Alex hinan hukkunapas mana munankuchu sasa llank’aykuna ruwayta. Huk mecanicopas ninmi: “Yaqa llapa runakunan chhayna llank’aykunata pisipaq qhawarinku. Hinaspa ninku: ‘Kaypiqa llank’asaq allin llank’anata tarinaykamallan’”, nispa.

Askha runakunan sasa llank’aykunapi mana llank’ayta munankuchu. ¿Imarayku? Yaqapaschá samaykachikunku televisionpi radiopi hukkunapipas lloqsimuq propagandakunawan. Chaypin runakunaqa mana nishuta llank’aspalla qhapaq kanku. Wasi allichaypi llank’aq Matthew nin: “Yaqa llapa runakunan piensanku sasa llank’anakunaqa mana educacionniyoq runakunapaq kasqanta”, nispa. Vigilantemanta llank’aq Shanepas chay hina piensasqankutan reparan, chaymi nin: “Runakunaqa mana nishuta llank’aspallan askha qolqeta ganayta munanku”, nispa.

Wakinmi ichaqa kusikunku sasa llank’aykunapi llank’aspa. Danielmi construcionpi llank’an, paymi nin: “Chay llank’aykunapiqa anchatan kusikunki, astawanqa hukkunaq allinninpaq ruwaspayki”, nispa. Andrepas pay hinan piensan, ninmi: “Kusisqa kanapaqqa tukuy sonqowanmi llank’anayki. Mana chayqa aburrikapunkin”, nispa.

¿Imaraykun Danielpas Andrepas kusikunku sasa llank’aykunata ruwaspa? Paykunaqa Bibliaq nisqantan kasukurqanku. Bibliaqa niwanchis tukuy sonqowan llank’ananchispaq, willantaqmi imaynata llank’ananchiswan kusikunanchistapas.

¿Ima consejokunan yanapasunkiman llank’anaykiwan kusikunaykipaq? Qatiqninpin chaymanta yachasun.