Jesuspa wañusqan p’unchayta yuyariyqa ancha allinpunin

Jesusqa 33 watapi 14 Nisán killapin wañuran. ¿Imaraykun Jesuspa wañusqan allinpuni karan? Imaymanakunapaqmi allin karan.

Runakunaqa atisunmanmi wañunanchiskama Diospa munaynin ruwayta. Chaytan Jesusqa rikuchiran wañunankama Diospa munayninta ruwaspa.

Jesuspa wañusqanraykun wakin runakunapas hanaq pachapaq akllasqa kanku chhaynapi paywan kuska gobiernamunankupaq. Chaymantapas wañusqanraykun kay pacha paraisoman tukuqtin askha runakuna chaypi kawsanqaku.

Manaraq wañushaspan Jesusqa mana levadurayoq t’antata vinotawan apostolninkunaman qoran, chaywanmi rikuchiran ch’uya kawsayninta runakunarayku qonan kasqanta. Chaypin niran: “Kaytan ruwankichis yuyariwanaykichispaq”, nispa (Lucas 22:19). ¿Qanri yuyarinkichu chay p’unchayta?

Jehová Diospa testigonkunan invitaykiku Jesuspa wañusqan p’unchayta ñoqaykuwan kuska yuyarinaykipaq. Kay watapiqa aparikunqa 9 p’unchay abril killapin, Inti haykuy qhepallata. Chaypi kayta munanki chayqa, llaqtaykipi kaq Testigokunata tapukuy maypichus, ima horatachus chay huñunakuy aparikunqa chayta willanasuykipaq.