1-3. a) ¿Imapin llapa wayna-sipaskuna tarikushanku? ¿Imawanmi chayta comparakunman? (Kay paginapi fotota qhaway.) b) ¿Imatan wayna-sipaskuna ruwankuman chaypi tarikuspa?

YAQAPASCHÁ viajasaq nishanki juj karu llaqtata, chayman chayanaykipaqqa terminalmanpaschá rinki. Ichaqa chayman chayaspaqa rikunkipaschá askha runakunata carrokunata ima. Yachankiñataq mayta rinaykita chayqa, ¿wichawaqchu juj carroman maychus risqayki llaqtaman mana rishaqtin? Manan ¿riki?

² Kay vidaqa chay viaje jinan, wayna-sipaskunataq terminalpi runakuna jina. Wayna-sipaskunaqa imaymanatataq decidinanku chayqa, yaqapaschá mayninpiqa mana ima ruwaytapas atinqakuchu. Ichaqa sichus allinta yachanqaku maychus rinankuta chayqa, faciltan imatapas decidinqaku.

³ Kay estudion yanapanqa wayna-sipaskunata Diospa munasqanman jina imatapas ruwanankupaq. Chaytan  rikuchinanku kanqa estudiopi, llank’anapi familiapi ima. Chaymantapas Dios serviypin yuyayninku kanan. Sichus chayta ruwanqaku chayqa bendecisqan kanqaku, allintaqmi vidankupas kanqa (leey Proverbios 16:3).

4. ¿Imakunamantan kay estudiopi yachasun?

⁴ Dios serviypi yuyayta churayqa allinmi, ¿imanaqtin? Kay estudiopin yachasunchis kinsa razonkunamanta. Iskaynin razonkunapin yachasun imaynatas Diospaq jina imatapas ruwaqtinchis Diospa amigon kasunman chayta. Kinsa kaqpitaq yachasun imaynapis chay ruwasqanchis yanapawasunman chayta.

5. Wayna-sipas, ¿ima razonmi kan Dios serviypi yuyayniyki kananpaq?

⁵ Juj kaq. Wayna-sipas, yachasqayki jina Diosqa imaymana formapin rikuchiwaranchis munakuwasqanchista chaymi paywan agradecido kananchis. Diosta serviq runan niran: “Ancha jatun Diosníy, ancha allinmi qanman graciasta qoyqa”, nispa. Chaymantan nillarantaq: “Diosníy, ruwasqaykikunawanmi kusirichiwanki, ruwasqaykikunamantan kusisqa takishani”, nispa (Sal. 92:1, 4). Chaypi nisqan jina imaymanatan Diosqa noqanchispaq ruwaran. Pay kaqtinmi kausanchis, paymi simintapas reqsichiwaranchis, llaqtanmanpas pusamuwaranchis; paymi kay millay kausaytapas munayman tukuchinqa. Chaymi payllata ñaupaqman churanayki chayta ruwanki chayqa allin amigontinmi paywan kanki.

6. a) Dios serviypi kallpachakunki chayqa, ¿imaynan Dioswan kanki? b) Wawallaraq kanki chaypas, ¿imakunatan Diospaq ruwawaq?

⁶ Iskay kaq. Jehová Diosqa rikushanmi payta servinaykipaq kallpachakusqaykita. Chaymantapas chayta ruwayqa astawanmi Diosman jujllachasunki. Apóstol Pablon nin: “Diosqa chaninpunin, payqa manapunin qonqanqachu imachus ruwasqaykichista sutinta munakusqaykichistapas”, nispa (Heb. 6:10). Llapanchispas jovenllaraq kasunman chaypas atisunmanmi Diosta ñaupaqman churayta. Chaypaq yachasun wakin wayna-sipaskunamanta. Christineqa 10 watayoq kashaspallaraqsi experienciakunata leeyta qallarisqa. Tobypas 12 watanpi kashaspallaraqsi manaraq bautizakushaspa llapanta Bibliata leesqa. Noemipas 10 watallanpiraq kashaspas bautizakusqa, turan Maximtaq 11 watallanpiraq kashaspa. Paykunaqa Betelpis llank’ayta munasqaku, chayta mana qonqanankupaqsi wasin perqaman k’askachisqaku solicitudta. ¿Imatan qan ruwashanki Dios serviyta ñaupaqman churanaykipaq? (Leey Filipenses 1:10, 11.)

7, 8. a) ¿Imanaqtinmi allin yuyaywan imatapas ruwanayki? b) ¿Imanaqtinmi Damaris mana universidadman riyta munaranchu?

⁷ Kinsa kaq. Jovenllaraq kashaspan decidinayki kanqa imatachus estudianki, maypichus llank’anki chayta. Chay decisionkunaqa iskayman t’aqasqa ñan jinan. Mayninta rinaykipaqpas allintan yachanayki maytachus rishanki chayta. Chhaynallataqmi vidaykiwanpas kanqa. Allintachus yachanki imachus ruwanaykita chayqa faciltan imatapas decidinki. Proverbios 21:5 textopin nin: “K’uchi runaq yuyaykusqankunaqa  allinmankaman tukun”, nispa. Manan unayraqchu pasanan imatapas decidinapaqqa, apuray imatapas ruwanki chayqa allinmi risunki. Chaymi pasaran Damariswanpas, paymanta yachasun.

⁸ Damarisqa allin notawansi colegionta tukusqa chaysi becata munachisqaku universidadpi abogadapaq estudiananpaq. Paysi ichaqa mana munasqachu aswansi kuska p’unchayllapaq llank’anaman jaykusqa. ¿Imaraykun chayta ruwanman karan? Paymi willakun: “Noqaqa precursora kaytan munarani, chaymi kuskan p’unchayllapaq llank’anata maskhakurani. Abogada kanaypaq estudiayman karan chayqa askha qolqetapaschá ganayman karan, ichaqa ch’isiyaqchá llank’ayman karan”, nispa. Payqa 20 watañan precursora kashan. ¿Arrepientesqachu kashanman chay ruwasqanmanta? Manan. Paymi nillantaq: “Llank’anaypiqa askha abogadokunawanmi tupani. Paykunaqa aburrisqallan purinku. Paykuna jinapaschá noqapas kayman karan. Maytan Diosta ‘gracias’ nini precursora kasqaymanta. Precursora kasqaywanmi Diosta kusisqa servini”, nispa.

9. ¿Imaraykun wayna-sipaskunata felicitananchis?

⁹ Askha iñiq t’aqakunapin waranqanpi wayna-sipaskuna tukuy sonqonkuwan Diosta servishanku, chay ruwasqankumantan felicitananchis. Paykunan kallpachakunku Diospaq nisqanman jina imatapas ruwanankupaq. Chaymi estudionkupi, llank’anankupi familiankupi ima Diosta kasukunku. Rey Salomonmi niran: “Tukuy sonqoykiwan Señor Diosman jap’ipakuy”, nispa. Nillarantaqmi: “Tukuy ruwasqaykikunapi Señor Diosta yuyariy, paymi cheqan ñanninta pusasunki”, nispa (Prov. 3:5, 6). Rikusqanchis jina Jehová Diospaqqa importanten kanku wayna-sipaskunaqa, chaymi paykunata cuidan bendicen ima.

10. a) ¿Imaraykun predicacionta ñaupaqman churanayki? b) ¿Iman yanapasunki allinta predicanaykipaq?

¹⁰ Diospa sonqonta kusichiyta munanki chayqa, predicaymanmi astawan importanciata qonayki. Jesusmi niran: “Ñaupaqtaqa llapa nacionkunamanraqmi allin willakuykuna willasqa kanan”, nispa (Mar. 13:10). Rikusqanchis jina predicacionmi imamantapas ñaupaqpi kanan. Chayrayku, ¿ñachu piensarankiña imatas ruwanki astawan predicanaykipaq chaypi? Mana ganasniyki kashanmanchu predicanaykipaq chayri, ¿imatan ruwawaq? ¿Iman yanapasunkiman gustowan Diosmanta rimanaykipaq? Yaqapaschá kayta ruwawaq: allinta preparakuy, imachus yachasqaykita jujkunaman willay. Chayta ruwaspan kusisqa kanki.

11, 12. a) ¿Imatan wayna-sipaskuna ruwankuman tapuqninkunaman allinta kutichinankupaq? b) ¿Imatan ruwaran Lucas?

¹¹ Yaqapaschá mayninpiqa compañeroykikuna imatapas tapusunkiman. Chay  tapuykunaman kutichinaykipaq preparakuy. Jw.org paginapin kashan imaymana informacionkuna, chaykunan yanapasunki paykunaman explicanaykipaq. Wakinqa yaqapaschá tapusunki, “¿imaraykun Diospi creenki?” nispa. “Wayna-sipaskunaq 10 tapukuyninku” nisqa folletopin ¿Creenaychu “evolución” nisqapi? nisqa partepi, chay tapukuyninkupaq respuesta kashan, chayta allinta leey. Chhaynapin allin preparasqa kanki chaykunata explicanaykipaq (leey 1 Pedro 3:15).

¹² Compañeroykikunata niy jw.org paginaman jaykunankupaq. Chaytan ruwaran Lucaspas, * juj kutinsi escuelanpi religionkunamanta rimasqaku. Chaypi usasqanku libroqa manas cheqaqtachu Testigokunamanta rimasqa. Chaysi Lucasqa manchan-manchan profesoranmanta permisota mañakusqa rimananpaq. Jinas payqa chay libro mana allin kasqanmanta rimasqa, willakusqas imarayku Diospi creesqantapas. Chaymantapas jw.org paginatas compañeronkunaman qhawachisqa. Chaysi profesoranqa tareata qosqa “¿Imaynatan defiendekuwaq mana maqanakuspalla?” nisqa videota qhawanankupaq. Chaywansi Lucasqa kusisqa kasqa.

13. ¿Imaraykun mana manchakunaykichu problemakuna kaqtin?

¹³ Yaqapaschá ima munasqaykitapas ruwashaqtiyki sasachakuykuna presentakamusunki. Chaywanpas tukuy sonqowanmi llank’ashanallayki (2 Tim. 4:2). Chaymi pasaran Catalinawanpas. Payqa 17 watallanpiraq kashaspas llank’ananpi llapa  compañeronkunaman predicayta munasqa, chaytas ruwasqapas. Jinas jujnin compañeron paymanta burlakuyta qallarisqa. Chaywanpas manas manchakusqachu. Chhayna kasqanwansi compañeron Henri admirakusqa. Payqa Biblia estudiaytas qallarisqa chaymantataq bautizakapusqa. Catalinaqa manas chayta yachasqachu, juj ladomansi payqa astakapusqa. Ichaqa 13 wata qhepamansi salonpi jujmanta tupasqaku. Henris discurso qoq jamusqa. Maytachá Catalinaqa kusikuran compañeronkunata mana manchakuspa predicasqanmanta.

14, 15. a) ¿Imakunapin piensanayki jujkuna paykuna jina kanaykita munaqtin? b) ¿Imatan ruwawaq ama paykunata kasunaykipaq?

¹⁴ Kaypi yachasqanchis jina kallpachakunaykin kanqa Diospa munayninman jina kausanaykipaq, Dios serviypi yuyayniyki kananpaqpas. Yaqapaschá wakin wayna-sipaskunaqa gustonkuman jina imatapas ruwashanku, invitasunkikupaschá paykuna jina imatapas ruwanaykipaq. Ichaqa rikuchinaykin kanqa imas qanpaq ñaupaqpi kashan chayta. Manan imawanpas jark’achikunaykichu Diospaq munaynin ruwaytaqa. Qallariypi rimamusqanchis terminalpi piensay. Manan runakunaq kusirikusqanta rikuspallachu comunta mayqen carromanpas seqawaq ¿riki?

¹⁵ ¿Imatan ruwawaq wayna-sipaskuna gustonkuman jina imatapas ruwanaykipaq invitasuqtiyki? Reparanaykin mana allin kaqta, chaymantataq ayqekunayki (Prov. 22:3). Piensay allinta iman pasanman mana allinkunata ruwaqtiyki (Gál. 6:7). K’umuykukuq kanki chayqa faciltan pimantapas yanapayta chaskikunki. Tayta-mamaykiq consejonkunatapas juj hermanokunaq consejontapas gustowanmi chaskikunki (leey 1 Pedro 5:5, 6).

16. ¿Imanaqtinmi k’umuykukuq kanayki? Juj experienciata willay.

¹⁶ Cristianmanta yachasun. Bautizakusqan qhepamansi juj gimnacioman riyta qallarisqa, chaypis paytaqa juj equipoman jaykunanpaq invitasqaku. Jinas payqa chayta juj umalliqman willakusqa. Chay umalliqqa imaymana peligrokunamantas rimapayasqa, imaymana consejokunatas qosqapas. Chaywanpas Cristianqa jaykusqas chay equipoman. Pujllasqankupiqa maqanakuy imaymana peligrokuna imas kasqa. Chaysi jujmanta umalliqkunawan rimasqa, chay umalliqkunaqa imaymana consejokunatas qollasqakutaq. Paymi nin: “Diosmi kachamuran hermanokunata allin consejokunata qowanankupaq, sasatan uyarikurani ichaqa kasukuranin chaymantaqa”, nispa. Qanri, ¿yachankichu consejokuna chaskikuyta?

17, 18. a) ¿Imatan Dios munan wayna-sipaskunapaq? b) ¿Imatan ruwanayki qhepaman mana llakikunaykipaq? Juj experienciata willay.

¹⁷ Jehová Diosmi nin: “Wayna-sipas, kusikuy, warmallaraq kashaspayki, wayna kashaspayki q’ochukuy”, nispa (Ecl. 11:9). Chaypi nisqan jina Diosqa kusisqa kanaykitan munan. Chaymi kay estudiopi yacharanchis Dios serviypi yuyayniyki kananmanta. Ima ruwasqaykipipas paypa consejonkunatan kasukunayki, chayta ruwanki chayqa Diosmi ñanninpi purichisunki, bendicionnintapas qosunki.  Bibliapiqa askha consejokunan kashan. Chayrayku “wayna-sipasllaraq kashaspa kamaqniykimanta yuyarikuy” nisqa consejota kasukuy (Ecl. 12:1).

¹⁸ Wayna-sipas kayqa tukukuqllan. Manaraq cuentata qokuspaykin kuraqña kanki. Wakinmi kuraqña kaspa cuentata qokunku mana allin decisionkuna ruwasqankumanta. Chaywanmi llakisqa tarikunku. Sichus jovenllaraq kashaspayki Dios serviypi yuyayniykita churanki chayqa, kusisqan kunan tiempopas jamuq tiempopas kanki. Chaymi Miriantapas pasaran. Jovenllaraq kashaspaqa allin deportistas kasqa, chaysi invitasqaku Juegos Olímpicos de Invierno nisqapi participananpaq. Ichaqa manas aceptasqachu aswanpas Dios serviymansi qokusqa. Payqa qosanwan kuskan 30 wata masña tukuy tiemponwan Diospaq llank’ashan. Paymi nin: “Allin reqsisqa kayqa, askha qolqeta ganaypas manan unaypaqchu, Dios serviymi ichaqa allinpuni. Chaymi jujkunata yanapanayki Diosmanta yachanankupaq”, nispa.

19. ¿Imaynan kanki Diosta allin yuyaywan servispayki?

¹⁹ Diosta tukuy sonqowan serviq wayna-sipaskunatan felicitananchis, yaqapaschá paykunapaqqa mana facilchu chayta ruway karan. Chhayna kaqtinpas allin yuyaywanmi llank’anku predicaypi. Manan kay pachapi runakunaq ruwayninkunatachu ruwanku. Wayna-sipaskuna allin yuyaywan llank’asqaykiqa manan yanqapaqchu. Hermanokunapas tukuy sonqonkuwanmi yanapasunkiku. Diospaq jina imatapas ruwanki chayqa allinmi kanki.