¿Yuyashankichu?

¿Leerqankichu kay killakunapi chayamuq Qhawaq revistakunata? Chhayna kaqtinqa, ¿kutichiwaqchu kay tapuykunata?

• ¿Imatan Dios Leví aylluta nisharqan: “ñoqan [...] kaqniykipas herenciaykipas kani”, nispa?

Israelpi kaq ayllukuna ukhupi levitakunaqa manan ima hallp’atapas chaskirqankuchu. Ichaqa Diosmi paykunaq ‘herencianku’ karqan (Núm. 18:20). Manaña hallp’anku karqanchu chaypas, kusikuywanmi Dios serviyllapi karqanku. Paykunamanqa Diosmi kawsanankupaq necesitasqankuta qoq. Chay hinallataqmi kay tiempopipas cristianokunaqa Diospa Gobiernonrayku llank’ashanku, paykunapas tukuy sonqon confianku imachus necesitasqanku chaskinankupi (15/9, 7, 8, 13 paginakuna).

• ¿Iman huk cristianota yanapanman q’ochurikuy akllakusqan allinninpaqchu icha manachu chayta yachananpaq?

Huk kusirikuy akllakusqanchis allinninchispaqchu, hinallataq Diospa allin qhawarisqanchu kasqanta yachanapaqqa, kaykunatan tapukuna: ¿Imaynan chay kusirikuy? ¿Hak’aqmi kusirikusaq? ¿Piwanmi kusirikusaq? nispa (15/10, 9-12 paginakuna).

• ¿Imaynatan Proverbios 7:6-23 yanapawanchis pornografía nisqapi ama urmanapaq?

Chay texton rimashan huk waynamanta, payqa qhelli huchapi puriq warmiq tiyasqan ladontan yanqa purirqan, hinan warmiqa munapayaspa urmachirqan. Cristianokunaqa manan haykunchischu Internetpi qhelli kaqkunamanta kaq fotokunaq kasqanman. Ancha importanten manaraq Internetman haykushaspa Diosmanta mañakuy (15/11, 9, 10 paginakuna).