1, 2. ¿Ima ruwaytan atinchis Jehová Diosta astawan reqsispa? Juj ejemplota willay.

JUCH’UY wawaman regalota pipas qoqtinqa, tayta-mamanmi nin: “Gracias niy”, nispa. Wawaqa astawanqa chayta nin tayta-mamanta kasukuspan. Wiñaspan ichaqa entienden imaraykus agradecido kayqa allinpuni kasqanta. Jinan payqa sonqomanta pitapas agradecekun imatapas paypaq ruwapuqtinkuqa.

² Chhaynallataqmi pasan cristianokunawanpas. Jehová Diosmanta yachayta qallarishaspaqa yacharanchismi Diospa kamachikuyninkuna kasukuyta. Jehová Diosta astawan reqsispan ichaqa yacharanchis pay jina piensayta, imachus kusichisqanta, imata cheqnikusqantapas. Sichus Diospa munasqanman jina imatapas decidinchis imatapas ruwanchis chayqa, Jehová Dios jinan piensashanchis.

3. ¿Imaraykun sasa kanman Dios jina piensay?

³ Maytan kusikunchis Jehová Dios jina piensaspaqa, ichaqa juchayoq kasqanchisraykun sasa chayta ruway.  Ejemplopaq, yachanchismi imaynatachus Diosqa qhawarin qhelli kausayta, qhapaq kayta, predicayta, yawarta, jujkunatapas. Chaywanpas sasatan entiendenchis imaraykuchus Diosqa chhaynata qhawarisqanta. Chhaynaqa, ¿imaynatan yachasunman Dios jina astawan piensayta? ¿Imaynatan yanapawasunman kunanpas jamuq tiempopipas allinta decidinapaq?

4. ¿Imaynatan yuyayninchista mosoqyachisunman?

⁴ (Leey Romanos 12:2). Chay textopin apóstol Pablo willawanchis imatas ruwananchis Jehová Dios jina imatapas qhawarinanchispaq. Niranmi: “Amataq kay pacha runakuna jinachu kausaychis”, nispa. Ñaupaq estudiopin yacharanchis imaynatas runakunaq piensasqanmanta cuidakusunman chayta. Pabloqa nillarantaqmi yuyayninchista mosoqyachinanchis kasqanta. Chaypaqqa Bibliata estudiaspan entiendenanchis Diospa piensasqanta, kallpachakunanchistaq pay jina imatapas qhawarinanchispaq.

5. ¿Iman estudiay?

⁵ ¿Iman estudiay? Estudiayqa manan leeyllachu nitaq tapuykunaq kutichiyninta marcayllachu. Estudiaspaqa tapukunanchismi: “¿Imatan kaypi yachasqay Diosmanta yachachiwan? ¿Imaraykun Jehová Dios chayta ruwaran?”, nispa. Chaymantapas entiendenanchismi imaraykuchus wakin ruwaykunata jark’awasqanchista, imaraykutaq munan wakin ruwaykunata ruwananchistapas. Jinaspapas yachasqanchisman jinan cambiananchis piensasqanchista ruwasqanchistapas. Yaqapaschá mana llapa chaykunatachu ruwasun sapa kuti estudiaspa, chaywanpas tiempotan orqonanchis estudiasqanchispi piensananchispaq (Sal. 119:97; 1 Tim. 4:15).

6. ¿Iman kanqa Bibliaq yachachisqanpi piensaqtinchis?

⁶ ¿Iman kanqa sapa kutilla Bibliaq yachachisqanpi piensaqtinchis? Astawanmi convencekusun Diospa piensasqan allinpuni kasqanmanta. Entiendesunmi imaynatachus Jehová Dios imatapas qhawarisqanta, jinaspa pay jina piensasun. Chay jinaqa yuyayninchista mosoqyachispan pisi-pisimanta Jehová Dios jina piensayta qallarisun.

7, 8. a) ¿Imaynatan Jehová Dios qhawarin imaymanayoq kayta? (27 paginapi dibujokunata qhaway.) b) Dios jina piensasun chayqa, ¿iman noqanchispaq aswan importante kanqa?

⁷ Imayna piensasqanchisman jinan ruwanchis (Mar. 7:21-23; Sant. 2:17). Chayta astawan entiendenapaq kinsa ejemplokunata qhawarisun. Ñaupaqta qhawarisun Jehová Dios imaynatas qhawarin imaymanayoq kayta. Diospunin Joseta Mariatawan ajllaran wawan Jesusta uywanankupaq, paykunaqa wajcha runakunan karanku (Lev. 12:8; Luc. 2:24). Biblia nisqan jina, Mariaqa Jesusta onqokuspan “uywa qaranaman churaykuran, alojakunankupaq manaña campo kasqanrayku” (Luc. 2:7). Jehová Diosqa atinmanmi karan wawan allin lugarpi nacenanta. Paymi ichaqa munaran  Dios serviyta ñaupaqman churaq familia ukhupi wiñananta.

⁸ Chay willakuypin yachanchis imaynatachus Diosqa imaymanayoq kayta qhawarisqanta. Wakin tayta-mamakunaqa wawankuman imaymanata qonankupaqmi astawanqa llakikunku, chay jawa wawanku iñiyninkupi chiriyapunkumanña chaypas. Diosmi ichaqa munan paywan allinpi kananchista, chaymi paypaqqa aswan importante. ¿Dios jinachu qanpas chayta qhawarinki? ¿Imatan rikuchin ruwasqayki? (Leey Hebreos 13:5.)

9, 10. ¿Imaynatan rikuchisunman Jehová Dios jina jujkuna urmachiyta juchapaq qhawarisqanchista?

⁹ Kunanqa yachasun imaynatas Dios qhawarin jujkuna urmachiyta. Chaytaqa ruwasunman paykunata juchallichispa otaq Dios servinankuta tatichispa. Jesusmi niran: “Pitaqchus noqapi iñiq kay juch’uykunamanta jujninta urmachinman chayqa, aswan allinmi paypaqqa kanman asnoq muyuchisqan molino rumita kunkanman warkuruspa lamar-qocha ukhuman wijch’uykusqa kaynin”, nispa (Mar. 9:42). Jesusqa sut’itan rikuchiran jujkunata urmachiyqa jatun jucha kasqanta. Jehová Diospas jatun juchapaqmi qhawarin imachus ruwasqanchiswan hermanonchis urmachiytaqa (Juan 14:9).

¹⁰ ¿Jehová Dios jinachu Jesús jinachu noqanchispas jujkuna urmachiyta juchapaq qhawarinchis? ¿Imatan rikuchin ruwasqanchis? Ejemplopaq, yaqapaschá kusisqa kashanchis imayna p’achakusqanchiswan allichakusqanchiswanpas. Ichaqa, ¿imatan ruwananchis wakin hermanonchiskuna chaywan mal sientekuqtinku? Hermanonchiskunata munakusqanchisraykun manaña chhaynata p’achakunanchischu nitaq allichakunanchispaschu (1 Tim. 2:9, 10).

11, 12. Controlakuq kaypas, mana allin ruwaykunata cheqnikuypas, ¿imaynatan yanapawanchis?

¹¹ Kunanqa rimasun Jehová Dios mana allin ruwayta cheqnikusqanmanta (Is. 61:8). Diosqa yachanmi juchayoq kasqanchisrayku noqanchispaq mayninpi allin kaqta ruway sasa kasqanta. Chaywanpas kamachiwanchismi pay jina mana allin kaqta cheqnikunanchispaq (leey Salmos 97:10). Sichus entiendesun imaraykuchus mana allin kaqta cheqnikusqanta chayqa, pay jinan rechazasun mana allin kaqta.

¹² Sichus mana allin kaqta cheqnikuyta yachasun chayqa, facil-llatan reparasun wakin ruwaykunapas mana allin kasqanta manaña Bibliapi willaqtinpas. Ejemplopaq, wakin tusuykunaqa qhelli ruwaykunawanmi mezclasqa kashan, chay tusuykunan astawan kay tiempopi rikukushan. Wakin runakunaqa ninkun: “Chayqa  manan qhelli juchata ruway jinachu, chaymi tusullani”, nispa. * Jehová Diosri, ¿chhaynatachu qhawarin? Yachasqanchis jina Diosqa tukuy mana allin ruwaykunatan cheqnikun. Chhaynaqa karunchakusun mana allin ruwaykunamanta, chaypaqqa yachananchismi controlakuyta, cheqnikunanchistaq mana allin ruwaykunatapas (Rom. 12:9).

13. ¿Imaraykun ñaupaqmantaña entiendenanchis imaynatas Jehová Dios imatapas qhawarisqanta?

¹³ Bibliata estudiaspaqa entiendenanchismi imaynatas Jehová Dios imatapas qhawarisqanta, chaymi yanapawasun allinta decidinanchispaq. Chayta ruwaqtinchisqa qonqaylla imatapas decidinanchis kaqtinpas allintan decidisun (Prov. 22:3). Astawan entiendenapaq Bibliamanta wakin ejemplokunata qhawarisun.

14. ¿Imatan yachanchis Josepa ejemplonmanta?

¹⁴ Joseta Potifarpa esposan paywan puñunanpaq niqtinmi payqa kaq pacha rechazaran. Jehová Diosqa manan munanchu casado kausaypi pantay kananta, chaytan Joseqa allinta entienderan (leey Génesis 39:8, 9). Chaymi Potifarpa esposanta niran: “¿Imaynan kay sinchi mana allinta ruwaspa Dios contra juchallikuyman?”, nispa. Noqanchisri, ¿imatan ruwasunman llank’ananchispi compañeronchis coqueteawaqtinchis? Otaq, ¿celularninchisman qhelli ruwaykuna chayamuqtin? * Sichus ñaupaqmantaña entiendenchis imaynatas chay ruwaykunata Dios qhawarisqanta, decidisqataq kashanchispas chayman jina ruwananchispaq chayqa, allintan decidisun.

15. ¿Imaynatan kinsa hebreo waynakuna jina junt’aq sonqo kasqanchista rikuchisunman?

¹⁵ Kunanqa yachasun Sadrac, Mesac, Abednego hebreo waynakunamanta. Rey Nabucodonosormi paykunata kamachiran qorimanta ruwasqa idolota adoranankupaq, paykunan ichaqa manapuni munarankuchu. Mana iskayaspa kutichisqankuwanmi rikuchisharanku ñaupaqmantaña Jehová Diosllata adoranankupaq decidisqa kasqankuta (Éx. 20:4, 5; Dan. 3:4-6, 12, 16-18). Qanri, ¿imatan ruwawaq pantasqa fiestapaq jefeyki qolqeta mañasuqtiyki? Sichus ñaupaqmantaña yachanki imaynatas Jehová Dios chayta qhawarisqanta chayqa, allintan decidinki. Chhaynapin chay hebreo waynakunaq ejemplonta qatikushanki.

16. Sichus Jehová Diospa piensasqanta entiendenchis chayqa, ¿imaynatan yanapawasun emergenciapi kashaspa?

¹⁶ Jehová Dios imaynatas imatapas qhawarisqanta  entiendesun chayqa, yanapawasunmi emergenciapi tarikuqtinchispas. Decidisqan kashanchis yawarta otaq yawarpa tawa importante partenkunata ama churachikunanchispaq. Chaywanpas wakin tratamientokunapin yawarninchista utilizanku, chaytaqa sapanka cristianon decidinan (Hech. 15:28, 29). ¿Ima ratopin chayta decidina? Manan allinchu kanman hospitalpi grave kashaspa chayta decidiyqa. Aswanpas ñaupaqmantañan decidinanchis, chaypaqqa allinta investigaspan juj documentopi sut’ita willananchis imatas aceptasunman chayta, doctorninchis kaqtinqa paymanmi chayta willananchis. *

17-19. ¿Imaraykun ñaupaqmantaña yachana imaynatas Jehová Dios imatapas qhawarisqanta? Juj ejemplota willay.

¹⁷ Apóstol Pedron juj ladoman Jesusta pusaspa niran: “Señor, qan kikiykita khuyapayakuy, qanqa manapunin imaraykupas chhaynapiqa tarikunkichu”, nispa. Chay consejoqa manan allinchu karan. Bibliapi profeciakunaq willasqanman jina Jesusqa runakunaraykun wañunan karan chaytataqmi Jehová Diospas munaran. Jesusqa allintan chayta yacharan, chaymi payqa decidisqa kasharan Jehová Diosta kasukunanpaq runakunarayku vidanta qonanpaqpas (leey Mateo 16:21-23).

¹⁸ Diosqa munanmi paypa amigon kananchista, tukuy atisqanchisman jina allin willakuykunata willananchistapas (Mat. 6:33; 28:19, 20; Sant. 4:8). Wakin runakunan ichaqa noqanchismanta preocupakuspa niwasunman ama tukuy sonqowan Diosta servinanchispaq. Ejemplopaq, mayninpin jefenchis sueldonchista yapayta munawasunman, ichaqa chayta aceptaspaqa pisillañan tiemponchis kanman juñunakuyman predicacionman rinapaqpas. Wayna-sipaskunamanpas  munachinkumanmi aswan allin escuelapi estudianankupaq, chayta decidispaqa wasinkumantan ripunanku kanman. ¿Chay jina situacionpi tarikusparaqchu Diosmanta mañakunanchis, familianchiswan, umalliqkunawanpas rimananchis? Aswan allinqa kanman ñaupaqmantaña imaynatas Jehová Dios chaykunata qhawarisqanta yachaymi. Chayta ruwaspaqa manan faciltachu urmasun chay jina tentacionkunapi tarikuqtinchis.

¹⁹ Yaqapaschá juj situacionkunapi tarikuspapas iñiyninchispi probasqa kasunman. Manaña llapanpaqchu preparasqa kasunman chaypas, sichus Bibliata estudiaspa piensasun imaynatas Jehová Dios imatapas qhawarisqanta chayqa, facil-llatan yuyarisun yachasqanchista allintataq decidisun ima pruebapiña tarikuqtinchispas. Chay jinaqa kallpachakusun Jehová Diospa imayna piensasqanta yachanapaq, jinaspapas piensananchismi imaynatas yanapawasunman kunanpas jamuq tiempopipas allinta decidinapaq chaypi.

20, 21. a) ¿Imaraykun mana tukuy ima munasqanchistachu ruwasun mosoq pachapi? b) ¿Imata ruwaspan kunanpas libre kasunman?

²⁰ Maytan munanchis sumaq kausay chayamunanta. Yaqa llapanchistaqmi suyakushanchis paraisopi kausayta. Diospa gobiernonqa librawasunmi kay pachapi tukuy mana allin ruwaykunamanta. Jinaspapas chay tiempopiqa libren kasunchis munasqanchista ruwananchispaq.

²¹ Ichaqa manan tukuy ima munasqanchistachu ruwasun. Chay tiempopi tiyaq llamp’u sonqo runakunaqa imachus allin kasqanta mana allin kasqanta decidinankupaqqa Diospa piensasqanta kamachikuyninkunatawan respetaspan decidinqaku. Chayta ruwaspaqa kusisqa thajpi iman kausanqaku (Sal. 37:11). Kunan tiempopipas atisunmanmi kusisqa kayta Diospa qhawarisqanta jina imatapas qhawarispa.