ASKHA watakunañan pachantinpi runakuna Bibliamanta willaq Qhawaq revistata leespa yanapachikurqanku. 2011 wata julio killapin inglés simipi fácil entiendenapaq revista lloqsimurqan, chayqa huk watallapaqmi kanan karqan.

Chayrayku kusikuywan willamuykichis chay revista ruwakamushanallanta, qhepamanqa lloqsimunqan español, francés, portugués simikunapi.

Pacífico surmanta Testigokunan inglés simipi fácil entiendenapaq revistata chaskispa nirqanku: “Kunanqa allintan iñiqmasikuna entiendenku Qhawaq revistapi nisqanta”, nispa. Huk cartan nillantaq: “Kunanqa manañan mana entiendesqayku simikunata, wakin simikuna imachus ninanta maskhaykuchu aswanmi textokunata maskhayku chaytataq revistapi nisqanwan tupachiyku”, nispa.

Estados Unidos nacionpi universidadmanta tituloyoq iñiqmi willakun: “18 watañan estudiaqmasiykuna hina sasa entiendenata rimaq kani qelqaqpas kani. Manan rimasqaytapas yuyaykusqaytapas hukkuna allintachu entiendewaqku. Chaymi nikurqani: ‘¿Imatan ruwayman?’, nispa”, nispa. Kunanqa allin predicaq cristianan, ninmi: “Fácil entiendenapaq lloqsimuq revistan anchata yanapawarqan. Chaypi fácil entiendena rimaypi qelqasqa kasqanmi qhawarichiwarqan ñoqapas chhaynata rimanaypaq”, nispa.

 Inglaterra nacionpi 1972 watapi bautizakuq iñiqmasin nirqan: “Ñawpaqta lloqsimuq revistata leespaqa Jehová Diospas marq’arikuwaspa leepuwashanman hinan sientekurqani; huk taytapas ususichanman cuentota leepushanman hinata”, nispa.

Estados Unidos nacionpi tawa chunka wataña bautizasqa betelitan nirqan: “Chay revista lloqsimusqanmantapachan chayraq Bibliapi wakin yachachikuykunata entiendeshani. 2011 wata 15 de setiembre revistapi lloqsimuq recuadropin sut’incharqan ‘nube de testigos’ nisqaqa askha mana yupay atina runakunamanta rimashasqanta”, nispa (Heb. 12:1, NM). Paymi nillantaq: “Aswan allintan chay textota entienderqani”, nispa. Iñiq t’aqapi Qhawaq revista estudiakusqanmantan nillantaq: “Fácil entiendenapaq revistamanta huk wawa leespalla kutichiqtinpas huk kaq revistayoqkunan sumaqta uyarinku”, nispa.

Huk betelitan nillarqantaq: “Anchatan kusikuni huñunakuypi wawakuna sumaqta kutichisqanwan. Mana manchakuspan mosoq revistamanta kutichinku. Chaymi anchata kallpachawan”, nispa.

1984 watapi bautizakuq iñiqmasin agradecikuspa nirqan: “Ñoqapi yuyaykuspapas qelqamunkuman hinatan qhawarini. Facil-llatan entiendeni leesqayta, manataqmi  manchapakunichu Qhawaq revistata estudiaspa tapukuykunaman kutichiyta”, nispa.

Qanchis watachayoq wawaq mamitanmi nirqan: “Qhawaq revistata preparakuspaykuqa entiendechinaymi karqan chaypi yachachikuykunata, chaymi unaypi tukuq kayku sayk’usqataqmi sientekuq kani”, nispa. ¿Imaynatan yanaparqan mosoq revista? Paymi nin: “Anchatan admirakuni waway chay revistata leespa facil-llata entiendesqanwan, chaypiqa fácil entiendena pisi rimayllapin kashan, chaymi payqa mana sasachakunchu. Aswanmi sapallan preparakun imayna kutichinanpaq, makillataqmi uyarin Qhawaq Revistata Estudianapaq Huñunakuyta”, nispa.

Huk iñiqmasin isqon watachayoq ususinmanta nillantaq: “Manañan yanapaykuchu preparakunanpaq. Maynillanpiñan mana entiendesqanta yachachiyku. Paypaq hinallataq revista ruwakun chayqa, kusisqan Qhawaq Revistata Estudianapaq Huñunakuypi sientekun”, nispa.

Askha wawakunan mosoq revistata paykunapaqpas ruwakamunman hinata qhawarinku. 12 watayoq Rebeccan nin: “Anchatan gustawan chay revistapi lloqsimuq recuadropi mana entiendena rimaykuna sut’inchakusqan. Facil-llatan wawakuna entiendeyku. ¡Ama hina kaspa, ruwamushallaychis!” nispa.

Qanchis watayoq Nicolette nillantaq: “Sasatan Qhawaq revistata entiendeq kani. Kunanqa ñoqallamantañan huñunakuykunapipas kutichini”, nispa. Isqon watayoq Emmapas qelqamurqanmi: “Ñoqatawan soqta watayoq turachaytawanmi yanapawarqanku Bibliapi yachachikuykunata aswan allinta entiendenaykupaq. ¡Gracias!” nispa.

Rikusqanchis hina, chay revistaqa entiendenapaq hinalla ruwasqa kasqanraykun askha runakunata yanapashan. Askha runakunan necesitanku chay revistata, chaymi lloqsimushallanqa 1879 watamantapacha lloqsimuq revistawan kuska.