1, 2. a) ¿Imaraykun Jesús pisi cosaskunallata utilizaspa wañupusqanta yuyarinanchispaq yachachiran? b) ¿Imatan kay estudiopi Jesusmanta yachasun?

¿IMAYNATAN ruwanchis Jesuspa wañupusqanta yuyarinapaq juñunakuyta? Chayta willayqa manan sasachu. Chaywanpas chay juñunakuyqa ancha importanten, chaymi pipas tapuwasunman: “¿Imaraykutaq chay importante juñunakuytari pisi cosaskunallawan celebrankichis?”, nispa.

² Kay pachapi Jesús predicashaspaqa importante yachachikuykunatan fácil entiendeyllata yachachiran (Mat. 7:28, 29). Chaymi wañupusqanta yuyarinapaqpas facil-llata ruwanankupaq jina yachachiran. Kay estudiopin yachasun wañupusqanta yuyarinapaq imakunatachus Jesús utilizaran chayta, imatas niran chaytapas. Chhaynapin aswan allinta entiendesun humilde, mana manchakuq, munakuq kasqanta. Yachallasuntaqmi imatas ruwananchis pay jina kananchispaq chayta.

3. Mateo 26:26-28 textopi nisqanman jina, ¿imaynatan ruwakun Señorpa cenan? ¿Imatan representan vinopas mana levadurayoq t’antapas?

³ Jesusqa 11 apostolninkunawanmi wañupusqanta yuyarinankupaq juñunakuyta qallarichiran. Chay kutipin Pascua fiestapi puchuq vinota mana levadurayoq t’antatawan utilizaran (leey Mateo 26:26-28). Jinaspa apostolninkunata niran chaykunaqa ch’uya cuerponta yawarnintawan  representasqanta, chaytan paykunarayku qonan karan. Apostolkunaqa manan admirakurankuchu Jesús chaykunallawan chay juñunakuyta ruwasqanta. ¿Imarayku mana admirakurankuchu?

4. ¿Imaynatan Martata nisqanman jina Jesús wañupusqanta yuyarinapaq juñunakuyta ruwaran?

⁴ Kinsa wataña Jesús kay pachapi predicashaqtinmi Lazaroq, Martaq, Mariaq wasinman visitaq riran. Chaypi kashaspan Jesusqa yachachiyta qallariran. Martan ichaqa Jesusta allinta atiendenanpaq imaymanata wayk’uyta munaspa afanasqa kasharan. Chayta rikuspan Jesusqa sumaqllata Martata corregiran, niranmi: “Manan imaymanakunatachu necesitakun, aswanpas pisillatan”, nispa (Luc. 10:40-42). Wañupunanpaq pisillaña faltashaqtintaq Martata nisqanman jina paypuni ruwaran, chaymi pisi cosaskunallawan wañupusqanta yuyarinankupaq juñunakuyta qallarichiran. ¿Imatan chaywan Jesusmanta yachanchis?

5. ¿Imatan yachanchis Jesús pisi cosaskunallawan wañupusqanta yuyarinanchispaq kamachisqanmanta? ¿Imaynatan Filipenses 2:5-8 texto chayta sut’inchan?

⁵ Jesusqa tukuy ruwasqanpi rimasqanpin rikuchiran humilde kasqanta. Wañupunanpaq juj p’unchayllaña faltashaqtinpas chaytan rikuchiran (Mat. 11:29). Jesusqa yacharanmi runakunarayku vidanta sacrificananta, Jehová Dios payta kausarichispa janaq pachapi rey kananpaq churanantapas; chaywanpas manan niranchu: “Runakunaqa reparanankun allin kasqayta, chaypaq jinan wañupusqayta yuyarinankupaq imaymanata ruwananku”, nispaqa. Aswanpas pisi cosaskunallata utilizaspa wañupusqanta yuyarinankupaq kamachiran (Juan 13:15; 1 Cor. 11:23-25). Chaypin sut’ita rikuchiran mana jatunchakuq kasqanta. Anchatan kusikunchis reyninchis Jesús humilde kasqanmanta (leey Filipenses 2:5-8).

6. ¿Imaynatan Jesús jina humilde kasunman ima pruebapiña tarikuspapas?

⁶ ¿Imaynatan Jesús jina humilde kasunman? Chaypaqqa jujkunapin astawan preocupakunanchis (Filip. 2:3, 4). Jesusqa yacharanmi sinchita ñak’arispa wañupunanpaq juj p’unchayllaña faltasqanta, chaywanpas payqa masta preocupakuran apostolninkunapi. Paykunaqa  sinchi llakipi tarikunanku karan Jesuspa wañupusqanwan, chaymi paykunata yachachiran, kallpacharan consolaranpas (Juan 14:25-31). Chaypin sut’ita rikuchiran jujkunapi masta preocupakusqanta. Chay ruwasqanqa allin ejemplon noqanchispaq.

7. ¿Imaynatan Jesús rikuchiran mana manchakuq kasqanta?

⁷ Señorpa cenanta ruwasqan qhepamanmi Jesusqa rikuchiran mana manchakuq kasqanta. ¿Imaynapin chayta rikuchiran? Jesusqa yacharanmi millay runata jina juchachaspa wañuchinankuta, chaywanpas decidisqan kasharan Diospa munayninta ruwananpaq (Mat. 26:65, 66; leey Lucas 22:41, 42). Wañupunankaman Diosta kasukuran, Diospa sutinta jatuncharan, kamachinanpaq derechoyoq kasqanta defienderan, runakunamanpas wiñay kausayman chayanankupaq ñanta kichariran. Jinaspapas discipulonkunata yanaparan jamuq pruebakunata aguantanankupaq.

8. a) ¿Ima nispan Jesús apostolninkunata niran? b) Askha watakuna qhepamanpas, ¿imaynatan discipulonkuna rikuchiranku pay jina mana manchakuq kasqankuta?

⁸ Jesusmi mana manchakuq kasqanta rikuchillarantaq apostolninkuna imachus necesitasqankupi masta preocupakuspa. Judasta ripunanpaq nisqan qhepamanmi Jesusqa apostolninkunawan Señorpa cenanta ruwaran, chay juñunakuymi yuyarichinan karan janaq pachapaq ajllasqa kasqankuta paykunarayku yawarninta jich’asqantapas (1 Cor. 10:16, 17). Chaypaqmi ichaqa willaran imatachus Diospas paypas ruwanankuta munaran chayta (Juan 15:12-15). Jinaspapas willaranmi ima pruebakunapi tarikunankuta chay qhepamantaq  niran pay jina mana manchakuq kanankupaq (Juan 16:1-4, 33). Watakunaq pasasqan qhepamanpas discipulonkunaqa Jesús jinan mana manchakuq karanku, paykunapurataq yanapanakuranku imaymana pruebakunapi tarikuspanku (Heb. 10:33, 34).

9. ¿Imaynatan Jesús jina mana manchakuq kasunman?

⁹ Jesús jinan noqanchispas mana manchakuq kananchis. ¿Imaynatan chayta rikuchisunman? Hermanonchiskuna qatiykachasqa kaqtinku otaq carcelpi yanqamanta wisq’asqa kaqtinkuqa, tukuy atisqanchistan ruwananchis paykunata defiendenapaq yanapanapaqpas (Filip. 1:14; Heb. 13:19). Mana manchakuq kasqanchista rikuchillanchistaq tukuy sonqowan predicashallaspa (Hech. 14:3). Jesús jinan decidisqa kashananchis qatiykachawaqtinchis otaq jark’awaqtinchispas Diospa gobiernonmanta predicashanallanchispaq. Ichaqa, ¿imatan ruwasunman mayninpi pisi kallpayaqtinchis?

10. ¿Imatan ruwananchis Jesuspa wañupusqanta yuyarinapaq semanakuna ñaupaqta? ¿Imaraykun chayta ruwananchis?

¹⁰ Mana manchakuq kananchispaqqa Jesuspa sacrificakusqanrayku bendicionkunata chaskinanchispin piensananchis (Juan 3:16; Efes. 1:7). Chaytaqa ruwasunman Jesuspa wañupusqanta yuyarinapaq semanakuna faltashaqtinmi. Chay p’unchaykunapin Bibliapi kaq ajllasqa textokunata leenanchis, jinaspa allinta piensananchis imakunachus pasaran Jesuspa wañupunanpaq p’unchaykunapi chayta. Jinan Señorpa cenanta yuyarinapaq juñunakuypi aswan allinta entiendesun t’antapas vinopas imata representasqanta. Sichus allinta  entiendenchis Jesuspas Jehová Diospas noqanchisrayku ruwasqankuta chayqa, jamuq tiempopi kausayta suyakusqanchismi aswan cheqaq kanqa. Jinaspa kallpanchis kanqa wañupunanchiskama aguantananchispaq (Heb. 12:3).

11, 12. ¿Imakunatan kaykama yacharanchis?

¹¹ ¿Imatan kaykama yacharanchis Señorpa cenanta yuyarispa? Yacharanchismi Jesuspa sacrificakusqan ancha valorniyoq kasqanta, Jesús humilde mana manchakuq kasqantawan. Jesusqa uma sacerdote kaspan noqanchisrayku Diosmanta mañakun, chaytaqa anchatan agradecekunchis (Heb. 7:24, 25). Agradecesqa kasqanchistan rikuchinchis wañupusqanta yuyarinapaq kamachikuyta tukuy sonqowan kasukuspa (Luc. 22:19, 20). Chaytaqa sapa watanmi yuyarinchis 14 nisán killapi judiokunaq calendarionman jina, chay p’unchaymi noqanchispaqqa aswan importante.

¹² Wañupusqanta yuyarinapaq juñunakuypi piensaspan rikullanchistaq Jesús munakuq kasqanta. Chaytan astawan rikuchiran kay allpapi kashaspa.

13. Juan 15:9; 1 Juan 4:8-10 textokuna, ¿imaynatan rikuchinku Jehová Diospas Jesuspas munakuq kasqankuta? ¿Pikunan chaymanta beneficiakunku?

¹³ Jehová Diosqa anchatan munakuwanchis chaytan Jesusqa tukuy ruwasqanpi rikuchiran (leey Juan 15:9; 1 Juan 4:8-10). Astawanqa munakuq kasqanrayku Jesusqa vidanta noqanchisrayku qoran. Janaq pachaman riqkunapas waj ovejakunapas beneficiakunkun Jesuspa sacrificakusqanmanta (Juan 10:16; 1 Juan 2:2). ¿Imaynatan Jesús munakuq kasqanta rikuchillarantaq wañupusqanta yuyarinapaq kamachispa? Chayta kunan yachasun.

14. ¿Imaynatan Jesús rikuchillarantaq munakuq kasqanta?

¹⁴ Rikusqanchis jina Jesusqa kamachiran pisi cosaskunallata utilizaspa wañupusqanta yuyarinankupaqmi. Chaymantapachan janaq pachapaq ajllasqa cristianokunaqa sapa wata Jesuspa kamachisqanta kasukushanku. Wakinqa imaymana sasachakuypi tarikuranku wakintaq carcelpi tarikuranku, chaywanpas atirankun Jesuspa wañupusqanta yuyarinapaq juñunakuy ruwayta (Apo. 2:10).

15, 16. ¿Imaynatan wakin cristianokuna sasachakuypi tarikuspapas Jesuspa wañupusqanta yuyariranku?

¹⁵ Kay tiempokunapipas cheqaq cristianokunaqa tukuy atisqankutan ruwaranku Jesuspa wañupusqanta yuyarinankupaq. Kallpachakunkun Jesuspa kamachisqanman jina ruwanankupaq mayninpi sasaña kaqtinpas. Harold King hermanonchismanta rimasun. Payqa China nacionpi carcelpi wisq’asqa tarikuran, manan piwanpas rimayta atiranchu. Chaywanpas Jesuspa wañupusqanta yuyarinanpaqmi mana piqpa rikusqallan alistaran t’antata vinotapas. Jinaspa tantearan ima p’unchaypis chayta ruwanan karan chayta. Chay tutataq sapallanpi takiran, Diosmanta mañakuran, discursotapas qoran.

¹⁶ Segunda Guerra Mundial nisqapin juj grupo hermanakuna campopi carcelpi jina wisq’asqa kasharanku. Chaypin mana reparachikuspalla Jesuspa wañupusqanta yuyariranku. Paykunan niranku: “Juch’uy mesapin yuraq pañota mast’arayku chaypin t’antata vinotawan churarayku. Mana reparawanankupaqtaq velakunata k’anchachirayku  [...]. Chaypin jujmanta prometekurayku tukuy sonqowan Jehová Diospa sutinta jatunchanaykupaq”, nispa. Allin iñiyniyoq kasqankutan rikuchiranku. Chhayna sasachakuypi tarikuspapas Jesuspa wañupusqanta yuyarinapaq juñunakuyta ruwayta atisqanchisqa allinpunin, chaypin rikunchis Jesús munakuq kasqanta.

17. ¿Imakunatan tapukunanchis?

¹⁷ Jesuspa wañupusqanta yuyarinanchispaq p’unchay manaraq chayamushaqtinmi kaykunata tapukunanchis: “¿Imaynatan Jesús jina munakuyniyta rikuchiyman? ¿Noqapiraqchu piensani icha hermanoykunaq necesitasqanpichu? ¿Kusikunichu imachus ruway atisqankuwan? ¿Yachanichu maykamalla imatapas ruway atisqankuta?”, nispa. Llapanchispas Jesús jina khuyapayakuqmi kananchis (1 Ped. 3:8).

18, 19. a) ¿Imatan mana qonqasunchu? b) ¿Imata ruwananchispaqmi kallpachakunanchis?

¹⁸ Jamuq tiempomanqa manañan Jesuspa wañupusqan p’unchayta ruwasunñachu. Jesusqa manchay ñak’ariy tiempopin kay pachapiraq kaq ajllasqa cristianokunata janaq pachaman apapunqa. Chay qhepamanqa manañan Jesuspa wañupusqan p’unchayta ruwasunñachu (1 Cor. 11:26; Mat. 24:31).

¹⁹ Señorpa cenanta manaña ruwasunchu chaypas, manan qonqasunchu Jesuspa humilde, mana manchakuq, munakuq kasqanta. Señorpa cenanta ruwaqkunaqa willanqakuchá chay tiempopi kausaq runakunaman imaynatas chay juñunakuy ruwakuran chayta. Chayqa yanapanqachá paykunata. Kay tiempopi Señorpa cenan beneficiawananchispaqqa kallpachakunanchismi Jesús jina humilde, mana manchakuq, munakuq kanapaq. Chayta ruwasun chayqa Jehová Diosqa bendeciwasunmi (2 Ped. 1:10, 11).