Cheqaq yachay karu llaqtakunaman chayan

TUVA llaqtan tarikun Rusia suyupi, Mongolia nisqa suyuq ladollanpi. Tuva llaqtapiqa askha runakunan karu llaqtachakunapi tiyanku, chaymi manaraq chay llaqtakunaman Diospa simin chayanchu. Ichaqa huk kutinmi Kyzyl llaqtapi aparikusqa huk huñunakuy chaymanmi risqaku chay llaqtachakunamanta runakuna. Chay llaqtapi tiyaq María sutiyoq precursoran chay runakunaq rinanta yachaspa Diosmanta predicayta munasqa.

Chaymantan María willakun: “Llank’asqay escuelapin aparikunan karan viciokunamanta rimanankupaq huñunakuy. Chay llaqtachakunamantan pisqa chunka runakuna hina chaypi huñunakunanku karan. Paykunawanmi hamuranku profesorkuna, psicólogo runakuna, wawakunaq allinninta qhawariq inspector nisqakunapas”, nispa. Maytan Mariaqa munaran chay runakunaman predicayta, ichaqa sasan paypaq karan, ¿imarayku? Paymi willakun: “Manchalin kani, chaymi manchakuni sapallaypi predicayta. Ichaqa Jehová Diosmantan mañakurani mana manchakuspa chay runakunaman predicanaypaq”, nispa. ¿Iman qhepaman karan?

Marian nillantaq: “¡Despertad! revistapin tarirani sinchi manchakuymanta willaq yachachikuyta, chaymi nirani: ‘Kay revistataqa munankumanmi psicólogo runakuna’, nispa, chaymi escuelaman aparani. Chay p’unchaymi huñunakuypi kaq profesora oficinayta hamuran hinan chay revistata payman qorani. Kusisqa chaskikuspan niwaran: ‘Ñoqapas sinchi manchakuqmi kani’, nispa. Qhepa p’unchayta Lo que los jóvenes preguntan. Respuestas prácticas, (volumen 1) nisqa librota apaqtiypas kusisqan chaskikullarantaq. Chayta rikuspan nirani: ‘Huk profesorkunapas munankumanmi’, nispa. Chaymi Los jóvenes preguntan librota huk qelqakunatawan huk cajapi hunt’ata escuelaman aparani”, nispa. Manaraq imapin qelqakuna tukurakapusqa. Marian nillantaq: “‘¿Maypin librokunata qoshanku?’ nispa tapukuspan oficinayta hamusqaku rimasqay profesoraq llank’aqmasinkuna”, nispa. ¡Maypichus rakikusqanmanpunin risqaku!

Chay huñunakuyqa sábado p’unchaytan tukupunan karan. Chay p’unchayqa manan María llank’aranchu chaymi oficinanpi kaq mesakunapi askha revistakunata saqeran, pizarrapitaq kayta qelqaran: “Respetasqa profesorkuna: Munaspaqa apakuychis kay qelqakunata qankunapaq amigoykichiskunapaqpas. Kay qelqakunaqa llank’anaykichispin yanapasunkichis, familiaykichistapas allintan yanapanqa”, nispa. ¿Iman chaymanta karan? Marian nin: “Chay p’unchaymi oficinayta rirani, chaypi saqesqay qelqakunaqa pisillañan kashasqa. Chayta qhawarispan astawan apamurani librokunata revistakunata ima”, nispa. Mariaqa chay huñunakuypin 380 revistakunata, 173 librokunata, 34 folletokunatawan rakisqa. Chay huñunakuyman riq runakunan llaqtankuman apakusqaku qelqakunata. Marian nillantaq: “Maytan kusikuni cheqaq yachachikuymanta muhukuna Tuva llaqtapi kaq hawa llaqtachakunaman chayasqanmanta”, nispa (Ecl. 11:6).

[32 paginapi mapa]

(Imaynapuni kasqanta yachanaykipaq, qelqata qhaway)

RUSIA

REPÚBLICA DE TUVA