Arí. Yuyaypichus kuska qhepakunkuman karan chayqa Diospa siminman jinan juzgasqa kananku. Iskaynillankutaq karanku chayqa yaqapaschá ima juchatapas ruwaranku (1 Cor. 6:18).

Ichaqa umalliqkunan chaytaqa qhawarinanku. Paykunañan decidinanku juzgasqachus kanqaku icha manachus chayta. Chaypaqqa yaqapaschá kay tapuykunapi piensankuman: ¿Reqsinakusharankuchu? ¿Qorankuchu umalliqkuna ima consejotapas imaynachus paykunapurapi trato kasharan chaymanta? ¿Ñaupaqmantañachu rimanakuranku chay tuta kuska qhepakunankupaq? ¿Yuyaypichu kuska qhepakuranku icha imachu razón karan kuska qhepakunankupaq? (Ecl. 9:11.) ¿Kuskachu puñuranku icha t’aqanasqachu? Imaymanakunan motivo kan imapas pasananpaq, chaymi umalliqkunaqa allinta chaykunata t’aqwirinanku.

Chaykunata allinta qhawarispañan umalliqkunaqa decidinanku juzgasqachus kanqaku icha manachus chayta.