Leeqkunaq tapukusqan

¿Imatan ruwayman Bibliata leeshaqtiy ima tapukuyniypas kaqtin, otaq ima sasachakuyniypaqpas yanapayta necesitaqtiy?

Proverbios 2:1-5 texton kallpachawanchis “chaniyoq pakasqa illakunata” hina, yachayta reparaq kaytapas maskhanapaq. Chaypaqqa kallpachakunanchismi Bibliamanta tapukuyninchiskunaman, hinallataq ima sasachakuyninchis kaqtin kutichiykunata maskhanapaq. ¿Imaynatan chayta ruwawaq?

Benefíciese de la Escuela del Ministerio Teocrático libron 33-38 paginakunapi, “La investigación eficaz” nisqa capítulo explicashan imaynatas ‘allin yuyayniyoq hunt’aq kamachiq’ qowasqanchis qelqakunata utilizasunman chayta (Mat. 24:45). 36 paginapin willashan Índice de las publicaciones Watch Tower nisqa librota allinta utilizanapaq, chay libropin temakuna hinallataq Bibliamanta textokunapas huk listapi rikhurin. Chaypin maskhasunman huk palabrawan otaq versiculowan, chaykunapiqa ima qelqapi t’aqwinapaqmi willakuyta tarisun. Huk tapukuypaq otaq ima sasachakuyniykipaqpas kutichiyta maskhaspaqa pacienciakuy. Yuyarinaykin “chaniyoq pakasqa illakunata” maskhasqaykita, chaypaqqa tiempota kallpatan necesitakun.

Qelqanchiskunaqa manan llapan versiculokunamanta hinallataq llapa temakunamanta kaq tapuykunamanchu kutichishan. Huk textomanta explicaspapas manapaschá yachayta munasqanchis asuntomantachu rimashan. Hinaspapas huk tapukuykunan rikhurinman Biblia mana llapallantachu willasqanrayku. Chayraykun mana llapa tapukuyninchispaq kutichiykunata tarisunmanchu. Chhayna kaqtinqa, manan chay imayna kasqanmanta rimashanachu, chaykunapaqqa manaraqmi kunan kutichiy kanchu. Yanqan kanman ‘t’aqwinallapaq’ kaq temakunamanta rimayqa, chaykunaqa manan iñiyninchismanta kaq Diospa yachachikuyninkunamantachu willan (1 Tim. 1:4; 2 Tim. 2:23; Tito 3:9). Chay tapuykunamanta sichus mana qelqakunapi willakurqanchu chayqa, manan Brooklynpi nitaq sucusalkunapipas t’aqwirispa kutichinkumanchu. Chhaynaqa allinta kawsananchispaq Bibliapi willawasqanchismanta yachaspan chaykunawan kusisqa kananchis. Biblia mana lliwmantachu sut’inchawaspanchisqa, yanapawanchismi Diospi allin iñiyniyoq kananchispaq (qhaway, Acerquémonos a Jehová librota, 185, 186 paginakunapi).

Sichus tapukuyniykiq kutichiyninta, sasachakuyniykita imayna allichanaykipaqpas tukuy atisqaykita ruwarqanki, manataq tarirqankichu kutichiyta chayri, ¿imatan ruwawaq? Huk umalliq otaq iñiq t’aqapi allin iñiyniyoq cristianoq yanapayninta maskhay. Chay cristianokunaqa allintan Bibliamanta yachanku, cristiano kawsayninkupipas allin experienciayoqmi kanku. Imatapas allin yuyaywan ruwasqankun allinta yanapasunki, astawanqa ima sasachakuyniykipas kaqtin otaq imata decidinaykipas kaqtin, imaynapi tarikusqaykita yachasqankurayku. Diosmanta mañakuspaykipas willay imakunachus llakichisqasuykita. Santo espirituq yanapayninta mañakuy, ‘Señor Diosmi yachayta [...] allin yuyayta’ qoqqa (Pro. 2:6; Luc. 11:13).