KENNETH COOK, HIJO hermanonchismi umalliq t’aqapi nombrasqa karan. Chaytan willakuran 2018 watapi 24 enero miércoles p’unchayta Estados Unidos, Canadá Betel wasikunapi.

Hermanonchisqa Pensilvania llaqtapin naceran (Estados Unidos). Colegionta tukunanpaqña kashaqtinmi compañeron Jehová Diosmanta yachachiran, jinaspa 1980 watapi 7 junio p’unchaypi bautizakuran. 1982 watapitaq 1 setiembre killapi tukuy tiemponwan Jehova Diospaq llank’ayta qallariran. Iskay wata qhepamantaq Betelpi llank’ananpaq invitaranku. Jinan 1984 watapi 12 octubre p’unchaypi Wallkill nisqa Betelpi llank’ayta qallariran (Nueva York).

Hermanonchisqa askha asignacionkunapin llank’aran, imprentapi jujkunapipas. 1996 watapin Jamie sutiyoq hermananchiswan casarakuran, Wallkill nisqa Betelpitaq llank’ashallaranku. 2009 watapitaq diciembre killapi ripuranku Centro Educativo de la Watchtower nisqaman (Patterson), chaypin hermanonchisqa llank’aran Redacción, departamento de Correspondencia nisqapi. 2016 watapitaq pisi tiempolla kutiranku Wallkill nisqa Betelman, chay qhepamantaq Brooklyn nisqa Betelman asignasqa karanku. Pisqa killa qhepamantaq Warwick nisqaman ripuranku. 2017 watapitaq hermanonchista niranku umalliq t’aqaq jujnin yanapaqnin kananpaq.