Kaqninchiskunata Jehová Diosman qosun

ANCHATAN agradecekunchis pipas yanapawaqtinchisqa. Chaytan ruwarqanku Israel soldadokunaq umallinku, Madián soldadokunata maqanakuypi atipanankupaq Jehová Dios yanapaqtin. Chay maqanakuymi aparikurqan Israel runakuna Baal-peor diosta yupaychaspanku qhelli huchaman urmasqanku qhepata. Jehová Diosmi yanaparqan atipanankupaq. Madián runakunaq kaqninkuta apamusqankutan rakinakurqanku 12.000 soldadokuna llapa Israel runakunapiwan. Chaymantataq Diospa nisqanman hina soldadokunaqa partenkumanta qorqanku sacerdotekunaman, wakin Israel runakunataq Leví ayllu runakunaman (Núm. 31:1-5, 25-30).

Soldadokunata umalliqkunan ichaqa astawan qoyta munarqanku. Moisestan nirqanku: “Ñoqayku kamachiykikunan kamachisqayku soldadokunata watukuyku, manan hukpas wañunkuchu, llapanmi kashanku”, nispa. Chaymi Jehová Diosman ofrendata aparqanku qorimanta alhajakunata  hukkunatawan, llapanqa pesarqan 190 kilo hinan (Núm. 31:49-54).

Kunanpas cheqaq cristianokunaqa agradecekunchismi Jehová Diosta ñoqanchisrayku imaymana ruwasqanmanta. Ichaqa manan ñoqallanchischu. Huk chofermanta yachasunchis. Paymi 2009 watapi Italia nacionpi (Bolonia) huk t’aqa Testigokunata carropi estadioman aparqan hatun huñunakuyninkuman, tukupuqtintaq kutichimpullarqantaq. Chay runaqa munayllatan manejarqan sumaq sonqo runataq karqan, chaymi iñiqmasinchiskunaqa agradecekuymanta huk tarjetata paypaq qelqarqanku, qolqetapas propinanpaq huñurqanku ¿Imatapunin Biblia yachachin? nisqa librotawan qonankupaq. Chay runataq nirqan: “Tarjetatawan librotawanqa hap’ikusaqmi, qolqetan ichaqa kutichipusqaykichis llank’ashasqaykichispi imallapipas yanapakunaypaq. Reparanin runakunata munakuspa Diosmanta yachachisqaykichista, chaymi yanapayta munaykichis manaña Testigochu kani chaypas “, nispa.

Jehová Dios ñoqanchisrayku imaymana ruwasqanmantan agradecekusunman pachantinpi predicakunanpaq donacionkunata churaspa (Mat. 24:14). Qatiqnin recuadropin willakushan imaynata donacionkunata qosunman chayta.

[20, 21 paginakunapi recuadro]

¿IMAYNATAN DONACIONTA QOSUNMAN

DIOSPA LLANK’AYNIN ÑAWPARINANPAQ?

Askha iñiqmasinchiskunan sapa killa qolqenkuta t’aqanku “caja de contribuciones para la obra mundial” nisqaman churanankupaq.

Llapa iñiq t’aqakunan sapa killa apachinku chay donacionkunata llaqtankupi kaq sucursalman. Donacionta churay munaqkunaqa apachillankumantaqmi kay direccionman: Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, nisqaman. (Qatiqninpin willakushan askha clase donacionkunamanta, chaykunatapas sucursalmanmi apachikunman.) Cheque nisqatachus apachinqaku chayqa, chaypin churananku “Asociación de los Testigos de Jehová” nispa. Chaymantapas qollankumantaqmi alhajakunata otaq valorniyoq kaqninkunatapas. Ichaqa huk cartatan qelqananku, chaypitaq ninanku: “Kay donaciontaqa qoshani mana imata chaskinayraykun”, nispa.

DONACIONES CONDICIONALES

Asociación de los Testigos de Jehová nisqapaqmi fideicomiso nisqapi churawaq qolqeta, chaytan utilizankuman pachantinpi predicación astawan yapakunanpaq, ichaqa chay qolqetaqa chaskikapullawaqmi sichus necesitanki chayqa. Astawan chaymanta yachanaykipaqqa kay telefonoman waqyawaq (01) 434-1474, otaq ñawpaqpi kaq direccionmanpas qelqawaq.

DONACIONES PLANIFICADAS

Donaciones monetarias incondicionales, nisqamantapas kanmi hukniraymanta Diospa Gobiernonmanta predicayman kaqninchiswan yanapakunapaq, chaykunan kaykuna:

Seguros. Chay segurokunataqa Asociación de los Testigos de Jehová nisqamanmi qokunman. Chaykunaqa seguro de vida otaq plan de jubilación nisqakunan kanman.

Cuentas bancarias. Certificados de depósito, cuentas bancarias, cuentas personales de jubilación nisqatapas churakunmanmi fideicomiso nisqapi Asociación de los Testigos de Jehová nisqapaq; otaq wañupuqtin chaykunata chaskikapunman chay asociación, llaqtanchispi leyes bancarias nisqanman hina.

Acciones, bonos. Chaykunatan qokunman Asociación de los Testigos de Jehová nisqapaq. Chaymantapas qokunmanmi transferencia por fallecimiento nisqata.

Inmuebles. Qonkumanmi wasinkutapas, otaq chayllapiraq tiyashanku chayqa, ninkumanmi: “Wañukapuqtiyñan wasiyta hap’ikapunkichis”, nispa. Manaraq chayta ruwashaspaqa llaqtaykipi sucursaltan waqyawaq.

Donaciones con renta. Donación con renta nisqaqa Jehová Diospa testigonkunaq huknin corporacionninman fondos otaq títulos valores nisqakunata qoymi. Chayta qoqqa (otaq paypa rantinpi churasqa kaqqa) sapa watanmi anualidad vitalicia nisqata chaskin. Chhayna donación qoqkunaqa aswan pisitan impuesto a la renta nisqata paganku, qosqanku watapi.

Testamentos, fideicomisos. Notariowan qelqachispa huk testamentota ruwakunman chhaynapi Asociación de los Testigos de Jehová nisqa ima kaqniykitapas otaq qolqeykitapas herenciata hina chaskinanpaq, otaq chay asociacionta nombrawaq convenio de fideicomiso nisqamanta gananciata chaskinanpaq. Huk religionrayku fideicomiso nisqata ruwaqqa aswan pisitan paganku gobiernoman impuestokunata.

“Donaciones planificadas” nisqata ruwanapaqqa allintan ñawpaqmanta yuyaykuna. Chhayna donacionkunawan Jehová Diospa testigonkunaq llank’ayninpi yanapayta munaqkunapaqmi ruwakun Donaciones planificadas para favorecer el servicio del Reino en todo el mundo nisqa folletota, chayqa inglés, español rimaypin kashan. Chaypin allinta willakushan imaynatachus donacionkunata otaq ima kaqniykikunatapas qowaq chayta. Askhan chayta leespa, abogadonkunawanpas allinta rimanakuspa Jehová Diospa testigonkunaq llank’ayninta yanaparqanku, chay ruwasqankumantataq beneficios fiscales nisqata chaskirqanku.

Chaymanta astawan yachayta munanki chayqa, tapukuwaqmi kayman:

Asociación de los Testigos de Jehová

Jr. El Cortijo 329, Lima 33

Teléfono: (01) 434-1474.