¿Yuyashankichu?

¿Leerqankichu kay killakunapi chayamuq Qhawaq revistakunata? Chhayna kaqtinqa, ¿kutichiwaqchu kay tapuykunata?

• ¿Imanaqtinmi Mesías wañunan karqan?

Mana huchayoq runaqa, hatun pruebakunapiña tarikuspapas, atinmanmi Dios sonqolla kayta, chayta rikuchinanpaqmi Mesiasqa wañurqan. Chaymantapas payqa wañurqan huchamanta kacharichiwaspanchis wiñay kawsay ñanman pusawananchispaqmi (15/12, páginas 22, 23).

• ¿Imaynatan wawakunawan allinta parlasunman?

Chaypaqqa manan parlayllachu parlana. Aswanmi tapunanchis, hinaspa pacienciawan uyarinanchis. Wakin tayta-mamakunaqa mikhunanku horastan aprovechanku wawankuwan sumaqta parlarinankupaq (15/1, páginas 18, 19).

• ¿Huk cristianomasinchis wakmanta bautizakunmanchu?

Arí, kanmanmi chayqa. Sichus bautizakushaspa mana chaypaq hinaraqchu kasharqan, otaq ima hatun huchatapas pakallapi ruwasharqanraq chayqa, wakmantan bautizakunman (15/2, página 22).

• Trigomanta chirisuela qoramanta rikch’anachiypi, ¿imatan yachanchis allin muhu t’akakusqanmanta?

Runaq Churin Jesucriston kay pachapi predicaspa “chakrata” prepararqan. Allin muhuqa t’akasqa karqan 33 watapi Pentecostés fiestamantapachan, chay watamantapachan santo espirituwan akllakushan ‘hanaq pacha qhapaqsuyu wawakunata’ (15/3, página 20).

• Jesusmi rikch’anachiypi willarqan taqepi trigota taqenamanta, ¿ima ninantan chaywan nisharqan? (Mat. 13:30.)

Tukukuy tiempo qallarisqan qhepallamanmi trigo hina kaq cristianokunata huñuyta qallarikurqan. Chay cristianokunaqa hanaq pachapaqmi akllasqa kanku, Jehová Diospa taqenmantaq huñusqa kanku maypachachus wakmanta rikhuriq Diospa llaqtanman haykuqtinku, otaq hanaq pachaman ripuqtinkupas (15/3, página 22).

• ¿Pin akllarqan mayqen librokunachus Griego Rimay Qelqakunapi kananpaq?

Manan Iglesia Catolicachu chaytaqa akllarqan, nitaq mayqen religionpi umalliq runapaschu. Aswanmi cheqaq cristianokuna Diospa espiritunpa yanapayninwan yacharqanku mayqen qelqakunachus Diosmanta hamusqanta. Paykunaqa santo espiritumantan chaskirqanku ‘imaymana atiy qokuykunata’, chhaynapi Diospa Simin Qelqakunata reqsirqonankupaq (1 Cor. 12:4; 1/4, página 28).