2012 wata 5 setiembre killapi Estados Unidos nacionpi hinallataq Canadá nacionpi kaq Betel wasikunapin willakurqan, 1 setiembre killamanta Mark Sanderson iñiqmasi Umalliq T’aqaman yapakusqanta.

Sanderson iñiqmasiq tayta-mamanqa Jehová Diospa testigonkunan karqanku. Payqa Estados Unidos nacionpi, California nisqapi tarikuq San Diego llaqtapin uywasqa karqan, 1975 wata 9 febrero killapitaq bautizakurqan. 1983 wata setiembre killapin precursor hina llank’arqan Canadá nacionpi Saskatchewan llaqtapi. 1990 wata diciembre killapin Estados Unidos nacionpi aparikuq qanchis kaq Escuela de Entrenamiento Ministerial (kunanqa Soltero Qharikunapaq Escuela) nisqapi karqan. Sanderson iñiqmasiqa 1991 wata abril killapin Canadá nacionpi Terranova nisqa islapi precursor especial hina llank’arqan. Chay qhepamanmi hukpa rantinpi iñiq t’aqakunata watukurqan, 1997 wata febrero killapitaq Canadá nacionpi Betelman invitarqanku. 2000 wata noviembre killapin yapamanta Estados Unidos sucursalman kutichirqanku, chaypin Hospitalpi Hampichikuymanta Qhawariqkuna nisqapi llank’arqan, qhepamantaq Predicacionta Qhawariq T’aqapi.

Sanderson iñiqmasiqa 2008 wata setiembre killapin Sucursalmanta Encargakuqkunapaq Escuelaman rirqan, chay qhepamantaq Filipinas nacionpi Sucursalmanta Encargakuqkunawan kuska llank’arqan. 2010 wata setiembre killapin yapamanta Estados Unidos Betelman invitarqanku, chaypin Umalliq T’aqapi Predicacionmanta Encargakuqkunata yanaparqan.