thaj kanku (Sant. 1:19).
17. ¿Ima yanapaytan chaskiran hermanonchis Henri?
17 Hermanonchis Henrimanta yachasun. Paypa wakin familiansi Diosta saqepusqa, jujninqa papansi kasqa. Papanqa Salmos 46, Sofonías 3:17, Marcos 10:29, 30 textokunatapas, chaykunas paytaqa yanapasqa.
respetasqa umalliqsi kasqapas. Chaykunawansi Henriqa sinchi llakisqa kashasqa. Chaysi juj watukuq umalliqa café tomaq pusasqa kallpachananpaq. Chaypis Henriqa llapa llakikuyninta chay hermanoman willakusqa. Chay watukuq umalliqqa allintas entiendechisqa imaynatas familianta yanapanman chayta. Henriqa leesqasLlapanchismi kallpachakunanchis jujkunata kallpachanapaq (18 parrafota qhaway)
18. a) ¿Ima niranmi rey Salomón? b) ¿Ima consejotan qoran apóstol Pablo?
18 ¿Imatan yachasunman Martamanta Henrimantawan? Llapanchispas atisunmanmi jujkuna kallpachayta. Rey Salomonmi niran: “Tiemponpi rimasqapas may allinmi”, nispa. Chaymantan nillarantaq: “Munakuywan qhawariyqa sonqotan kusirichin, allin willakuyqa wajmantan kallpachallantaq”, nispa (Prov. 15:23, 30). Chhaynaqa, ¿imatan ruwasunman pitapas llakisqata rikuspa? Yaqapaschá Qhawaq revistapi informacionkunata otaq JW paginapi informacionkunata leepusunman. Apóstol Pablon nillarantaq: “Qankunapura yachachinakuychis kallpachanakuychis Salmos takikunata takispa, Diosta alabaspa, agradecekuywan adorana takikunata takispa ima”, nispa (Col. 3:16; Hech. 16:25). Chaypi rikusqanchis jina jujkunawan kuska takiypas kallpachawasunmanmi.
19. ¿Imaraykun kay tiempokunapi astawanraq kallpachanakunanchis?
19 Apóstol Pablon niran: “Imaynan ruwashankichis jinata qankunapura animanakushaychis kallpachanakushaychis”, nispa (1 Tes. 5:11). Kay millay kausaypa tukukunan p’unchay chayamunankamaqa astawanraqmi chayta ruwashananchis (Heb. 10:25).
^ párr. 11 Sutikunaqa cambiasqan kashan.