Juj casarasqa iñiqmasinchiskunan sapa p’unchay iñiqmasinchiskunaq vidanmanta willakusqankuta leenku, paykunan ninku: “Chay leesqaykun anchata kallpachawanku sonqochawanku ima. Chaykunan yanapawanku ima sasachakuypiña tarikuspapas junt’aq sonqollawan Jehová Diosta servinaykupaq”, nispa. Juj hermananchismi nillantaq: “Hermanokunaq willakusqankuqa sonqoymanraqmi chayawan. Sasachakuypiña tarikurqanku chaypas kusisqan kunanqa kashanku. Chaymi kallpachawan astawan Diosmanta runakunaman yachachishanallaypaq, wawaykunatapas Jehová Diosta servinankupaq yanapanaypaq”, nispa.

Iñiqmasinchiskunaq vidanmanta willakusqankuqa yanapawasunmanmi noqanchistapas vidanchista cambiananchispaq, ima sasachakuytapas kusisqalla aguantananchispaq, Diospa gobiernontapas ñaupaqta maskhananchispaq. ¿Maypin tarisunman chay yachachikuykunata?

• Jaykuy jw.org nisqaman otaq JW Library® nisqamanpas, jinaspa maskhay “Biblioteca” “Catálogo de artículos” “Biografías de testigos de Jehová” nisqata.

• Jaykuy BIBLIOTECA EN LÍNEA Watchtower^™ nisqaman, jinaspa maskhay “Biografías de testigos de Jehová” nisqata.