Bibliamanta tapukuykuna
¿Iman Diospa sutin?
Familianchispiqa llapallankun sutiyoq kanku. Wasipi uywasqanchis animalkunapas sutiyoqmi kanku. ¿Chaychu Diospas mana sutiyoq kanman? Bibliapin Diosta nikun: Tukuy atiyniyoq, Wiñay-wiñaypaq Rey, Kamaq, nispa. Ichaqa kanmi sutin (Leey Salmo 148:13).
Askha Bibliakunapin Salmo 83:18 textopi Diospa sutin rikhurin. Diospa Simin Qelqa Bibliapiqa manan rikhurinchu, ichaqa Sut’inchasqa Simikuna nisqapi, “Dios” nisqanpin nin: “Ñawpa Rimanakuy qelqapi Diospa sutinqa YHWH nisqan, chaymi t’ikrakun Yavé otaq Jehová”, nispa.
¿Imaraykun Diospa sutinta rimarinanchis?
Diosqa munanmi sutinta rimarinanchista. Munasqa amigonchiskunawan rimaspaqa sutinmantan waqyanchis, riki. Chhaynaqa, ¿manachu Diostapas sutinmanta waqyananchis? Hinaspapas Jesuspunin yachachiwarqanchis sutinmanta waqyakunanchispaq (Leey Mateo 6:9).
Ichaqa Diospa amigon kanapaqqa manan sutillantachu yachananchis. Kaykunatawanmi yachananchis: ¿Imaynan pay? ¿Asuykusunmanchu payman? Chaykunamanta hukkunamantawanmi Bibliapi yachanki.
Astawan yachanaykipaq
BIBLIAMANTA YACHACHIKUYKUNA
¿Sutiyoqchu Dios?
Diostaqa nikunmi “Tukuy atiyniyoq, Kamaq, Señor” nispa. Ichaqa manan chaykunachu sutinqa, Bibliapin 7.000 kutita hina rikhurin.
BIBLIAMANTA TAPUYKUNA
¿Askhachu Diospa sutin?
Runakunaqa piensankun Diosqa askha sutiyoq kananpaq, chaymi ninku sutinqa: Alá, Señor, Tukuy Atiyniyoq, Jehová-yiré, Alfa, Omega, jujkunatawan. ¿Imanaqtinmi yachananchis sutinta?
BIBLIAMANTA TAPUYKUNA
¿Jesuschu Diospa sutin?
¿Imaraykun Jesús mana jayk’aqpas niranchu “Diosmi kani” nispa?
