¿Yuyashankichu?

¿Leerqankichu kay killakunapi chayamuq Qhawaq revistakunata? Chhayna kaqtinqa, ¿kutichiwaqchu kay tapuykunata?

• ¿Amuletota hinachu cristianokuna Diospa sutinta qhawarinku?

Wakin runakunaqa imaymana amuletotan hap’inku ima mana allinmantapas pakaykusqa kanankupaq. Cristianokunaqa manan amuletota hinachu Diospa sutinta qhawarinchis. Aswanmi paypi iñinchis, kallpachakunchistaqmi munayninta ruwanapaq. Chayta ruwaspan Diospa sutinpi pakakunchis (Sof. 3:12, 13) (15/1, 5, 6 paginakuna).

• ¿Imaraykun Jehová Dios Saulta rey kasqanmanta wikch’urqan?

Saulqa Diospa profetantan suyanan karqan sacrificiota haywananpaq, ichaqa mana kasukuspan pay kikin haywarqan. Huk kutinpipas manan kasukurqanchu huk llaqtapi millay runakunata wañuchinanpaq Diospa kamachisqanta (15/2, 22, 23 paginakuna).

• ¿Imaynatan rikuchisunman mana chaninkaqta cheqnikusqanchista?

Tragota ama nishuta ukyaspa, millay espiritukunamanta karunchakuspa, Jesuspa willasqan qhelli hucha ruwaymanta karunchakuspa ima. Chaypaqqa manapunin millay qhelli ruwaykunata qhawananchischu, mana chayqa chaykunan sonqonchispi saphichakunman (Mat. 5:27, 28). Chaymantapas manan Diospa llaqtanmanta qarqosqa runakunawan huñunakunachu (15/2, 29-32 paginakuna).

• ¿Imaynapin Jeremías ‘mayu patapi wiñaq sach’a hina karqan, unu ukhumanpas saphiykurqan’? (Jer. 17:7, 8.)

Jeremiasqa manan predicacionninta saqerqanchu runakunaña asipayarqanku chaypas. Payqa kawsay unuta qoq Diosmantan tukuy sonqowan hap’ipakurqan, paypa nisqanman hinataqmi imatapas ruwarqan (15/3, 14 página).