¿Leerqankichu kay killakunapi chayamuq Qhawaq revistakunata? Chhayna kaqtinqa, ¿kutichiwaqchu kay tapuykunata?

¿Hayk’aqmi Jesús ‘preso kashaq espiritukunaman’ predicarqan? (1 Ped. 3:19)

Yaqachus hina Jesusqa kawsarimpusqan qhepaman millay espiritukunaman predicarqan otaq willarqan castigasqa kanankuta (15/6, 23 página).

¿Hayk’aqmi Jesús ‘ovejakunata cabrakunatapas’ juzganqa? (Mat. 25:32)

Jesusqa manchay ñak’ariy tiempopi hamuspan llapa runakunata juzganqa, hinaspa ovejakunata cabrakunamanta t’aqanqa, pantasqa religión chinkachisqa kasqan qhepata (15/7, 6 página).

¿Hayk’aqmi trigomanta mana allin qoramantawan rikch’anachiypi mana chanin ruwaqkuna waqanqaku kirunkupas k’achachachanqa? (Mat. 13:36, 41, 42)

Paykunaqa manchay ñak’ariy tiempopin chhaynapi tarikunqaku, wañuymanta manaña maymanpas ayqeyta atispa (15/7, 13 página).

¿Hayk’aqmi allin yuyayniyoq hunt’aq kamachimanta Jesuspa rimasqan hunt’akun? (Mat. 24:45-47, NM)

Chayqa manan 33 watapi Pentecostés fiestapichu hunt’akurqan aswanpas 1914 wata qhepamanmi. 1919 watapin chay hunt’aq kamachi akllasqa karqan wasinpi kamachikunata qhawananpaq, chaypin kashanku espiritual mikhunata chaskikuq llapa cristianokuna (15/7, 21-23 paginakuna).

¿Hayk’aqmi Jesús hunt’aq kamachita ‘churan tukuy kaqninkuna qhawaqta’?

Chayqa manchay ñak’ariy tiempopin kanqa. Hunt’aq kamachi hanaq pachaman ripuqtin (15/7, 25 página).

Dios yanapasqanmantapas, ¿iman yanaparqan 230 Testigokunata Sachsenhausen nisqa campomanta nishu karuta purisqakupi mana wañunankupaq?

Yanqallaña mikhunamanta kasharqanku wakintaq onqosqa kasharqanku chaypas, llapallankun kallpachanakurqanku mana pisipanankupaq (15/8, 18 página).

¿Imaraykun Prometesqa Hallp’aman haykunankupaq Jordán mayuta israelitakunaq chimpasqanku kallpachawanchis?

Mayuña patantinraq hamusharqan chaypas Jehová Diosqa llaqtan chimpananpaqmi mayuta takyachirqan. Chayta rikusqankuqa astawanchá iñiyninkuta kallpacharqan Diospipas astawanchá confiarqanku, ñoqanchistapas chay willakuyqa kallpachawanchismi (15/9, 16 página).

¿Imaynatan Miqueas 5:5 profeciaq willasqan kamachikuqkunamanta umallikunamantapas kay tiempopi hunt’akushan?

Chay ‘qanchis kamachikuqkunapas pusaq umallikunapas’ kay tiempopi iñiq t’aqapi umallikunan kanku, pisi tiempollamantan enemigonkuna Diospa llaqtanman phawaykamunqaku, chaypaqmi paykunaqa Diospa llaqtanta kallpachashanku (15/11, 20 página).